موسوعة الادب العربي في خوزستان

TPL_KH_LANG_KH_MOBILE_DESKTOP TPL_KH_LANG_KH_MOBILE_REGISTER TPL_KH_LANG_KH_MOBILE_LOGIN

الشاعر صادق عبود العتکي

الشاعر صادق عبود التعقيالشاعر صادق بن المرحوم االشاعر عبود جارالله العتکي: شاعر شعبي من شعراء خوزستان ولد عام ۱۳۹۵ هجري في کوت الشيخ في مدينة خرمشهر(المحمرة) في اسرة دينية ملتزمة و محبة لاهل البيت عليهم السلام و کان والده يوصه بالتمسک بسفينة اهل البيت و الاقتباس من طيب حبهم و منهل علومهم. غاب عن مدينته بسبب الحرب المفروضة على ايراننا الحبيب من قبل البعثيين و رجع اليها بعد غياب طويل. ترعرع في بيت کان ديوانا للشعر الشعبي و کان يحضر شاعرنا بينهم و يستمع لشعر الشعراء حيث کان ابية يتمتع بقريحة شعرية قوية و لکن المترجم له ما کان يرغب بنظم الشعر و يميل الى قرآة القصص و الحکايات. بدء مسيرته الادبية لتحقيق وصية ابيه و حضر المدرسة العدنانية و قام في البداية بقرآة شعر أبيه من قصائد و هوسات، و غيره من کبار الشعر کملأ اسماعيل الفصيلي في ايام عاشورا و المناسبات الدينية و بعد ذلک بدء نظم الشعر من الهوسات و المقاطع القصيرة في مدح و رثاء اهل البيت عليهم السلام و ذلک ۱۴۱۸ هجري و استمر بعد ذلک بنظم الشعر بشکل قوي و ممتاز و بتشجيع من سماحة السيد علي العدناني. في شعره ميل الى استعمال المفردات الاصيلة و الصور الشعرية الجميلة.

من بداية نظم شاعرنا المترجم له هذه الابيات معبرا عن مشاعره و احاسيسه و حبه لسيدنا الامام الحسين عليه السلام:

سلام ابکثر ما هلولک ادموع**** و سلام ابکبر خلگک من یوصفون

و سلام ابکثر بکل احروف الاشعار****و کل اهل الشعر و اشما ینظمون

و سلام ابکثر شوگ الضحّوا اویاک**** و شروا بالدم هواک و ما یبالون

السلام من الگلوب الوالهه اعلیک**** الک یحسین بادی ابدمع العیون

*********

و قال بمناسبه ولاده السیده المعصومه علیها السلام:

یلی دلالی ابشرف وصلچ حظی****ساشرف هلدنیه یا اخت الرضا

********

یا شرف هلدنیه یا عز الانام**** و یا عیون الرضا الگر بیها السلام

الخدمتچ خطیت بالفرحه الاجدام****و گلبی گلبی سبگ اجدامی و مضی

او داعت اخیچ القاسم و الغریب****دمعی کل ما ینذچر اسمچ یسیب

اعلع الوجن و امطرز بنشفه و نحیب****و عسری مضیک علی رحب الفضا

********

عسری امضیک علی و الحیل گل****و العمر من دیدنه هالزمن مل

بس بگیتوا انتم یسباح الامل****و الامر بیکم الباری المفوضه

********

یبت موسی الکاظم العز النفوس****اجیت اشم اعتابچ ابلهفه او ابوس

و اعلیچ اقسم بالذی امشرف الطوس****اتسهلی احظه ابوصال المرتضی

*********

ودی احظه بوصل ابوالحمله علی****والحدود امسحها بعتاب الولی

اتاملی الحالی یحره اتاملی**** و الگلب فرگه الحبیب امرّضه

*********

الوجه جایب مایه بصم الچفوف****و ارید التعوکنی اصعاب الظروف

و انتی ادره ابحالتی و عینچ تشوف****و چم امر بس ابذچر اسمچ گضا

*********

و ادری یا بنت الوصی و بنت فاطمه****ابحر افضالچ غطس حتی السمه

لچن لحسین الگلب هدّه الظمه****و خشبت ابحد اللهات اللافضه

*********

یا مچّن الدنیه چنیت ابهواچ****فده روحی اتروحلچ فدوه لحذاچ

ودی روحی احمیمه و تطیر ابسماچ****و العمر بعد الفراگ انعوضه

*********

و قال في ذکري الامام الرضا علیه السلام قصیدة تحت عنوان "ونسة عمر":

