موسوعة الادب العربي في خوزستان

TPL_KH_LANG_KH_MOBILE_DESKTOP TPL_KH_LANG_KH_MOBILE_REGISTER TPL_KH_LANG_KH_MOBILE_LOGIN

الشاعر عبد القادر مقدم

الشاعر عبد القادر مقدم

الشاعر عبد القادرعبد الحسین ابو عارف مقدم (المجیدماوي): شاعر من شعراء الشعر الشعبي في خوزستان ولد عام ۱۳۴۱شمسي فی قریة العبودي التابعة لمدینة شادکان (الفلاحیٌة) و ترعرع في بيت يکتنفه الدين و الادب و تربى على حب اهل البيت عليهم السلام و دخل المدرسة في القرية نفسها و اکمل الابتدائية فيها ثم انتقل الى مدينة الفلاحية ليکمل مرحلة المتوسطة ثم ترک دراسته عازما للدفاع عن وطنه و شارک في جبهات الدفاع ثم بعد عودته حصل على شهادة المتوسطة(الديبلم) و ثم بکلاريوس فرع علم الاجتماع، اشتاق الى الشعر حيث انه تربى في عائلة تميل الى الادب و کان والده الکريم عبدالحسين و اخوه الاکبر مرد من شعراء مدينة الفلاحية، فتعلم فنون الشعر منهم و بدء نظم الشعر بجوارهم و اصبح شاعرا مجيدا ينظم الشعر الرائع يستعمل المفردات الاصيلة و الصور و المعاني الجميلة و تتطرق في نظمه الى اکثر مجالات الشعر الشعبي و کتب في اوزان شتى منها: الابوذية و الميمر و الموال و الدارمي و الهات و القصيدة و غيرها من الاوزان الشائعة في خوزستان و له شعر کثير في مدح و رثاء اهل البيت عليهم السلام و اجاد في هذا المجال. شارک في کثير من المهرجانات و الندوات الادبية و حصل على مراکز سامية منها: المرکز الثالث في مهرجان المقاومة و المرکز الثالث في مهرجان الدفاع المقدس و المرکز الثالث في المهرجان الدولي الرضوي. جمع في مسيرته الادبية شعر کثير  و جمعه في خمسة مخطوطات، له ديوان في الهوسة سيطبع عن قريب.

من شعره:

"عبرة الامة"

یـــــا سبط الـــــرسول المصطفی الــمختار***یــاثـــار الالاه وعـــبرت الامـــــــــــــــه

یـــــا مشعل هـــدایــــه ورمــــزللـــــــثوار***یـــــا صوت الـعداله ومحکمت حـــکمـــه

یلبد مک مـــلائکت السمــــــــه ایـــحلفون ***ومـــن مثلک العالــم تحلف ابـــد مــــــــه

یاهـــــو اـلمثل ابـــوک ابین هــــای الناس***ویاهــــو المثل امک بــل خلگ امـــــــــه

یــــااول شهید الــــکون نـــــاح اعــــلیک***والــدنیه ابــــچتلتک عــتمت ضلمــــــــــه

ما بین البطل والـــحگ صــرت مــــیزان***والباطل صرت فوگ الارض خصمــــــه

یــل بیک الــدمه ابــــزود انتصر علسیف***ویـــا طـــود الثجیل الــریح مــا زمــــــــه

یــــاقــــایــــد معسکرو الــــــعدد سبــعین***  وسبعین الف عسکر ابـــد مــــا همـــه

یااعــظم جبل مـــن صبر فـــوگ الــگاع***  یـــــل تشبه لـــــبوک ابمحنته وکظمـــــــه

فـــازالعرف شخصک وانته ذاک احسین*** وخسران وچبوبــــــه الما گـــــدر فهمـــه

یــل سهمک الـدنیه وجنت الـــــفردوس***ویاهو المثل سهمک بـــل خلگ سهمــه

حبک سیدی جـــــنه وعــشگ للــــروح***والـــحبک ابــــحبک یــــــوصل القمـــــه

یــــل حبک سراط الناس تمشی اعــلیه***ومــــن یـــوم السراط الحبک اتسلمــــه

یـــاجـــامع شجاعـه اشما اکو ابهل کون***ویـــــا وارث محمد جــــدک ابعلمـــــــــه

