موسوعة الادب العربي في خوزستان

TPL_KH_LANG_KH_MOBILE_DESKTOP TPL_KH_LANG_KH_MOBILE_REGISTER TPL_KH_LANG_KH_MOBILE_LOGIN

الشاعر قاسم الرشيدي التميمي

الشاعر ابو موعود الرشيديالشاعر ابو موعود قاسم بن عبدالحسين الرشيدي التميمي: شاعر من شعراء خوزستان ولد في خرمشهر (المحمرة) سنة ۱۹۶۶ ميلادي اکمل فيها دراسته الابتدائية هاجر الى مدينة رامشير و استمر في دراسته بها، ارتبط بثلة من محبي الشعر الشعبي في تلک المدينة. ثم عاد شاعرنا الى مسقط راسه بعد خمود الحرب و انتمى الى الهيئة العدنانية و اصبح عضوا فعالا يشارک بما جادت به قريحته الجياشة من الشعر في المناسبات الدينية. يعد من الشعراء المجيدين فهو شاعر جمیل المعنی رقیق الکلمات قوي التعبیر فقد رفع الشعر عالیا خفاقا في سموات الادب باستعماله الصور الشعرية الجميلة و یملک حس ظریف یعبر عن ظرافة احساسه و قدرة تصوره و وسعة نظره فی نظم الشعر و لذلک شعره الحافل بالجمال و العطاء و حسن النسج و الخلود اصبح یردد على لسان خدام المنبر الحسینی. کتب في جميع مجالات الشعر و تتطرق الى جميع اوزانه کالميمر و الابوذية و القصيدة و الموال و غيرها من الاوزان و برع في الشعر الحسيني لحبه لاهل البيت عليهم السلام و عشقه لمسيرتهم الطيبة.

 

نبذة عن حياة ابو موعود الرشيدي

قاسم بن عبدالحسين الرشيدي التميمي: شاعر من شعراء خوزستان و هو شاعر مجيد ولد في خرمشهر (المحمرة)سنة ۱۹۶۶ ميلادي في منطقة المجاورة لمحطة القطار اکمل فيها دراسته الابتدائية و في تلک الايام اندلعت الحرب العراقية الايرانية المفروضة على بلاده و هاجر مترجمنا الى مدينة خلف آباد و استمر في دراسته و کون صداقة جديدة مع مجموعة شباب المهاجرين المتواجدين في الک المدينة و اهل المنطقة و من خلاب هذه الصداقة الدراسية کانت هذه الثلة من الشباب يکتبون و يستمعون الشعرالشعبي و يعرضونه و يتبادلونه فيما بينهم.

الهجرة من الحرب جمعت مجموعة من الشعراء الشعبين: منهم شعراء عشيرة القيم المعروفين و مجموعة من حفاظ و رواة الشعر الشعبي و کذلک نقاد الشعر . ثم عاد شاعرنا الى مسقط راسه بعد ما وضعت الحرب اوزارها و مباشرة انتمى الى الهيئة العدنانية و اصبح عضوا فعالا يشارک بما جادت به قريحته الجياشة من الشعر في المناسبات الدينية التي تقام على السيرة الدايمة .

و کانت المدرسة العدنانية الناقدة المطلة على عالم الابداع و هذا ما يحتاجه کل ذي موهبة لصلقها و الارتفاع بها الى المستوى الانتاج الفني الناضج حيث تلقى منها و على رأسها و مقدمتها سماحة الاديب الفاضل اية الله الحاج سيد علي العدناني الغريفي مستلزمات التطوير فتخرج منها و لا يزال فيها خادما مخلصا لاهل البيت علهم السلام و سلاحه الکلمة الهادفة التي توقظ العقول و الللفظة الشفافة التي تداعب من حس مرهف و ذوق رفيع و عدة لغوية مهذبة حتى استحق قول الشاعر الاديب کاظم سلمان الخاقاني (احد شعراء النجف الاشرف )فيه:

