مواقع صديقة
| المرحوم ایوب امير خنافرة |
 |
 |
 |
| شعراء خوزستان - شادگان(الدورق) | ||||||||||||||||||||||||||||||
| كتـب المقال الطرفي | ||||||||||||||||||||||||||||||
| الأربعاء, 07 يوليو 2010 01:51 | ||||||||||||||||||||||||||||||
|
من شعره: یا گمر سیّر علینه: یا گمر سیّر علینه و ضوّی هلیله ابسمرنه و لا تغیب عندی الک حفنت سوالف ظیم و امشاجه و نحیب و روحی مشتاگه و تعاتب و اشکثر یحله العتب ویه الصحیب وانه بین النوم و الیقضه حلم و ینتظر جیت الحبیب وضیعت سچت اظنونی و ها اودی و ها اجیب و عشت کل العمر غربه و یسعر ابگلبی الهیب و تدری بالغربه عذاب و انه عایش بین خلانی غریب و صفن بیه اجروح کثره و خان و یای النصیب و خل اگلک یا جرح منهن فطمته و یا جرح یرضع حلیب خل اگلک یا کسر طاب اعله عیبه و یا کسر یرجه الطبیب جرح بلسان الشماته و جرح نهشت ناب ذیب و کسر بچفوف الگرابه و کسر بچفوف الغریب کل جرح بالروح و یبره بس جرح فرگه الاحبهم ما یطیب و کل کسر نگدر نجبره بس یضل کسر الخواطر بالگلب حتما یعیب ****** ارحم ارحم: ابیقضه لو نایم حبیبی ، طیفک امعاشر خیالی اشما ردت انساک یشگر، ذکرک ایدور اعله بالی رخّصت عمری اعله مودک ،و اشتریتک سعر غالی حقرت نفسی و هویتک و ساهرت سود اللیالی صم رمل لمّیت بیدی و رجع منک چفّی خالی انت اغله الناس عندی و ابد غیرک ما حلا لی اتسلّحت و اگصدت حبک لو اموتن ما ابالی انه ما غیّرنی بُعدک،شنهو تبعد،شنو اگبالی و ابد ما ریدن یغیّر شرجی اطباعک شمالی ثابت ابحبک حبیبی و بقه ثابت کل جبالی بس بقیت چلمه ارد اگلک،اهیه اول و اهیه تالی ارحم ارحم حته لو من صخر گلبک ،خل یرج مره اعله حالی ****** ای یا گلبی: دمعه و تتمرجح برموشی طاحت و شمّت عطر الورگه ****** صارت نایل غناه گلبی و صارت شمعه و ضوّت دربی و صارت خمره ابکاسی و شربی ای یا گلبی ، ای یا گلبی ****** دمعه و تتمرجح برموشی طاحت شمّت خد الورگه ****** صارت مرهم یشفی اجروحی و صارت همی و ظیمی و نوحی و صارت ورگه و سکنت دوحی ای یا روحی، ای یا روحی ****** دمعه و تتمرجح برموشی طاحت باست خد الورگه ****** صارت تعبیر احلامی و صارت ذکری ابکل ایامی و صارت یقضی و بین احلامی ای یحلامی ای یحلامی ****** دمعه و تتمرجح برموشی طاحت شمت عطر الورگه ***** صارت قلمی حبر اشعاری و صارت همی و جرحی و ناری و صارت صدره اتبوح اسراری ای یا ناری ای یا ناری ****** دمعه و تتمرجح برموشی طاحت باست خد الورگه ****** رسمت صوره اتمثّل حبی و صارت اول جرح ابگلبی بس ما راوت ظیمی و شعبی ای یا گلبی ای یا گلبی ****** سگیتک مای: سگیتک مای من عینی****گلت بلکه الدمع یرویک و طعمتک من لحم زندی****وگلت هلبت یغزّر بیک و رسمیتک عله اوراق الشجر**** و احمد بیک و اکتبلک غزل عشاگ****لنجوم السمه ایودیک و غازلتک مثل جاهل****و من تنام الولی اعلیک و غادرت ابحیاتی و طوعیت الروح****و حضرت ابکل وجودی و ابشوگ افدیک و علت اعله النفس مرات****و عملت اشماردت یرضیک و اموتن من تروح ابعید****و افزّن من یمر طاریک تالیهه اترکتنی و رحت عنی ابعید****یمن مثلی الوکت یبلیک و لا چنّک حبیب الروح**** و لا ذاک التعب یعنیک چا هاذی جزات الطیب****و الیوفیک ما یکفیک کل هاذه العملته اویای ما یکفیک بایعنی و شریتک سمر ما ینقاس****عجیبه اتبع من شاریک اخاف ادعی علیک و حوبتی اتضرّک****و ادعلیک و اگولن ربک ایخلیک و انسّی العین رسمک گلت بلکی انساک****لو طبّگ جفنهه انوب تحلم بیک و من شفت التعب ویاک ما غزّر**** ردت من الگلب امحیک و لگیتک بالگلب منحوت **** و حاولت اشکثر بس ما گدرت اجزیک ****** صفنه: صفنه ابسلام الشمس تاخذنی حد الصین و اذکر مضایف هلی و اذکر هلی الطیبین من چان لیل الشته یجمعنه موگد طین ما نشعر