ابچتلک حسبو حــــــدرالتراب اتـــضیع***وشخصک من العالـــم ضیعو رسمـــــــــه

غـــــم رایه الیحسب نمت بــــل تـــربان***وشلون الــــــتراب الشخصک ایضمــــــه

یـــــاهو الگال مثلک بـــل تــــراب اینام***وانــــته السمه ابکل منظومته ونجمــــــه

ابچتلک حسبو صوت الـــعداله ایـــموت***صرت انته العدالــــه ولل شرف بصــــــه

وراسک حسبوفــــوگ الــــرمح مشیول***مـــــو راسک طلــــــع آیاتنه العظمـــــــه

ابــــچتلک حسبو بـــیت الـــــکرم ینشال***والـــــیگصد مضیفک سیدی اتهضمــــه

عشره اهـــــل الــکرم ما بیهم ایضیفون***وملایین الحسین الضاعــــو ابــکرمــــــه

ملـــــــیونین تــگصد کـــل سنه الحجاج***بیت الله ابـــــفرح وابتلــبیه اتعظمــــــــه

وانته اربعتعش ملـــــیون بس عــــاشور***تنثرلل دمــــــوع وعـــــل صدر لطمـــــه

والــــگالـــــو مـــتت یــــحسین غلطا نین***انته الـــی احتیت ومــــوتـــــو همــــه

*****************

"عقیله بنی هاشم"

یـــاعــقیله ابــصبرچ احتار الــــزمــان***وبـــعظم بـــلواچ حیّرتــــی الملــــــه

یـامــره الـــمثلچ ابـــهل عــالـــم تصیر***وحـــــزنـــــچ اشحدّه الـــگدر یتحمّله

انتی بـــــل ایــمان واجـــهتی الصعاب***وانــــتی بس لله اشتـــکیتی الــمشکله

انتی صرخه الهزّت اعــروش الطغات***وانــــتی صوتـچ کل شریف ایـــرتّله

انــتی بیچ احتارت اگــــروم الــــرجال***وعــــزمــچ الـــراسخ جمعهم فشکله

انـــــتی هــــزّیــتی الارض بیهم جمیع***وصرتــــی زلــــزال وعــــلیهم قنبله

وانــتی صرتی المعجزه ابیوم الطفوف***وانــــتی کملتی الـــمسیره ابکربــــله

وانتی صرتی احسین من طاح الحسین***وصرتــــی عـــبّاس وکفلتی العایـــله

انتی بــــــل شام ابــطّن مجلس یــزیــد*** صرتـــی ابـــوچ ووضّحیتی المساله

انتی زینب والــــــدچ فــحل الـــــفحول***وامّـــــچ الـــزهـــــره البتول الفاضله

مــــاکــــوبــــل عـــالم مثل امّچ وابوچ***بس رسول الله والــــچ منّه الصلــــه

اذن بس انـــتی الــــحویتی الهل مـــقام***والله بس انـــطاچ هــــای المنزلــــــه

****************

"صفنة عشگ"

یاخِذنی الفکر وگعد وسولف بیــــک***وتسلّه ابدمعتی التجــــرح ابخـــــدّی

واگل الروح اصبری وطبّگی السبات***والباب المعاتب غـلّـــگی وســــــدّی

صافن کل وکت وبنی واهدّم ضیــــم***وحسبه اتجیبنــــــی وثانیــه اتــودّی

وهمومک التاهن مادرنّک ویــــــــن    عافنّک واجنّی ونامـــن ابســـــــدّی

انته اهموم عندک وانه عندی اهموم***بیـــــهن شکبنت وتحمّلت وحـــــدی

ومشدوه ابهــــواک وضیّعت الــرای***بلّام وغشیم وضیّــــــــع المـــــردی

لا اگدر اعوفک وانسه کل ماچـــان***ولابیّه اعله ضیمک واحمل الیسدّی

گالوها الشلب ما یثمر ابلا طـــــــین***ولو شحّت الدهله ایصـــوفر البردی

وایموت النخل لو فارگه الـــــــفلّاح***والحلفه ابوکاحه ابمشـربه اتســــــدّی

هیچ آنه وقضیتی وحالتی ابلیّـــــاک***وازود من هذنّی ویجن مِن بعــــدی

سالفتی اصبحت مثل البعـــید اویاک***والجار اعله جاره الماعرف یبـــدی

محّد هیـــچ عانه  ابکثر ما عانیـــت ***ولا واحـــد تاذّه ولا صبر گـــــــدّی

اتمنّیـتک الــــم ویعالجه الدکـــــــتور***وبوصفت علاجه الحالتی ایهـــــدّی

بس جرحک عتیج وما ایفیده اعلاج ***وظل عــایش اویای ویاکل ابچبــدی

مِن غصبن علّیه اتحمّلیتک هیــــــچ***صابرعل جره وکل ماسدّه ویســدی

لئن العگل عندک والـــگلب والروح***وآنه ابجسد خالی وکل شی ماعندی

**************

"مولود نرجس"