اذا ما رمت انس المستفيد****و لحنا مطربا من غير عود

تطير على بساط الريح فيه****و تبلغ عالم الافق البعيد

و تسبح في بحار الحب فلکا****يسير على هدى القلب العميد

و تنهل من عيون الشعر عذبا****و تهتف ضاميا هل من مزيد

و تنظر و الليالي مشرقات****تراث الاهل في ثوب جديد

و تشرب خمرة منه حلالا****عليک بشعر قاسمنا الرشيدي

لعل ابرز ما قدمه شاعرنا مساهمات ملحوظة و مشارکات واسعة في النوادي الشعرية في شتى المناسبات الدينية و الشعبية و الوطنية فتحت له ابواب التطوير على مصراعيها و منها کتابة الشعر في اغناء المنبر الحسيني و قصائده التي تبعث روح التجديد في المنبر جنبا الى جنب مع کوکبة من شعراء المدينة الذين تعاهدوا على اعطاء دم جديد للقصائد الحسينية التى تؤرخ مصائب اهل البيت عليهم السلام بالعبارة الصادقة و في هذا الاطار لا ننسى لقائه و منادمته مع کبار الشعراء منهم الشاعر سيد سعيد الصافي الرميثي و الشاعر ابومحمد المياحي و الشاعر ابوخديجة العگیلي و الاديب کاظم سلمان الخاقاني و..... الذين سمعوا الکثير من القصائد و اصبح بينهم من ابرز الشعراء و خدمة اهل البيت عليهم السلام فحصلت لشاعرنا المترجم عبر هذه اللقائات مع المجموعة الکبيرة و النخبة الکريمة من شعراء و ادباء اهل البيت عليهم السلام المذکورة اسماء هم هذه الموهبة الحسينية ليصبح عريفا ناجحا لادارة الندوات و الحلقات کما ليکون مديرا فعالا لاداء تقديم البرامج عبر شاشات التلفاز و المذياع فتشکر لشاعرنا هذه الجهود المتواضعة التى يبذلها في سبيل العقيدة و الدين. و اما قصائده فقد اخذت طريقها الى المنبر الحسيني ينشدها بعض الخطباء و الرواديد بإنتظام يساعدهم على استمرار بها بساطة الالفاظ و جودة المعاني و صدق المشاعر. فالشاعر المحب المخلص لاهل البيت عليهم السلام اصدق ما يکون حين يقول: "يا ليتنا کنا معکم".

من شعره:

 

مقطوعة فی حق الحسین (ع) 

لو لا شخصک ياحسين نچان ربک ما خلگ مخلوگه

غيرت ون الحمام بهالمجيي مطرب الجيتک نخلنه و رگصيت عثوگه

يا غرام و نده النايم عالورود منک عطور الورد مسروگه

يا نغم سافر علجناح الرياح و بهواک الصب عشگ معشوگه

يا طعم برحي و عسل و احلي الحلاة الزعفران انت حلاته و ذوگه

انت يا سوگ المراجل يا حسين و الله لولاک العزم راح و تعزل سوگه

انت من طبيت ساحات النضال ، شفنه خصمک و البطن مطروگه

انت حگ و يمنتک تطلع حگوگ دين طاها ابدمک الزاچي طلعت حگوگه

يا قصيدة مطرزه بلون النضال و النضال تضل دماک الجاريه اويه عروگه

شگد چثيره العادتک رادت فناک لاچن بچفين اخوک احلوگ ضلت للخصم مشگوگه

يا دليل امضوي بدروب الظلام و يلي جدمک يسحگ دروب المهي مسحوگه

امنين انت و شنهو نوعک يا حسين و ليش هيچي العبره حتي بمولدک مخنوگه

وله ايضا:  

انت بالدم وسـمّت صدر الزمـان****وآيـة الايـــثار صارت آيتک  

روس ننطي وموش بس ننطي الچفوف****الروس کلها تروح فدوه الهيبتک  

و له ايضا:  

 

ام الرضیع.....

خل نشد ظعن النواعی ونگصد انواسی الرباب

فوگ برگعهه وستـــــرها اشلون تنثر بالترباب

********

من طلع ضعن ابوالیمه وچان سلطانه الحسین

وهاشم سباع الحریـــبه اویه الضعن متحزمین

چانت بهیبه الحرایر والحمه اللیــوث العریــــن

چانن بعزه وجلا له ومکرمه وهیـــــبه وحجاب

********

بیاه ابوا لیمه واخوته بها الأوضاع من الصبا

عاشن بعــــــــــزه وجلاله وربن بحضان الإ با

چن اشوفه اختار قــلمي ویا وصف مایکــتبه

منهن اختار العــزیزه بإذن من سیــــد الشباب

********

هاک اخذصورة خیالي وشوف وضع ام الرضیع

وطبعاً الرایح ولیـــــــــــــها تنسبی وحتماً تضیع

یالرباب الله الیــعیـــنچ فاگــده حسیــــــن الشفیع

وچنی بصوت المدامع هاک اخذ هــــــذا الجواب

******

هاک اخذ هاي الرساله وسولف الشیعة علي

ولا تنا شدنی علیـــــــــمن مال هودج محملی

انه وسکیـــــنه ورقیة بحیـــن صرنه بلا ولي

عا ینت وجنة رقیة وشفت زورگـــها الصواب

********

وعاینت متنین سکنه الزورگن من الضرب

من عگب حرگ المخیم ولله ضیعـنه الدرب

إشلون اهل الشیــم تقبل سلبونه بها لحرب

بلا ضره ووالي ومحامي والمن نوجه عتاب

********

حسین یاعین الگلادة الخیل تسحگله الضلوع

فوگ عرش الرمح راسه وعینه تسچب بالدموع

لاچن اعظم کل هظیـــــــــمه مخدراته اللي تلوع

ومثل ماسلــّبو سکنه سلبو منـــّه الثیــــــــــــاب

********

یاقلم صب المدامع نوح وانحــــــــب یا قلم

یا جرح تگدر توصفه وبیـــک تکتب یا الم

للربا ب حسین خیمه ومن بعد حرگ الخیم

یا فیاي الفي علیها وبل الشمس ظلت رباب

********

الهوسات:

حچایة وکل جمیع الناس خل المادرو یدرون

آمرمصطفی المختارغزوة وکلکم تحضرون

ضد خیـــبر یاهالإسلام لازم بیرغ اتشیلون

وکل واحد کون یشد حیله

*******

فزعو عالیهود رجال هیچی تسولف الأخبار

جنود مجنده وفرسان والقائــــــد نبی المختار

شافو حصن بي بیــبان من کبره الفکر یحتار

والوادم تصفگ بیــد یها

********

صاح بصوت ابوالزهراء یاهوالیوگف الهایة

الیوم النهـج والقــرآن منکم راد تچایــــــــــة

کل من راح رد فشلان لاچـــــن ظلت ارایة

مایگــــــدر واحد یدناها

********

هالرایة غدا یاناس لازم کلکم تشوفــــون

اسلمهه بچفوف الحید وانتم یومه تعرفون

احبنه ویحبني إهوای وایحبه الآه الکـون

وکل واحد منهم گال آنه

*********

حیدر عجب موموجود یوم والوغه ایعرفونه

واذاشبت لضه الکلفات بس حیـــدر یند بونه

ساعة وصوت لنه ایصیح حیدر رمد بعیونه

مایگدر یوگف بالحومه

**********

تبّسم مصطفی المختار لاکــــــــــن رافع چفوفه

گا للهم علی جیــــــبوه یمنه ولازم نشـــــــــوفه

اجه بکل شوگ ابوالحسنین جیه بروح ملهوفه

یم طاها ایقــّبل چفینه

***********

محمد شاف حامي الجارجیته بروح مشتاگه

لاکن هالرمد بالعیـــــن واید ضیّگ اخلاگه

مد إیده النبي المهیوب هیچی واخذ بریاگه

وبهدای امسحهه اعلی اعیونه

************

برت من الرمد عیناه لاکن نزلت الدمعه

علی جاه النبي المحمود عند الباری شوسعه

یبن العم تحزم گال حان الوکت للفزعه

یاحیدر گوم تعناها

***********

تچنه وگام ابو الحملات للکلفات شد حیله

درو عن من حچه المختار هذا الیرد کل عیله

خطفه وچنه مد الأید صوب الحصن ویشیله

تتلاعب بیده الصفاگه

**********

 

******

تروح فدوه الروس کلها المصرعک****ودمع زينب يوم صب لموادعـک

عرش اميّة اتضعضع وما ضعضعک****ونملت ذان الفــلک من صيحــتک

******

بـصيـحّـتک يحسين عززت النـفوس****وقدمت للدين مجموعة شموس

وذيچ خيل اعداک بضلوعک تدوس****الدين شد حيله ووگف من طحتک

******

هددوک اعداک وانت الما تهاب****وشمس مجدک ما يغطيها السحاب

انت بس دربک عدل غيرک سراب****وکل ضمير الحي شرب مي غيرتک

******

يا منارة العلت لعنان السمه****يا زلال الروّه بدمـــومه الضمه

عود نگدر نوفي مهجة فاطمه؟؟****ومن گدر يحسين يوگف وگفتک

******

ووگفتک يحسين هي وگفة شرف****لا اظن حتــّي الشرف بيها اعترف

شاع صيتک سيدي وبکل طرف****بيک تتباها الخلگ وبرايتک

******

رايتک وتظل ترف فوگ الفلک*****وبصدر تيارک اليوگف هلک

زلزليت الکون ابد ما زلزلت****النوب حتـّي الکون صار بخدمتک

******

بخدمتک يحسين املاک العرش****ودرب حبک کون بالدم ينفرش

والله ذانات الخلگ ماهن طرش****بس خباثه من العدا الماسمعتک

******

يا حسين انت الإبا ورمز الإبا ****وحبک من الله اکبر موهبه

نهجک الحگ والله راده وسببه****بيه عزة گومک وعز شي

******

احنه عاهد ناک هذا اکبر دليل****اليومک بعاشور ماصح کل مثيل

قسم نقسملک وحگ ذاک الکفيل****نضحي بالغالي و نحامي گبتک

******

والله حگها گلوب لوتزحف زحوف****لئن للحگ صلـّت اعليک السيوف

 