احنه ابّرد و ابحب امس دافین و الیوم حبنه ثلج و اهل الهوا المعسمین ****** الحقیقه اطلعت کلک دغش و اعرفتک اشبیک و کشفتهه الحقیقه امرور الایام و چنت بالع النخله ابشوکهه اویاک و الک چم دگه خایب بالگلب ضام و چنت غالی و لا فد یوم رخصیت تالیهه ابرخیص ابسوگک انسام اعرفت ساسک رمل و ادریتک اتمیل لچن گلت الیحب متغیره الاوهام و طلع گلبک فحم بس ابیض اثیاب کشفیت الحقیقه و اشفتک اصخام ****** و ایضا: انه کربه و اوّگعیت من نخله و خذانی المد و یزتنی ابکیفه للردمات حدرّنی و بعد مارد و لگانی البیّه یشتعل نار یخاف امن الوکت یبرد و جابلنی و یچمّل حطب فوگ اچلای اشما راد الجمر یخمد و لک بسّک دطفّی النار یل شایل حقد اسود ما ضلت بگایه و صرت صم ارماد ازود مومن البرد بردان چه حبک ثلج تبرد ****** عنی ابعد یقاسی : عنی ابعد یقاسی و روح و انسه البینک و بینی و ضل ابراحتک مرتاح و انه ابظیمی خلینی و خلّلک ملتهی اویه الغیر شعری یضل یسلینی و خل الظیم یفرشنی و خل الفرگه تطوینی و لوهی الفرگه تحرگنی الدمع ینزل یطفینی و اذا شح البصر بیه ماریدک تدلینی و اذا گص البرد بیه ما ریدک تقطینی نار البیه مسعورا تحرگنی و تدفینی کل هذا الجره قسمه وین المفر یا عینی طالع و انطبع اسود و امبیّن عله اجبینی ****** امنین اجیت: چان گلبی ارماده طافی امنین اجیت انفخت جمره و ولّعیته و الچمت بیه الجروح و من جدید اجروح جدد و سریته الله لا ینطیک خایب انه های اسنین برماد الجگایر دثّریته و اشکثر لمته و گلتله الما یحبک لا تحبه و عله المامش صبریته و امنّت مده و گلت یمکن نساهم و العشگ خلصت قضیته ما دریت انوب نظره اترجّع الماضی النسیته و من بعد کل هالسنین احساب امس من فارگیته ****** لا تدور عل غلط: اعتذر اباول کلامی و اطلب الغفران منک لو خطیت حتی باچر اوگف ابوجهک و اگلک خویه انه اتعذریت لا تدوّر عل غلط بحروف شعری اشما حچیت و انتبه شنهو الاگوله و شنهو عانیت ابزمانی و مادریت امنین اسولفلک یغالی اتحریّت خاف اشک ایراب شعری و اتگول عنی اتسودنیت انه صار اسنین دافن خنجر ابین الضلوع و ما شکیت انه عشت العمر کله امدثر ابیاییم صبری و هم اظن حگی لون ادثّریت انه بالسان الشماته اتجرّحیت انه باسوف الخیانه اتطبّریت انه باحبال الملامه اتچتفیت انه دولاب الوکت فرنی ابعکس و تدوهنیت انه میت انه بس ارسوم امشی اعله الارض یلمادریت انه چم مره اعثرت بدروب حسباتی و چبیت انه چم مره ابسهام الحظ خطیت انه مرتنی المئاسی و لا خذیت و لانطیت انه یا انه اعله بختی ابزید و اعبید اجنته و امنیت ****** ردا علی اغینیه یاس خضر: مرینه دیرة حمد****یمظفر النواب وین المضایف ذکن****المشرّعه الابواب او وین الدلال الذهب****قاطیهه من اتراب و دورنه مامش بعد****حدر السنابل گطعه ****** ضیّعنه دیرة حمد ****و احنه ابقطار اللیل و اسمعنه نوح و بچی****و الآه و الیا ویل یا ریل صیح ابقهر****صیحت عتب یا ریل جار الزمن یا حمد **** و من عدنه رک الحیل دورنه ما مش بعد ****حدر السنابل گطه ****** الابوذية مجانین الهوی خمسه و نـاسات****او هم لیلای عــافتنی و ناسات
یگولون البعض بلحب وناسات****و انا من الضیم صار اجنون بیه ****** نشكر الشاعر محمد جاسم الشيخاني باسعافه الموقع ببعض آثار الشاعر المترجم له فجزاه الله خيرا و ندعوا له بالتوفيق و حسن العاقبة.
Powered by !JoomlaComment 3.26
3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved." |
||||||||||||||||||||||||||||||
| LAST_UPDATED2 | ||||||||||||||||||||||||||||||
الموجودون قيد الاتصال
يوجد حاليا 2 زوار المتواجدون الآن بالموقعالاوقات الشرعیة
احصائيات
عدد اعضاء الموقع : 26عدد محتويات الموقع : 133
دليل المواقع : 6
عدد زوار مشاهدة الموقع : 43460