هل اهــــــلال عیده وفرحت الناس***وعم الفـــــرح کل قریه ومدینه

وفصّــــلنه ولبسنـــه الأجمل اثیاب***وعلــــگّنه الهَنه ابکل دار زینه

وطشّینه الفـــــرح بدروبه شوباش***ونسینه ادموعنه ولوعت بچینه

ونثرنه الــــواهلی وشبّینه الشموع***وبعطـــور الهـــوا نسّم علیـــنه

وفِتحنه اگلـــوبنه وبیبـــان البیوت***ورحنه الناسنه وگامت تجیـــنه

وعلینه امنل فرح ماضـلّت اهموم***وشغِفنه اگلوبنه الچانت حزیـنه

انملت کل الشوارع بل الزغاریــد***وشهگ نعناعنه وفاح ابحنیــنه

انولد للعسکری وعِد نرجس الیوم***ولد معصوم وکبر من حچیــنه

مهدی ویا نعِم بسمک یامـوعـــود***یاهیــبت الـــدنیـــه ویاولیــــنه

یحگ للمصطفی نرفــــــع تحیّات***والحیدرعلــی لیـــث العــرینه

ویحگ للعسکری لوگلنه مبروک***والنرجس النرجس لـوهـدیــنه

*****************

"قطرة نده"

یا  قـــــــطرة نــده ابـخد وردة الغـــندور***مـــره  الیل  شرجــی و خادرابعرگـــــه

حیرتی الشمس مــن طـر صبحها اعلیچ***ما  گــدرت اتعلی  وضـلت  امشرگــــه

شا فت  خـــد وردتــچ حـــاضنچ ملهوف***خافت رمح  تعله  وخــدچ  اتحر گــــه

فـــراشات الصبح مــن فزن امنل  نـــوم***بیچ  اتحیرن  ونصابــن  ابشر گـــــــه

لگنچ غـــا فیه ویحرس عــــلیچ الــریح***وانتی امشرقـــد  ولجفونچ امطبگـــــه

مــــا قبلن  یـــطیرن خـــا فـــن اتفزیـــن***ورفضن شهد ورد امجاورچ  سرگــــه

اصفه امنل نبع والهق مــــن  الشمروخ***ویــــضیع الخلیج ابعینچ  الــــزرگـــــه

یـا بطــنج  جداول  و الـــــریاح  اهبوب***وشذ نب الیشم  وریـــحچ ایـــفهگـــــه

یــــا عـــرج السعد  یل بـــل شعر مظفور*** یــــا عـــنبرعتیج وخـــــاثر ابعشگــــه

یا رمــــان ساوه ومشمشة  کـــــــارون***یـــا  بـــــرحی الــخلال امعلگ ابعثگــه

یــــا تین الـــمحمره  ورطـــــبة الگنطار***یـــا  خـــوخ  الشمال  ونکهة  المنگه

بــورتی  الـــــورد  من گد  جمال  البیچ***وخلیتی  القصن   یتستر  ابـــــو رگـه

*****************

"وداع الحبیب"

وادعــت الـحبیب ابــگاب یلهب نــار***مــن غصبن علی مجبور وادعته

ابـوجهه اتبسّمت من شفته رادایـروح*** بس گلبی ابلهب والنـــار حـارگته

روحی اشما اردههه اترید تمشی ویاه***بی هامــت عــمر وسنین عاشگته

ومـــن هـم للسفربعیونه شفت اعــتاب***وشما راد یحچی الد معه سابــگته

راد ایگول اودعــک ما گـدر شیگول***لونه انخطف شفته وعـبره خانگته

لـــو مـا بی حــرام ومستحات الناس*** چا حــلّیت ادی وبشوگ عـــانگته

بس ردنـی الخجل وحچایت الوجهین***والسان الوشه امنیگول نـــــاگصته

مــوتنی وکتلنی ابچلمت الله ویــــاک***وشفت الموت والله ابیوم فـــــارگته

ومـن کثر الالم ضلّیت الاوی الموت***وچم مرّه اعله موده الموت شاهگته

ویمرنـــی النهار امـــرافج الـحسبات***والّیل الــیمر والسهر سابـــــــــگته

وگــوتی الایمه وساتــر عــلیّه المای***الهم بس صبر والـــزاد مــا ضگته

*****************

"الـحنین"

اعــــیونــــــــــکم واحت بـــراری ونــــــبع  صافــــــی   اعـــــیونکم.

