موسوعة الادب العربي في خوزستان

TPL_KH_LANG_KH_MOBILE_DESKTOP TPL_KH_LANG_KH_MOBILE_REGISTER TPL_KH_LANG_KH_MOBILE_LOGIN

الشاعر عبدالقادر المزيدي

الشاعر عبدالقادر المزيدي

عبدالقادر بن المرحوم الحاج حسن المزيدي الاسدي: شاعر من شعراء الشعر الشعبي في خوزستان، ولد  سنة ۱۳۴۳ شمسي في قرية البزية و هي توابع مدينة شادگان (الفلاحية) عمل والده في مجال الزراعة والنساجة و دخل المدرسة في سنة السابعة من عمره في قرية البزية، اکمل الابتدائية والاعداية والمتوسطة في مدينة الفلاحية ثم دخل معهد المعلمين و درس عاما في طهران و عاما في الأهواز و تخرج و اصبح معلما في مدارس الفلاحية، سکن قرية بيت المزيدي في البزية الى الثلاثين من عمره، ثم هاجر الى مدينة الفلاحية. رغب کتابة الشعر من طفولته و تعلمه على يد الشاعر الکبير ملا فاضل السکراني. و في عائلته ابناء عمه عبدالکريم مزيدي و بهمن مزيدي (نادري) يکتبون الشعر الشعبي ايضا. کتب الشعر في اکثر المجالات و الاوزان منها: الابوذية و القصيدة و الموال و الميمر و غيره من الاوزان الشعبية. و شارکت في مهرجانات التي اقيمت في شتى المدن في ايران و الکويت و العراق، له ديوان مخطوط لم يطبعه الى الان.

من شعره:

عنوان القصیدة : ( گمر عدنان )

