موسوعة الادب العربي في خوزستان

TPL_KH_LANG_KH_MOBILE_DESKTOP TPL_KH_LANG_KH_MOBILE_REGISTER TPL_KH_LANG_KH_MOBILE_LOGIN

الشاعر ملا غلامرضا عساکرة النعماوي

ملا غلامرضا عساکرة النعماويالشاعر ملا غلامرضا بن ارزيج عساکرة النعماوي: ابو سجاد، شاعر من شعراء خوزستان ولد عام ۱۳۵۲ شمسي الموافق ۱۹۷۳ ميلادي في قرية آلبو نعيم التابعة لمدينة شاگان (الفلاحية) و ترعرع بين احضان والديه في تلک القرية، و دخل المدرسة و درس الابتدائية بها و المتوسطة في المدينة، و بعد مضي ثمانية عشر من عمره اننقل برفقة اهله الى المدينة لاسباب معيشية و قلة لوازم الحياة في القرية، و ذلک سنة ۱۳۷۰ شمسي. مال الى نظم الشعر من خلال سماعه و قرآءته لکبار الشعراء و کان والده المرحوم الرزيج النعماوي شاعرا ينظم في بعض اغراض الشعر و کذلک اخوته هادي و مهدي. بدء المترجم له مسيرته الادبية بما تعلمه بنفسه و ما اکتبسه من الروح الادبية الحاکمة على المدينة حيث لازال فيها عطر الماضين من الادباء. کتب في کثير من الاوزان الشعبية منها القصيدة و الابوذية و الهوسات و النعي و الفايزي و لديه في الفايزي قصيدة حسينية شارک بها في مهرجان شعر الدفاع المقدس الثاني في الأهواز و حازت على المقام الثاني في المحافظة سنة ۱۳۸۸شمسي. و شارک  في کثير من المهرجانات التي تقام في المحافظة، المحلية منها و الدولية، و حاز على المقام الأول في مهرجان الشعر العربي سنة ۱۳۸۶شمسي. و اضافة الى براعته في الشعر الشعبي، هو خطيب منبري يلقي الخطابات الحسينية و يقوم بالوعظ و الارشاد في الفلاحية و ضواحيها. جمع شعره، المؤلف من المدح و الرثاء لاهل البيت عليهم السلام  في ديوان مخطوط و سينشره في ديوان انشالله.

من شعره:

قال الشاعر الفارسی:

                          تا نگرید طفل کی نوشد لبن***تا نبارد ابر کی خندد چمن      

(قصیده طفل الحسین)

طفل عدنه ایرید یبچی ابکربله***لچن ظامی وریجه محد بلله

 بلواچی ینرضع طفل الرضیع***ولورضع یضحک شبه ضحچ الربیع

طفل عدنه ابکربله امسه صریع***شرب سم  السهم من چف حرمله

شرب منچف حرمله سم الحتوف***وانچتل عطشان  ما بین الالوف

ریت جده المصطفی حاضریشوف***اشلون ابوه احسین ردبی شایله

شایله  رد للخیم و الدم  یسیل***ومثل ورده الذابله جیده یمیل

طلعن النسوان بلنوح وعویل***وامه رکضت لیه  لاچن ذاهله

اجت ترکض لیه تحضنه امه ترید***لگت  عبدالله ذبیح امنلورید 

 اتگله یبنی حسبت یومک بعید***وگلت اعیش اویاک یبنی امدللله 

گلت اعیش امدللله وبیک انسعد***واحسب اللیله زواجک چنت اعد

حسبت تکبر مثل باجی الولد***ومعرس ابلیله اشوفک حافله

گلت افرح واحتفل چلامهات***ابهلامل سهرانه یم مهدک ابات

صرت یبنی النوب ویه الفاگدات***یبنی نوحی اعلیک  ابد  ما  بطله

****************

قصیده (طفله الحسین(ع) رقیه (س)