وطیبکم طیبت الــــگاع ابــــــــکل عشگهه ویــــــا حــــــلاوت طیبکم.

ولـــــونکم لـــون الــربیع وحتی مــــــرات الربیع ایضیع لونه ابلونکم.

وصوتکم مثل الهدیل ابنخل عــــالی وکل حنین النخله احسه ابصوتکم.

اشلونکم  یــــــل مـــــــا  شفتکم  مـــــــن زمــــــــان    اشلونــــــــکم.

اشلونــــــکم  یــــــــــل  مـــــــا دریتو  اشصار  بیه  ابـــــــدونــــــکم.

اشلونکم یـــــــل  رحتو  عـــــــــنه و مــــــــا گدرنــــــــه  انعوفــــکم .

وینکم یـــــــل مـــــــــا درینه ابیا  کتروبیا  مـــــــکان ادیـــــــارکـــــم.

وویــــنکم یــــــــــــل ضاعــــــــت اعـــــــلینه سچـــــــچکم وینــــــکم.

وویـــــــــــنکم یـــــــــل بــــــــل نســـــیم الــــــهاب نشتـــــــــم طیبکم.

وینکم مـــــــــو هــــــــزنی شــــــوگی وروحــــــی تهوا اتشوفـــــــکم.

انــــــــریـــــــد کم یــــــا عشگ  اهـــــلنه  ویــــــــل  چبیره  اگلوبکم.

انـــریــد کم یـــا ورد جـــوری ویــل غفه ابشوگ  النده اعله اجفونـکم.

یا حلات البسمه عـدکم  عــل  شفاف  ویا حلات المستحه البوجــوهکم.

********************

"البتول"

بت رسول اللــــــه اشاوصفها ابـــکلام*** ویا کلام ایوصف البــــت الــــــرسول

هـــــای اذا الـله هـــــــداها امــنل جنان*** الطـــــــه ما نگـــدرنوصفها اشنــگول

هـــای اذا صـــــــوره الــــکوثربلکتاب*** نزلت امن الله وسبب سر هــــل نـزول

فاطمــــــه الگلبت مــــوازیــن الحساب*** عد قـریش وحـــیرت کــــل الــــــعقول

هـــــــای اذا تغضب غضب رب العباد*** ولورضت یرضی الرضاها ابکل قبول

وهـــــای اذا سیدت نساءالعــــــالمـــین*** وباب من عنده الـرسول الله الـــوصول

هــــــای اذا منصوره اسمها البل سماء*** وبل ارض فاطمه واشرف کــل اصول

هـــای اذابصیارهـــــــاالـــدیـــن استقام*** وهــای اذا بیها الشرک صابه الـــذهول

وهـــــــای اذا ام الحسن وام الــــحسین*** وهــای اذا بت عـم علی وکلهم هـــذول

حجت الباری علـــه الــعالـــــــم جمــیع***ابهای یعجز کل وصف یـــــم  الــبـتول

******************

"القلــم"