من گمـرعـدنان علشّاطی انکسف هوت شمس الکون کلّـه اگباله

احسین ابوالیمه الشّمس شمس الهدی الگمرمن طاح الهدی اتعنّاله

ابهمّه یتعثـّرتعنّـه العلگمــی وطاح  یم المشــرعـــه دلاله

شـاف چفّیـن البطل  متگطّعـات اوقبّل  الچف  العضیـد او شاله

گام یزحف ما گـدر یمشی   مشی  ابـد ما تنوصف ذیـچ الحـاله

ابیوم شاف اعضیده لایمنـه ویساراتمنّـه ذیچ الساعه اهوه ابداله

بیّـه بعـدک گلّه بــان الانکسارهل حشّد بس انته چنت  اسلاله

رادیحمل للخیم راعـی الشّیم مــا قبـل یستحـی مـن  اعیاله

شــرد اگل للعایلـه گل للحسین والّی مثلی الموت خویه اشواله

اتوادع اویه  حسین حدّای الظعن او فارگت روحـا الجسد بلحاله

من فگد عباس رد صوب الخیم اوتنتظــر جیــت البطل اطفاله

رجع وحـده حسین ابوالیمه ویصیح غـاب یـازینب سمای اهلاله

قـدت ضجّـه ونایحـه وثجّب عویل او عل کفلهه بـت علی تنعاله

تنعا واتنوح النّسه وتبچی الطفال عللّــی گطعو یمنتــه واشماله

من یقدملی جـوادی احسین صـاح او نهضت الحـرّا ابمقل همّاله

قــدّمتله المهـــر زینب  بت علی اوطعن بصدورالخصم عساله

اوسمع صوت ایگلّه دین المصطفی یستقیم ابــدمّک الیجــراله

نطا رخصـه اسیـوف خصما اتقبّله اوسهم المثلّث صبـــح چتّاله

اویوم سال احسین دمّـه بلطفوف  ذبّـح  اسیــوف  ومحا العیّاله

دمّــه مشعل وهّـج ادروب النظال  او درس لثّــوار ضل تمثاله

عنوان القصيده: العلم رمزالزدهار

جـامعـي الحـزت الشهاده اعظم عباده واقتدار

اليــوم اجيت ابشـوگ اهنيـکم وبارک لدّيـار

يـاأمـل ديـرت اهلنــه البيـکم العزوافتخـار

العلـم ثــروه العلم عـزّه العلم بيـه الاعتبـار

العلـم نــور و بلعلم ليـل انحس يصبـح نهـار

ياشبـاب انتبـه و اصحـا و بلعلم دربـک اختـار

اوخلّـي بنيـان الجهـل  بلعلم خل ساسه ينهـار

وابعلـم ابنـي اديارک عدهـه منـّک انتظــار

هـاذي ديـرتنـه  الربّت چم فقيــه ومستشـار

الفلاحيـه عريقـه  وابحضنهه احيودربتهاابوقـار

مثـل ابـن سـکيت  وعلمه الشاع صيتـه بلقطار

اوسيـد حسين ابـزمانـه وابعلم راوي الاخبـار

اوشيخ سلمـان ابحکمتـه  ومـلا فاضل بل أشعار

هيـچ ربّت زلم هيبــه  وبيهم اتبـاهـا مــرار

منّــا تطلب حق رباهـا  اديارنـه اتريدالعمـار

اتــريدنه نوفي الاهلهه  وناسهه العاشت اخيـار

الکـابرت وايـه المأ سي  ابزمن قاسـي بصطبار

وحافظت سمعت اهلهـه وگضت ليـل ابـلاقـرار

اتريـدنـه بلعـز نعيش و نرفض الذلـّه والعـار

الجهـل ذل والمـاسعـي نحوالعلم والازدهـار

اتريدنـه انصون الامانـه حتـي عنـدالاضطرار

وابعقيـدتنــه انتمسـک ياهلـي ورب الغفـار

وابکتاب الله ورسـوله  وحب علـي حامي الجار

هـذا من عدنـه الي  رادت قداً ماعدنـه اعتذار

اوعيـدت اليــوم  المدينـه ابفوزکم بلاختبـار

يـل تثقفتـــو و ابحيـــکم للعـلم سيستودار

العلـم رمـز الازدهـار العـلم اکبــرانتصـار

وهـذااکبـرانتصــار

**********

الموال بحق الامام علي

يا داحي الباب يل حبک فرض منکره***والنکر  لولايتک  عند الربع  منکره

حشد الکفر بلوغا  غيرک علي منکره****کثره مناغب الک يصعب علي عدها

الباري رد الشمس   لجلک علي عده****التهواک  يا بلحسن  تم ابفرح عدها

والبخ بخت  ونکرت  شجاوب  المنکره

**********

عيد اواريد اشتکي الحيدر علي هم اله***اسهام اطعنن چبدتي وگلبي الدهر هم اله

آهات وماهم  ابد  بس  لليود هم اله***يمته  ابظعنه  نجد وانسير اله   لنجف

لمن نطب  کربلا  ونوصل علي  لنجف***انگله ابهواک  الدمع  گد  ما  جرا لنجف

والمغل لزيارتک  دم  صبحت هم اله

**********

جيمات  بدر واحد  طشرها  حيدر   وکر***وگروم الحشود جندا لهه ابحسامه وکر

صگر او حضا ببن اود خرفوگ صدرا وکر***غير ابوالحمله علي ياهو البرز واوصله

فقار  چفه   البرا  الهام الشرک     واوصله***حبا  علينه  يجب مثل    الصيام اوصله

نلهج  باسم   حيدرا  ميت  الف  مرا  وکر

**********

ابوذيه   بحق الامام علي( ع

علي ليث الوغا المعروف منکر***زلمهه اوسيفه   ينثر روس منکر

لون سبعين  مره  احترگ منکر ***ولايت  حيدرا   حامي  الحميه

**********

التمسک  بثلاثه  وصار منکر***الولايه  ما  ورد  من بحر منکر

اشعذره اشيعتذر من سئل منکر***عن حب عترت الهادي اووصيه

**********

ابعيد  اکمال  دين   الجعفريه***الحصد روس  الذي لدين  عادت

علي  بولايته   شيعته عادت***يمن ردت امنجله الشمس عادت

*********

علي الجيمات  طشرها  وکرها***الفرت چل گطا وعافت وکرها

تخير کل   بواسلهه وکرها***ابفقارا  ودعاها  اعله  الوطيه

الهوسات:

عله التل اصعدت واندبت داحي الباب

گلتله يبويـه اويـاک عنـدي   اعتاب

ماتحضـر چفيلـي ابعمدراسه انصاب

عباس انگطعت -چفينه

**********

شهـدت ابحگا الاعـادي ابيـوم سل امهنده

حل باراضي الطف زلازل مادرو شنهو السده

الخيل تسحگ خيل گامت طير الروس العده

اوتعثر بلروس –الخياله

***********

لواتلم الکون کله مثل ابوفاضل اخوماينوجد

الضحابلروحالعضيده ابدم وريده ماخضع لهل الحقد

سيس الصرح الاخوه ابوادي الطف بنه ابچفينه المجد

اولحشود الشر –ماطخ راسه

**********

حي شبل الاسد عباس راعي الفخر وانوماس اخوالحر

کردس خيل طيـر روس گام ايـدوس واگحم شاطيه ونهر

ابذل جود والمجهود راعي الجود والجيش الزحف فرا

مهيوب اسمه –الحامي احدوده

***********

يبو فاضل تگله اعتاب عنـدي اويـــاک

اکفلتني انته امن ابوي وجيت انه بحماک

وعلـي طول الـدرب عباس رف الواک

واشلون ابغربه- اتخليني

**********

صدگ حگ زينب الحرا اتباها وتفخر ابعباس

حيث اهوا اخـو خيتـه موش بـاجي الناس

واهــوا لل اخـــوّا ولل وفـا دگ ساس

ودگ ساس الخوّا –وعلاها

************

حگ تتباها زينب بل بطل عباس

کافل بت علي الکـرارابوالنوماس

گطع گطّع درع درّع شديد الباس

شهدتله الحمومه –ابصولاته

***********

اجت زينب حزينه وتهل  دمع العين

اوتعنت لشريعـه بت ابـو الحسنين

تگله يگايت ناگتي چا  وينهه الچفين

من بعدک –يتوزم بينه

***********

مهرحسين يوم الطاح منه حسين خضب گصته بدم

بصهيله الظليمه ايصيح واتعنـه للمخيم

زينب رائت مهرحسين يسحب بلعنان امکدرومهنم

خيالک تنشد -چاوينه

**********

خيـالک تنشـده يامهر چاوين

دليني باخيي اوببن ابوي احسين

ردمسرع جواده ويهل دمع العين

ردمسرع مهره –ايدليهه

*********

يوم  الطاح ابوالسجـاد شبو بل امخيم نار

فرت کل يتامه حسين بل بيده وقدت طشار

زينب شدت المعصب ولمتهم ازغــار اکبار

من بين اسبوگ –الخياله

***********

گل زينب يابت حيدر ينور العين

حگچ لـوعتبتـي امــن املک الچفين

السهم نـابت ابعينـي راسـي تم نصّين

واعتابچ ازيد-ياذيني

************

العـده شهـدت لبوفاضل ابيـوم الکون بفعاله

ابيوم انتخا بل الکرار واعيونه اتجادح نار چتاله

خله الخيـل تسحگ خيـل واخلسّت الخيّـاله

اوچم فارس ينعد –حزراسه

************

انته الّي اکفلت زينب وانته اتوزمت بيهه

يبوفـاضل ذخـر من حيـدر المعلوم  حـاميهه

لــولـه الامـر مومحتوم ماگـربت اعـاديهه

لاراحت زينب- ميسوره

*************

کل الحقوق محفوظة لموقع ادبنا

TPL_KH_LANG_MOBILE_TOP TPL_KH_LANG_MOBILE_SWITCH_DESKTOP

مجوز استفاده از قالب خبری ناب نیوز برای این دامنه داده نشده , براي اطلاعات بيشتر درباره مجوز استفاده از این قالب به سايت خليلان رسانه مراجعه کنيد .