موسوعة الادب العربي في خوزستان

TPL_KH_LANG_KH_MOBILE_DESKTOP TPL_KH_LANG_KH_MOBILE_REGISTER TPL_KH_LANG_KH_MOBILE_LOGIN

الشاعر الحاج علي العرادي

حاج علي العرادي

الشاعر الخطيب الحاج علي عبدالحسن العرادي الفرحاني: شاعر من شعراء الشعر الشعبي في خوزستان ولد عام ۱۳۱۷ شمسي في قریة الطويجات من توابع مدينة خرمشهر(المحمرة) انتقل الى المدينة و هي کانت و لا تزال محط العلماء و ادباء و تتلمذ على يد علمائها و درس علم النحو و المنطق و الفقه و تفسير القرآن وفنون الخطابة. کان استاذه في النحو الشيخ عيسى الخاقاني و تعلم فن الخطابة عند السيد ضياء السيد علوي و حضر مجالس العلماء و الادباء کمجالس بيت العدناني و الخاقاني و شيخ سلمان و قرأته لکبار الشعراء هاجت قريحته و تاثر باشعارهم و اخذ ينظم الشعر باللغة العامية و يساهم في المناسبات و مواليد و تابين الاشراف و العلماء. نظم الشعر على اوزانه و اغراضه و مختلف بحوره و کتب بعض المجنسات کابوذية و الموال. نشر له ديوان تحت عنوان"لهجة بلادي في رثاء النبي الهادي" و سيتبعه ديوان" رائعة الانشاد في المواليد و الاعياد" و هو يتضمن قصائد فکاهية و انتقادية و ابوذيات و " الروضة العرادية" على الطريقة النصارية.

من شعره:

(بکاء الشيعة على الحسين(

اعلی احسین ما یبطل من الشیعه بچاها***ابکل زمان او کل محل تنصب عزاها

اعلی احسین تبچی کل وکت ما تگطع النوح***عطشان برض الغاضریه اومات مذبوح

او لاینّسی من ظل یعالج نزعه الروح*** و بسیفه شمر الشوم لو داجه فراها

***

او ویلی علی ذیچ الودیعه الاجت تنادی***زینب او شبجت فوگ عامتها الایادی

یحسین دنهض دارت اعلینا الاعادی*** وانا اخیتک زینب اتفرهد خباها

***

انا الچنت بیکم یخویه رافعه الراس***عندی اخوتی امصیّته ما بین هالناس

او عباس اسمه لو طریته او گلت عباس***ارتاح و هو الشایل الگومی لواها

********

(زیارة الحسين تغسل الذنوب)

الزار گبرک یا حسین ابکربلا*** فاز و سعد و رتقی لام العلی

یالتزور احسین هم عندک علم ***من تزوره او لا ذنب عندک یتم

او من تطوف اعلی الضریح او تسلم *** الرکن منه سیل دمعه و اهمله

احسین دمه ابها الارض سال و جره ***لجل دین  الله یظل لینا ظره

و احنه احسین کون دایم نشکره***الحفظ النا الدین او هاذ شان اله

 