القلم ضل محتار شیخط یا حروف***وبیش یبدی اشلون یکتب یا چلـم

انـــته اذا اسمک امـــحیر للــعقول***اشلون مــایحتار بــحروفــه القلم

یـاسراج الشع عـله العالــم ضواک***ویاشفه ابــطرواک یـنزاح الالــم

یــــــا دلیل التاه مـن عـــنده الدلیل***ویاحمه الکل خاف والطبک سلم

انته حگه الـجسم لـــوذاب ابهواک***وحگه کل عاشگ ابحبک لوحلم

انته بحرالجود مــن جودک یفیض***وانته کل الجود یــم جودک وهـم

انته قمه امنل عـلم بـــعد الــرسول***ویـم حضرتک دنگت کل الــقمم

انته ما واحد عـــله ابکلشی علیک***وماکوشی مولای یعله اعله العلم

چلت اسیوف المله وشوس الرجال***وانته ذوالفقار مــــاچــل وانثلـــم

انته بعد الله ورسولـه ابهل وجــود***ایجوزبسمک سیدی ویحله الـقسم

وانته اذا امک الـکعبه وهــاذ اکید*** لعد کل الناس عـد شخصک خدم

**************

الابوذية

بچیت اوصب دمع عینی یملکم****او حنین الگلب مــا یگدر یملکم

ابّـــــابی ماردت یـــوگف یملکم****ردت منکم سالم ایمر علّیه

**************

اشمعِن روحی ابهواک اتگول ماعن***تحن وانـــــه ابجفاک احشای مــاعن

علیـــک اشگد سألت الخلگ مــــاعن***حالی اسألت یل مبعد علّیه

****************

اشمرِد روحی ابهواک اتگول مارد***تحــــن ونتــه ابجفاک احشای مارد

الف مِـــــرسال الــــــک ودّیت مارد***الی مرسال من عندک علّیه

****************

امسایر خل هـــواک اویای مو تل***او علی اتـــــلال هم فرگاک موتل

یمــــن راویتنی بجفــــاک مــــوتل***ذبح قیس ابعذاب العامریّه

****************

ابسخاوه خل هواک اویای مومن***یمن تل هــــم علی بجفاک مومن

علی اسأل لیـــالی اشتــــای مومن*** نهار او لیل صیفی المر علّیه

****************

شتظــن کت دمـــــه امنلعین کتما***  الک یـــل مــــا گلتلک یــوم کتما

سِـــــر امحبّتی ویّــــــــــاک کتما***  اذا متریدنی او لتحن علّیه

***************

شتظـــن کت دمــــــه امنلعین لـولا***دمـــع یـــل بلوصــــل خللیت لــولا

او حیاتـــک و التعبده الخلـــگ لولا***حچئ الوادم گلت کل القضیه

**************

شتظـن کت دمـــــه امنلعین لــومــا ***الــــک یلبیک زاد الــــگلب لـــوما

او حیاتــــک والتعبده الخلـــگ لوما*** احبّک ما سکت اعله الأذیّه

*****************

العلیه چنت اسهر الیــالی ولالی***  علّیــــه مـدمعت عینــــــه ولالی

لالی او یلجفـــــه حوبــــه ولالی*** بخت حتی ابوصال ایحن علّیه

*****************

صــرت بلعین دمعــــه ما تسلنی*** او لیــــالی الفرح بعدک ما تسلنی

علی تسأل الـــــوادم مــــــا تسلنی***او اگلک خاطر اشسوّیت بیّه

*****************

ابگلبی یلتحط کل یــــــوم وشل***دمعی ابگد بچــای اعلیک وشل

شتخیّط جــــــــرح بلــگلب وشل***اذا میّت جرح خللیت بیّه

*****************

همل دمعی ابجفاکــــــم مــا یملکم***او یظل گلبی ابهواکــــــم مایملکم

عمر گاعـــــــد وتــــــانی ما یملکم***لفه او نوّخ ابّابی اومَن علّیه

المیمر

یابــو انخیله اعلــــــه المتن شعراهه***روحی الوفت هــاذ الــوکت شعراهه

المحجوبــــــه بنت اولایتی شعــراهه***امنخیالهه الچانت گبل تتستّر

****************

یابــــــو انخیله اعلـــــه المتن ماشلهه***وهمـــومی صدّگ هلـــــوکت ماشلهه

اجـــروحی الطبیب البـل گلب ماشلهه***واحد یشل ینفتگ ثانی او یکبر

*****************

یابـــــو انخیله اعلـــــه المتن مــایلهه*** والــــگلب غیــــر امحبّتــک مــایلهه

آنــــه الاعــــدّل  کلــوکت مـــــایلهه***اعدل المیلت گلبی صوبک مگدر

*****************

یابــــــو انخیله اعلــــه المتن حابلهه***اوچلمت التجـــرح مــا چنت حابلهه

اختبصت الـــدنیه وشتبـــک حابلهه***بل نابل او ما چنت هیچ اتصوّر

*****************

یابـــــو انخیله اعله المتن خــــــاطرله***شخصی ابحضرتک ما یصح خاطرله

لتسوّی زیـــــــن ابهلوکت خـــــاطرله***شرما یجیلک وبطریقک تعثر

*******************************

کل الحقوق محفوظة لموقع ادبنا

TPL_KH_LANG_MOBILE_TOP TPL_KH_LANG_MOBILE_SWITCH_DESKTOP

مجوز استفاده از قالب خبری ناب نیوز برای این دامنه داده نشده , براي اطلاعات بيشتر درباره مجوز استفاده از این قالب به سايت خليلان رسانه مراجعه کنيد .