نطمت هذه القصیده بتاریخ ۲۹/ربیع الثانی /۱۴۳۲ الموافق ۱۴/۱۲/۱۳۸۹

عنداحسین طفله ماتت ابغربه***شافت راس ابوهه ولحیته امخضبه

***** 

عند احسین طفله ابیوم برض الشام ***بیام  السبی  و ابعالم الاحلام

شافت چن ابوها  گعد  یمهه وگام***وحضنته وحضنهه ومدمعه ایصبه

حضنته وعلیهه دار   ابوها الاید***وفرحت  بلابو  فرحتهه یوم العید

فزت مالگته  و صا عنهه ابعید***صاحت  وین  ابوی  و رایده  گربه

صاحت وین ابوی الچان یمی الساع***وین البیه اشیل اببحر همی اشراع

ماع الگلب منهه امن البواچی ماع***وین احسین  ابوی  الفرگته  صعبه

وین احسین ابوی و سمعن النسوان***طفله  اترید  ابوهه  والدمع  غدران

ضجن  بلواچی  و عادت الاحزان***وگلبنهه   الخرابه  امن  البچی  گلبه

ضجن بلبچی وزینب دمعها ایسیل***و  زین العابدین   انهدم  منه   الحیل

ومن  خبرو  یزید  ابهلخبر بل  لیل***وده الراس لیهه     المن   حجر گلبه

وده الراس لیهه وحین صدت لیه***خلته   ابحضنهه  و صب  دمعا اعلیه

لیش ابدم خضابک گامت اتنادیه***وحته الصخر  ونهه  و  آهها  ایذوبه

ایذوب الصخرونهه وبعدساعه اونین***سکتت هل بنیه وغفت منهه العین

ماتت وبحضنهه راس ابوها احسین***ولمن   غسلوها  شافو    الضربه

شافو اثر سوط اعله الچتاف ایلوح ***ماتنوصف حاله اتذوب منهه الروح

حگهه لو تضل زینب علیهه اتنوح***ودم  دمع  الجن  لمصابهه    اتصبه

******

طفله اسنین خمسه  ماتملهه***ودمع من گدبچیهه  ماتملهه

گضت وانصبت زینب ماتملهه***ودفنهه صار بلغربه رقیه

********

قصیده لوما احسین

  لوماحسین مات الامر بلمعروف***وچت مات الضمیر ویحتیی المنکر

ولومااحسین صلی ابکربله ابعاشور***چت صوت الموذن ماعله وکبر

ولومااحسین بلطف صاح انه المظلوم ***مامظلوم صاح وماگدر   یجهر

ولومااحسین للذله صرخ هیهات***ذل کلمن عزیز وعیشه صار اگشر

ولومااحسین گال ابعز سعاده الموت***چت درب الشهاده مانمشه و  غبر

ولومااحسین بلدم رجم للشیطان ***چان الیوم ظاهر علارض یفتر

ولو مااحسین بلطف رفع بیرغ خیر***چان الیوم عالی ویرف بیرغ شر

ولومااحسین صذره کسرته اخیول***چت صدر الکرامه انداس واتکسر

ولومااحسین راسه اعله الرماح انشال***محدرفع راسه وماگدر یفخر

ولومااحسین راسه ایرتل الآیات***للقرآن چت محد قره  وفسر 

ولومااحسین دافع علشرف والدین ***مادافع شعبنه وبلدمه اتحمر

ولومااحسین حرر امه القرآن***چان اجنوب لبنان اشاله حرر

ولومااحسین فجر ثوره علظلام***چان ابن القدس مافجر و ثور

ولومااحسین وافعاله واباه للضیم***چامات القصید ولااحد یشعر

  *************

أنشدالأمام الحسن عليه السلام

نحن أناس نوالنا خضل***يرتع فيه الرجاء و الأمل

تجود قبل السؤال انفسنا***خوفا"على ماءمن يسل

 لوعلم البحرفضل نائلنا***لغاض من بعدفيضه خجل

فقال:

السائل بين هلوادم نوالنه***و کبل لا يسأل الحاجه نوالنه

البحرلويسمع ابفاضل نوالنه***بعدفيضه يغيض ابخجل مي يه

حدالماعليه تنطرزلم ينباک

و علحدمن غفلنه باکنه البواک

همتدري غزانه الکرک والترياک

(وشببان الحي راحت بيهه)

راحت بلسلف شببان جنهه ابدور

دم مرها الموادالدش عليهه الدور

واجب علمثقف يکشف المحذور

(شبان الحي عزت کومي)

**********

موال

من شاف سیف العدل وسط الغمد ینزار***سله وجعل للابد  بیت المجد ینزار

ومن شاف دین النبی جرحه ابدمه ینزار***رخص احسین الدمه وبیده الجرح بلسمه

واصبح دوه الکل جرح بین الخلگ بلسمه***بیرغ الدین الهوه اصبح یرف بلسمه

وعرش الطغات انهدم غبر علیه ینزار

ابوذيات

یظل جرح المخزن بلسمحسین***ویظل فطرس ینادی  بلسمحسین

یظل اغلی المعادن بلسمحسین***ویظل نار ابعلم بین  البریه

 (یاحسین الشهید)

یظل نار ابعلمهه منطفحسین***ویحس طایف الکعبه منطفحسین

الکرامه الناس اجتهه منطفحسین***واجتهه المرجله ونفس الابیه

 (یاحسین الشهید)

الملک جنحه یداوی مشعلحسین***ویزیدالخیل تسحگ مشعلحسین

ویظل مشعل هدایه مشعلحسین***و سفینت نجه وباب الهلبریه

 (یاحسین الشهید)

عجیبه اشلون سبیه ینسبحسین***چتل وابحضرت ابنه ینسبحسین

الباری الاعز خلقه ینسبحسین***وتنسبه للخوارج  آل امیه

 (  یاحسین الشهید)

اظل انصب مآتم وبنلحسین***ابدلیلی وافدی روحی وبنلحسین

عله احسین وعضیده وبنلحسین***العرش گبل الارض نصب عزیه

 (یاحسین الشهید)

عگب عباس محنی ظهرلحسین***وصفه لیل النوایب ظهر لحسین

الوفه عباس کله  ظهرلحسین***و وفه  فوگ  الوفه بلغاضریه

 (یاحسین الشهید)

الاماجدبعد مایوجد مثلهم***گضو و الجن دم دمعه  مثلهم

مثلهم شاع بلعالم  مثلهم***احسین و زمرته بلغاضریه

**************

نحس راحتتنه چانت راحتمه***اشحلاها من تمسنه راحتمنه

عمــت عینی علیها راحتمنه***راحت مــــــا بعد للدار جیة

********

دوم انصب مآتم وبنلحسین***ابگلبی افدیه وروحی وبنلحسین

عله احسین و عضیده وبنلحسین ***العدش گبل الأرض ناصب عزیٌة

*********

یضل نار ابعلمها ویدلحسین***ویضل وید السوالف ویدلحسین

او یضل الضحٌه عینه ویدلحسین***علم یمٌه ابأراضی الغاضریٌة

***********

روس ارجالنه ابطفها ودینه***تطیرو موتة العزٌة ودینه

ذکر المصطفی جدنه ودینه***ابچتلنه یستمر بالغاضریٌة

*************

المنیٌة ابکربلا تطحن رحلها.***او خذت تستاهل التصفج رحلها

الرحلکم حوٌلوا لمٌی رحلها***تره صارت غریبة ابلا تچیٌة

*************

اضل اویاک چنت احسب ویمٌک***او خذاک الدهر من ایدی ویمٌک

ابوک ایروحلک فدوة ویمٌک***الولد یبنی دردٌ الصوت لیٌه

 

 

کل الحقوق محفوظة لموقع ادبنا

TPL_KH_LANG_MOBILE_TOP TPL_KH_LANG_MOBILE_SWITCH_DESKTOP

مجوز استفاده از قالب خبری ناب نیوز برای این دامنه داده نشده , براي اطلاعات بيشتر درباره مجوز استفاده از این قالب به سايت خليلان رسانه مراجعه کنيد .