من شعر الشاعر:

ابگلبی ثبت بنت النبی ودچ****تغنی ابمولدچ شیعتچ ودچ

انتی الرب لعد امتچ ودچ****تشفعین العصات امة نبیه

________

صباح الخیر یلتنشد علینه****الخیر الخیر بولایة علینه

ابفضلک یاالاهی من علینه****ابشفاعة حیدرا اوسید البریه

________

حچی اویاک یامحبوب سربیه****انه احچیلک واگلک رای سربیه

خبر مفرح لعد الگلب سربیه****حب حیدر وانعل آل امیه

________

محد للحسن یوصل وعوده****مسچ عنبر یفوح اریاح عوده

الجود اوکرم هلطبعه وعوده****اله التاریخ یشهد والبریه

___________

رحمه الحسن للعالم وجوده****واحد ماوصله او وصل جوده

للعطشان ینبع مای جوده****اذا تجبل علی ایسیل میه

___________

الغصب حق الوصی اوصیک نعله****فدوه ایروح لجله وفده النعله

میدری ابحب علینه ابزود نعله****لئن حبه نجه للجعفریه

___________

ربنه والنبی طاها وصانه****ابحب المرتضی حیدر وصانه

الیعمل خیر هم تدری وصانه****یدخله الباری بلجنه الزهیه

____________

آیات الکتاب انزلت وصاک****بطاعتهم الباری اشکثر وصاک

بدیهم باب جنته الفتح وصاک****وسیلتنه اهم دنیه وآخریه

_____________

یهل بیت النبی ابحبکم علینه****ولایتکم فرض واجب علینه

اثنعش معصوم کلهم من علینه****طاعتهم فرض اعله البریه

___________

صفه لجلک دمع عینی وشیله****وحط همک عله همی وشیله

الجرحک خیط اصیرنله وشیله****وداوی هلجرح صبح اومسیه

نشکر الشاعر الموهوب هانی بور رضا المدحجي بما تحمله من متاعب في سبيل الحصول على نبذه عن حياة و بعض اشعار الشاعر الثعلبي نشكره كثير الشكر و الامتنان نسئل الله ان يوفقه و يمنحه مدارج الترقي في العلم و الادب انشالله