)المسامح کريم(

دلاّنــــي الــعقل بـخلاق***بـــيها اخــــذيـــت لـيل انهار

وهــيه اخـلاق طــه احــمد***نـــبينا، وحـــــيدر الـــــکرار

عــن الـصّحبه اوشــرايــطها***الــثمنها عـــالـــي بالــــمقدار

اوگـلت هـذ الـحچي اودسـمع***يــالــــعندک صــفت لـــــفکار

الــيصاحــبني فــــرد مـــــدّه***اوکــليت اويـــاه بـــارد حـار

أظـل اويــاه وفــي ابـــعمري***اومـنـّه احـــفظ الــــتذکـــــار

تــذکــار الــمحاســـن بـــــس***واصــرّه دايـــــم ابـــمصرار

جــواهـــر واحــــتفظ بـــيهن***اوعــنهن أعــــلن الأخـــــبار

اواذا الـصاحـب غـلط ويّــاي***عـــنـّه اخــــــتلق أعـــــــذار

أگــول الــحگ اظـــن ويّـــاه***اوعـــيبه اعليه أحـط اســـتار

عــــلـّمني الـــنّبي ابــــــــهذا***اوعـــلـّمني عـــلي الــــکرار

وحــشي اللـي چــتل حــمزه***عــمّ الـــمصطفى الـــــمختار

وعـلى عــمّه الــنـّبي گــــلبه***بـــيه دمّـــه أظـــنـّن فـــــــار

لاچـــن وحـــشي مــن أسـلم***اوچــان اوّل مـــن الـــــکفـّار

امن اجـالـه واعـتذرله اوتاب***اولـــنـّه رحـــــمة الــــــجبّار

يگلـّه امسامـح وبـــس روح***عــن وجهي الأقـصى اديــار

هــذي اخــلاق ابــوالــزهـرا***الــــمامـثله شـــبيه الـــــصّار

اوعلي اخلاقه اولـطف ذاتــه***الــــبيها الــمجــتمع يـــــحتار

لــون مــامــات مــن ضـربـه***الــوصفه أخـــبث الأشــــرار

عنـّه چــان عــــف حــــــيدر***اوعــليه مــاچــان سـلّ بـتـّار

ابــمثل هــذي الــسجايـه احنا***يــفوز الــمنـّا کــضها اوسار

اولــچنّه ادنـــات حــيّه احــنا***ابــمحبتـنا تـــــــشب الـــــنّار

اوننسى الـماضـي والـزيـنات***شــنهو ازغــارشــنهو اکــبار

آنــــا هــــــــذي ارفــــــضها***وگـــل الـــغاب والــــحضـّار

الــيزعـل منـّي خــل يــزعـل***وصفه اهــوا مــن الأحـــرار

مــهو عـــــبدي ولامــــملوک***ولاعـــندي عـــــليه إجــــبار

آنـــه اعــــليه مـــــا أزعــــل***بــس اســئل مـــــن الـــغفـّار

يـــغفرلــــه اويتــــغفرلــــــي***وهــــوا الــــــقادرالـــــــقهّار

لأن الـــيعفو عــــــن واحــــد***نــبينا مــــنبع الأســـــــــرار

گــال الــــباري يــــغفرلـــــه***ذنـــوبه اولـــوعـــدد لــحجار

واحــنا اذنــــوبـــنا اچــــثيره***أکــــثر مـــــن زبـَـد لـــبحار

اوهـــذ الــــبيه آنــــا اطـــمع***واگــولــن چـــلمتي ابـإجـهار

وصـلـّي اعــله الـنـّبي وآلـــه***الــصّفوه الــسّادة الأطـــــهار

********

الابوذیة

امکمیا حسن و حسین فاطم*** الیحبها الله اله من النار فاطم

اشلون ادفن حزنها الشاغ فاطم*** او حزنها چالشمس طش عالوطیه

*********

روحی من الحزن و النوح بسنوح***او شبه طوفان نوحی ملک بسنوح

فاطم گضّت الایام بسنوح*** لما جتها یهالناس المنیه

*********

الوعاه طاهر طهر و الشر و عاشر***اعلی حب احیبن احب و اصحب و عاشر

ذاک الثامن او تاسع و عاشر*** علیه حرمو المای اعلوج امیّه

*********

الغیر احسین حگ دمعی مسکبه*** تراب البیه وگع یوجد مسکبه

او حبّه یربح الدایم مسکبه***ینال الخیر دنیا او اخریه

*********

مسلم سیفه یوم الکون مرضو***ابحکمه لیش اهل کوفان مرضو

ابغدرهم بیه الگلب الدین مرضو*** مهو نایب سبط سید البریه

*********

الشرف عباس هو فرعه و اصوله*** او اله الحرب جوله وصوله

العند العلگمی اتکرر وصوله*** و هو ساقی عطاشه الغاضریه

**********

الفرات المای لجرافه مواسی*** او عباس الظما ابگلبه مواسی

اخو مثله الاخو مامش مواسی***بس حیدر لعد سید البریه

********

شگ اوراگ الفرح گلبی شگلهن***یلکبر عمتک ومک شگلهن

اذا نشدن یلفراگک شگا الهن*** او شگانی و شب شعل نیران بیه

*********

من بعدک یجاسم من بعد لی*** او جریب اللی احبه انظر بعد لی

او تگلی الدنیا مالچ حظ بعد لی*** حظچ ظیم و انیاح او اذیه

*********

انصار احسین اهم اشرف حموله***او بیهم ینهض الطاحت حموله

اوگفو لحسین برض الطف حموله*** لما خرو ضحایه اعلی الوطیه

********

الحزن مکتوب بکتابی و لوحی*** او یحگلی اللیل لو احزن ولوحی

العزیز المات ما طیب ولوحی*** یچان اللی ما اسهرته ابعزیه

********

البین اگلوب منها الکسر شیفات*** او من هالفات لا اتظن یرد شیفات

وانا اعیونی چثیره احباب شیفات***ادخلو لگبور ماردو علیه

********

های الناس شی چن ذیب شیشات***شی منها الاحبه انفگد شیشات

خویه ارواحنا چن مای شیشات***متا انکسرت تبدّد عالوطیه

********

انا احچی السمع حچی فهملای***اگل عینی الدمع سحی فهملای

هلی الغابو ارید انشد فهملای*** یردون او ترد لفراح لیه

*************

کل الحقوق محفوظة لموقع ادبنا

TPL_KH_LANG_MOBILE_TOP TPL_KH_LANG_MOBILE_SWITCH_DESKTOP

مجوز استفاده از قالب خبری ناب نیوز برای این دامنه داده نشده , براي اطلاعات بيشتر درباره مجوز استفاده از این قالب به سايت خليلان رسانه مراجعه کنيد .