موسوعة الادب العربي في خوزستان

TPL_KH_LANG_KH_MOBILE_DESKTOP TPL_KH_LANG_KH_MOBILE_REGISTER TPL_KH_LANG_KH_MOBILE_LOGIN

الشاعر محمد جاسم فالح الشیخاني

الشاعر محمد جاسم الشيخاني

محمد جاسم فالح الشیخاني: من عشيره الدريس  بني کعب العريقة المعروفة برجلها و شعرائها. فهو شاعر من شعراء الشعر الشعبي في خوزستان ولد سنة (۱۴۰۵ هـ.ق ۱۳۶۳هـ.ش) بمدینة شادکان(الفلاحیّة) ضمته عائلة ملتزمة و موالیة لاهل البيت عليهم السلام اکتسب ما يجعله رجلا ذو عقيدة راسخة ولائية. کان والده جاسم الفالح من مداحین المنطقة. کتب شاعرنا الشعر في عمر مبکر حيث اول بیت من شعره امتاز بشرف الأنتماء کتبه للأمام  علي عليه السلام في سن الثانیة عشر من عمره بطلب من معلمه سید صاحب المحفوظي الموسوي، فشجعه على حسن کتابته فأثر التشجيع في نفسه و صار منصة اطلاق لدخوله الى ساحة الادب و بدء نظم الشعر. و لا ينکر تأثره و اکتسابه من البیئة الأدبیة الحاکمة في الدورق التي تضم کوکبة من الاُدباء و الشعراء منهم الشاعر الشهير ملا فاضل السکراني. معظم ما کتب و یکتب في مدح و رثاء اهل البیت عليهم السلام و في شتّی الأوزان و القوالب الشعریة و لایزال یخطوا بمسار تعلّم الشعر و الادب العربي. 

هذا ما قاله فی اولیاء الله راجیاً العزة بموالاتهم و الشفاعة بخدمتهم انشاءالله:

مقطوعه  لصاحب الأمر (عج)

گلبی ایگول هوّد ما کلاه الذیب ما بسک مطر مو نشفت اغیومک

مکفوفه النواظر ذال من فرگاک ومفتاح البصیره ریحة اهدومک

اسمع صوت بس ما ادری من یا بیر أدلی و یرد خالی الدلو امن اعلومک

یلومونی اعله حبک های السچاچین ایگصن روحهن لو شافن ارسومک

رد یوسف الأهله و انته ما ردیّت و مو کنعان دنیه تنطر اقدومک

هِب مو ریح لا روح ابأراضی الطف و بعثرها الگبور و طلّع اجسومک

و ابریحة قمیصک رد بصر عباس و انطیه العلم و إثأر المظلومک

******

قصیده لأبالفضل العباس(سلام الله علیه)

عباس انته اعظم خلقة الله و بس الله العرف تفسیر تکوینک

ابمای انعجن طین آدم و حوّاء وانته بالوفه الله عجن طینک

تکفّلت ابثگل حمل المظاعین ابکثر ثگل الحمل ثگلت موازینک

غیم الموت انته وصاجعه السیف غابض روح اهالی البغی امسمینک

وصل وکت الوفه من صاح الحسین یسبع الگنطره عباسنه وینک

اجیت وگتله طوع امرک یمولای فدوه اتروح روحی الترب جدمینک

گوضت سیدی اهلک و الاصحاب تصیح و مامن أحّد ینتخی ایعینک

لا تهتم یبن فاطمه الزهراء ماخلّی الهوا ایعیل ابنساوینک

جیشک خویه آنه وصیر مرتاح آنه افدیک روحی و آنه سبعینک

راح احفر ابرکّ امطهمّی الگاع نهر من الفرات الحد صواوینک

صِلت و اصلیت گلب الجیش بالنار و لاگیت السیوف ابدرع زندینک

کل هذه الجهد للجود و المای یوصل للأطفال الّذی امتانینک

شلت راس الإسلام ابظهر عاشور من رفّت روایه الفخر بیمینک

ناگه اتدر حنان و طیب واحساس أشو لمّن طحت کثرت سچاچینک

لچن بعده نداک ایهزّ الأکوان گلت للنفس هونی النصرت احسینک

عِد عازتنه دوم اننوّخ ارچاب اببابک و اعله ظیم الوکت ناخینک

یمن ربک طلب للدین تثبیت انتخیت الربک و قدّمت چفّینک

******

الابوذية:

