مصطفی بن عيد الشلیجي: شاعر من شعراء الشعر الشعبي في خوزستان ولد عام 1361 هـ.ش في العبودي احدى قرى مدينة شادگان(الفلاحية)، دخل الصف الاول الاعدادي في مسقط راسه و بعد ذلک هاجر مع اسرته الی الحویزة و اكمل دراسته فيها ثم دخل جامعة الحرة الاسلامية في الاهواز و نال شهادة البکلاریوس، ثم دخل جامعة الحویزة في فرع الحقوق. كتب الشعر و عمره عشرين سنة و حب نظم الشعر من خلال مجالسته للادباء و كذلك سماعه للشعر الشعبي. نظم في بعض اغراض الشعر من المدح والغزل والرثاء و كتب في بعض الاوزن مثل الموال و الابوذية و الدارمي و النبطي و القصيدة. جمع شعر في ديوان مخطوط و لم يطبع الي الان شارك في كثير من المهرجانات الذي عقدت في مدن ماهشهر و سوسنكرد و الحويزة و شادكان.

 من شعره:

لمیتک محبه او شوگ:

لمیتـک نبض  و حساس حب ابلا شعور او ذوگ 

او حطیتک رمز لبداع شعری ابکل حرف تذکار 

و جیتک صدگ عن کل الدوافع من ضمیر او شوگ 

او خلیتک عشگ صافی ایسیل  ابمنهج  الأشعار 

لــــن کلما مشیت البیت لو شارع و جیت السوگ 

شفت منک وجود او لو لگیت ابدار الک اخبار 

ریحت عجد حینه اشما گلت من طینتک مخلوگ 

شمیتک عطر هیل او گرنفل من حچی الخطار 

حبک  سارق  اگلوب  الجمیع  اوبلصباح  ایبوگ 

لا یقبل صغیــر او لا کبیر اولا یفیده اعـــــذار 

اعرفک چنت یوم ابمهدی نایم ملتوی اومشبوگ 

وجیدک مثل ما جیــدن حروف الأبجدیه اولواحس بنار 

احبک والمحبه اعلیک بس اشما تصیر اتلوگ 

شفتک بین کل بیت القصیده اوحرف،اسمک مـار 

هجت من العشگ وشلون من هاجت تصیرالنوگ 

وعیت اوبس لگیت اشعاری یمی اوماعرفت اشصار   

تعلمنــــــــی اصبراً و الصبر مایعرف المحروگ 

اضم قلمی وگول انساک لن من سمع اسمک ثار 

مله کل الدفاتـــر، چن علیک ابکل بحر ملبوگ 

خذیته ابحر عاصی اشما نهیته اتحفه بینه اوسار   

استغل حبک وجودی ،دم صنــع وعروگ    

کتبلک یا حسیــن او عاف لیک ابکل شبرچم ثار 

******

لو دریت

لــو دریت اشصار بیه لـــــــــو  دریت****مــــــا خطر  بالک  بعـــــد  تنسانی

او لا بعـــــد حبیت غیری او لا هویت****او لا رهــــــــم  بالک  تحبلک   ثانی

انه من قصبن علی لـــــــــو  سافریت****او مــا عفت  لــو بیدی کان او طانی

او لا  کسر گلبــی الحنان  او لا بکیت****او لاعلــــه احضانک  اشم   بحضانی

دوّر اگبالک دشـــــــوف   اشما نسیت****جسم  بس  هـــــذا  الزمن خلانی

لــــــــــو گلتلک  زین صدگ   چذبیت****هــــذا   آنــــی بس   صدگ   مو آنی

آنه یوم السافرت  کنــــــــی  انتهیت****اوصرت طرجی اوطرج  بس  احزانی

وحــــــدی بل آهات  ویت او طفیت****او  لا تضن   واحـــد اجــه  او   طفانی

انه من  قصبن علی لـــو هاجریت****القصــــر   لا قصـــری  اوقصر   جنحانی

ولله لـــــــو بیدی اجیت اتعذریت****او مــــو  دلیل انــــک   تجـی   او تنخانی

انـــه علموعد  اجیت او ما  اجیت****اتگول   تالـــــــــی  ضیعت  عنـــــــوانی

اشلون لیلک گلــی هودیت  او غفیت****اوانــــه  علموعــد   بعدنی  امتانی

حسبیت اهوای بس  مـــــا حسبیت****مــن  بعــــد ذاک  الوکت    تنسانی

گلــــی  بعد الیــــوم چا المــن اجیت****اترید  تخلگ  منـی    واحــــد ثانی

انه یوم السافرت  کلـــــــی انتهیت****او بعـــد  مـــایگدر  شخص    یلگانی

انه یوم  السافرت کلـــی انتهیت****او بعـــــد   مــــایگدر  شخص   یلگانی

Comments

أضف جديد بحث

علق
الاسم:
البريد الالكتروني:	لا تبلّغبلّغ
الموقع الالكتروني:
العنوان:
كود UBB:	-اللون-aquablackbluefuchsiagraygreenlimemaroonnavyolivepurpleredsilvertealwhiteyellow -الحجم-قزمصغيروسطكبيرعملاق
	Please input the anti-spam code that you can read in the image.

Powered by !JoomlaComment 3.26

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."