خلینی ابخیالک صوره یا ولفی****صوره ولف عانی الولفه متحفی

مهتم و الطگاک امشرّح الرجلین****و علیه نسمات ملگه المعنوی اتهفی

سارح و الجدم مدمی یخط بخدای****ومن دنییه دغش گلبه السمح منفی

یطوی و البعد یتگرّب ابکل حین****و احساسه الشغف وصل الهنه ایقفی

فرحه امخنیبه ابعینه و جفنها انهار****و هوه ایحثها یلله امن الفرح نزفی

کسرت و انحدر شلالهامن الشوک****و گلها الشوفت اعیون الولف رفی

*********

اویه نفسه امرانمه ایگلها المذل جدام****لو بیچ اعله خیر الجایلچ کلفی

دنیه و ابثلاث امطلگتها الروح**** و گلبی ابعقد گلبی اسنین متکفی

گربت و الشمس هدّلت زیچ اویای****شع نور و غطاها و گلت دنکسفی

سجدت بالنحیب سنحت اعله الگاع****استحت و انطفت للنور ازحفت خلفی

**********

عالم عاطفی و دنیه گلب مو مال****و کل اهل الگلوب الهاویه حلفی

شربنه الراح چرعه و عود مزه کیف**** خمره هوی و عگل هایم امغفی

فک باع الدلال و حضنه للتهواه****و گلها ابحضنی اهلن یالالی انلفی

انلفت دینه ابحضانه و ملاها احساس**** ربّانی و یگلها ابعطفی اتدفی

ضلت تتلی بسمه ابّالها  التسبیح**** و تتله اسمه الالها ما درت یکفی

**********

و آنه ابعالمی او یطوی الخیال احداث**** و لن ابنور شمسه ضوه المطفی

عتنی الفرح عتّه و رفع تعب السیر****و بجدمی السرع من فرحته امخفی

**********

حب الله ابوصاله و الکدر ینزاح**** و بوسه عتبته الدای الگلب تشفی

مو گبّه العرش گبته التشع و اتنور****و سر الله ابحضرته الرحبّت مخفی

اهرعت و احضنت شباچه ابغزیر العین**** و چن احساسی ابحضنته ایعصّر ابچتفی

اجمل ذکری چانت مو حلم لو طیف**** انیسه عمری تبگه اویای و الحتفی

و اهنّی ابمولده کل شیعه الکرار****و گلها من درگ حبّ الرضا رشفی

*********************

من ابوذیاته

********

زرع الله ابدلیلی حب الحسین****نبع سبح ابدمی حب الحسین

یروینی من اموتن حب الحسین****و یغسلنی ابفراته العذب میه

**********

اببصیره حب دلیلک شهد الحسین****و تحس ابفاک لذه شهد الحسین

التفانی احسین الله شهد الحسین****هدا مملکته المهین هدیه

**********

بالمصحف المنزل بسمله احسین**** و یعمری اتعیش خالد بسمله احسین

التحظه بالشفاعه بسمله احسین****و یحیی الرب مله احسین الشفیه

*********

یخل الما مثیلک  خل الحسین****و یالمصابک الیکلف خل الحسین

یا عباس احشمک خل الحسین****یحط اید الشفا العاجل علیه

*********

یا عباس یامولای من من****علی و خف ثگل لهموم من من

اشکی و من یرد شکوای من من****ابغیرک یا رجه الما خاب بیه

**********************

نشکر الاخ الشاعر ابو موعود الرشیدي لارساله ترجمة و شعر العتقي، نشکره کثير الشکر لما قدمه من مساعدات في تحقيق ترجمة شعراء المحمرة و في الحقيقة بذل جهدا کبيرا و اهتماما واسعا في هذا المجال. فشکرنا لا يوافي مساعيه لما قدمه من ترحيب و اکرام، و هو ناتج من نفسه الابية و کرمه اصيل يجري في عروقه و هو موروث من اهله الاماجد و نرى العجز لاداء الشکر الوافي لمتاعبه فهو اهل لذلک و نقول له يا کريم جزاک الله خير الجزاء و حشرک مع اوليائک في الجنة.

کل الحقوق محفوظة لموقع ادبنا

TPL_KH_LANG_MOBILE_TOP TPL_KH_LANG_MOBILE_SWITCH_DESKTOP

مجوز استفاده از قالب خبری ناب نیوز برای این دامنه داده نشده , براي اطلاعات بيشتر درباره مجوز استفاده از این قالب به سايت خليلان رسانه مراجعه کنيد .