والله ما يبعـد طريج زيارتــک ****زحف نزحف يبواليمه الحضرتک

******

زحف نزحف سيدي ورغم الهوان****يامـلاذ الدنـيا کلها ويا امـان

و له ايضا

قصيدة حلم غبشه

*******

 

چنی طول ابطول نتمشه اعلی شطنه الأید بید

حلم غبشه وموبعید

**************

انت ریحة نخل حینه اللفلفه غبار الزمان

أنتِ حنیّة أهلنا السامحت عثر اللسان

انتِ عین الما تغیّض بیها بس الشوگ بان

أنتِ سمرة وکل سمارچ ندري معناه الحنان

وانتِ ثوب امنه العجوزة المعرفت نص الردان

أنتِ دله وسیف وعگال وعجید

چنی طول ابطول نتمشه اعلی شطنه الأید بید

حلم غبشه وموبعید

****************

انتِ أخت ذاک ایحّسب دوم جاراته الخوات

أنتِ زود البیه وبجاله خواته امأمنات

أنتِ عصابة اعلی شیله وبویمه وهوسة بنات

أنتِ نشمیة التنـّخت هلهلت بالمعضلات

أنتِ دمعة فرح لالت علی خدود المهات

أنتِ شهگة هله اولیدي الاگت الردمن بعید

چنی طول ابطول نتمشه اعلی شطنه الأید بید

حلم غبشه وموبعید

******************

أنتِ تذکار من أهلنا وأنتِ گعدات المضیف

أنت ِدمعات الغریب البات لیله اعلی الرصیف

أنتِ نسمات العذیبي الهبّت بمسوم خریف

أنتِ هلهوله بسلفنا الفززت حلمي اللطیف

أنتِ خوة بمالة الله وأنتِ عفة کل عفیف

آنه اشوفچ أنتِ وردة البالحسن نوعچ فرید

چنی طول ابطول نتمشه اعلی شطنه الأید بید

حلم غبشه وموبعید

*********************

أنتِ اُمنیة الجمیلة مدثرة بماضی السنین

أنتِ حسنچ کل جمالچ ینحسب دُر الثمین

أنتِ شَعره من الجدایل ناگعة بعرگ الجبین

أنتِ گلب الأم لبنها الیمطر أشواگ وحنین

أنتِ شَذرة محبس العِز لایگه بچف الیمین

أنتِ والله گلادة حلوة البالمشي تلاعب الجید

چنی طول ابطول نتمشه اعلی شطنه الأید بید

حلم غبشه وموبعید

********************

أنتِ من دنیا المحاسن حاویةعیون الغزال

أنتِ بعیون الطبیعة انمثلچ نسمة شمال

أنتچف دافي اللمسة وأنتِ لضماي الزلال

أنتِ سچة ودرب صافي شلون اعوفنچ محال

أنتِ موجة شط صفنتي اللاعبت جُرف الخیال

أنتِ عین الدنیا عینچ بیها الگه شما أرید

چنی طول ابطول نتمشه اعلی شطنه الأید بید

حلم غبشه وموبعید

*************************

أنتِ حنطة وملح گاعي وسنبله وگطرات دیم

أنتِ چف فلاح نشمي البیه أثر تعب القدیم

أنتِ فطرة البالنوایة تعشعش بگلب السلیم

أنتِ سالوفة حبایب یاورت شفة ندیم

أنتِ گربچ فرح زفة وبُعدچ نسمیه ظیم

أنتِ یا صفنة الطویلة مطرزة بمطلع قصید

چنی طول ابطول نتمشه اعلی شطنه الأید بید

حلم غبشه وموبعید

************************

لا تنشدینی اعلی حالي منین أجیت منین أعود

آنه کل ساعة اعلی ساعة هموم دلالي تزود

آنه مامرتني فرحة ولاشفت لحظة سعود

آنه بسمه اعلی الشفایف نِکتت ویاها العهود

وآنه لو مامرني طیفچ عگبه شلـّي بهالوجود

بعد هم اگعد واتاني وجیتچ لعیونيِ عید

چني طول بطول نتمشه اعلی شطنا الأید بید

حلم غبشه ومو بعید

******************************************* 

 

 

 

 

 

کل الحقوق محفوظة لموقع ادبنا

TPL_KH_LANG_MOBILE_TOP TPL_KH_LANG_MOBILE_SWITCH_DESKTOP

مجوز استفاده از قالب خبری ناب نیوز برای این دامنه داده نشده , براي اطلاعات بيشتر درباره مجوز استفاده از این قالب به سايت خليلان رسانه مراجعه کنيد .