تــرک حب دنیته الکرّار هدله****اتّجه لله و ربیع الـــعمر هدله

الخلافه بس إله و عالغیر هدله****وعلی اگداره علی تفصال هیّه

******

شفر فقاّر ابـو الحسنین طلگن ****غمدهن و العیون احتوف طلگن

علی من صار بیه امّین طلگن****امّه و حــــــــــایط الکعبه سویّه

******

ابعلی یبقی رجانه والتمسنه****وطواریّه التصابح و التمسنه

شیعه و عـالولایة والتمسنه****ابـمای ابنار نوجرها و منیّة

******

لبوه الخلطت الغیره بدرها  **** ودرّت للمجد فازت بدرها

عله للأبد بانواره بدرها**** وسطع راسه عله ارماح آل امیّه

******

السیف الگمر شگّه منیروفه****ومــــــن عباس لخته منیروفه

لمّ النهـــــــــر بیده منیروفه****وخذاه یتلاطم امن الخوف میّه

******

شفر سیف الگمــــر للغمد طلگت****وسحب بأسه صواعق موت طلگت

صرخ و الحامل البالصین طلگت**** وأضن حتّــــــــه الزلم بالغاضریّة

******

عیس العتب یمّه مـــا نخیته**** ولحدّ هالیوم اخیّیی مــــا نخیته

نخیته ابیوم عاشر ما نخیته****عجب یرضی علیّه امشی سبیّه

******

یزینب زین تدرینی کفانی ****بطلی الـــعتب و الیانی کفانی

طاحن عالنهر منّی کفانی****استحیت ارجع یتربات الزچیّة

******

الک شابحه اعیون البشر جمعه****و شملنه بچفِک المنصور جمعه

نتنطّرک جمعه ابــــــأثر جمعه****یمته الوعد یــــــا منجی البریّة

******

یبیت المصطفی همّی تراکم****علیّه و عینـــی تتمنّه تراکم

تُری یمته العلم یخفگ تراکم****بگه و انشوف رایه الهاشمیّة

******

إللجّ ابفضل حیدر لجمعللّه ****و خسه الراید یطشّر لجمعللّه

علی اویه الله تجمّع لجمعللّه****انشبش الله و ابو شبّر سویّه

******

الکحل من تحل سوح النزل عنها****الصقل تهبر ابچف لبعزم عنها

التلاشت بالفرش ما حچوا عنها****السهرت للعلم باتت سمیّه

******

الموال

الحق سره مکنون والله عد علی قافله

عد علی یلگاه کل واعی الأثر قافله

الحق حائه ضل ابیتم لوما علی قافله

الحق قافه ضل ابیتم لو ما علی حاله

اتبنّاه و ربّا علی وعن الدغش حاله

ومن مات ابوه انکسر قط ماصحه حاله

لمّن ابچفّه اسنده ابعِز کافل القافله

******

و اختار رب العرش لأمر الرساله کفا

وآمر یبلغ الوحی وشر الوکاید کفا

خلّف علی عالخلق یأهل الضغاین کفا

حیدر شمس و الشمس تخسه السحب حیبها

والکعبه صارت مهد من انولد حیبها

ضربته ابخندق بقا دین النبی حیبها

وبیبان خیبر هوت من مد علیها کفا

******

کل الحقوق محفوظة لموقع ادبنا

TPL_KH_LANG_MOBILE_TOP TPL_KH_LANG_MOBILE_SWITCH_DESKTOP

مجوز استفاده از قالب خبری ناب نیوز برای این دامنه داده نشده , براي اطلاعات بيشتر درباره مجوز استفاده از این قالب به سايت خليلان رسانه مراجعه کنيد .