موسوعة الادب العربي في خوزستان

TPL_KH_LANG_KH_MOBILE_DESKTOP TPL_KH_LANG_KH_MOBILE_REGISTER TPL_KH_LANG_KH_MOBILE_LOGIN

الشاعر المرحوم ملا فاضل السکراني

الشاعر ملا فاضل السكرانيالشاعر المرحوم ملا فاضل بن یعقوب السکراني الطائي: شاعر مجید من اشهر شعراء خوزستان ولد في شادگان(الفلاحية) سنة ۱۳۴۰ هـ.ق الموافق سنة ۱۳۰۲ش.هـ و هي مدينة تاريخية لم تخلو عبر تاريخها من الادباء و الشعراء والمؤرخين و اللغويين ابرزهم ابن السکيت الاهوازي و الحاج هاشم الکعبي الدورقي و غیرهم. کان شاعرنا منذ طفولته مولعا بالشعر والادب و يحضر الاحتفالات الادبية التي تقام بالمناسبات و يسمع من شعرائها و أدبائها الأناشيد الأدبية والتواشيح الدينية. نظّم الشعر فی مبکر عمره و هو في سن الحادي عشر حتى اصبح شاعرا کبیرا و تفنن في نظم الابوذية حتى سمي بعميد الابوذيه. و قد تجاوزت شهرته الحدود الايرانية فشعره في غاية الحسن و الجمال من حيث النظم الفني و الصور الشعرية الجميلة حتى بلغ مستواه الفني الى ما انشده کبار الشعراء في الوطن و خارجه على رقة و عذوبة اشعاره الشعبية. وصل الیه الشعر وراثة من ابيه و مجالسته مع الادباء و انتقل الى ابناءه. له اکثر من ۲۵۰۰ بيت شعر في الوجدانيات و الاخلاقيات و الاجتماعيات و الهجاء و الرثاء.

 

نبذة مختصره عن حياة الشاعر بقلم نجله الشاعر مهدي السکراني:

 

انه الشاعر المعروف والأديب الموصوف الأستاذ فاضل بن المرحوم  يعقوب السکراني و إن شهرته بين الناس و وفي اواسط المجتمع مله فاضل السکراني إن کنيته أبو مهدي فاسمه تفصيلا هو : فأضل بن الحاج يعقوب بن الحاج عاشور بن سکران بن عثمان بن محمد بن احمد بن فيحان بن سيحان بن ثابت و ثابت هو بطن من بطون شمر الطائية القحطانية الغنية عن التعريف .

ولد صاحب الديوان في الدورق (الفلاحية) و إن تاريخ ميلاده کان في غرة محرم الحرام سنة۱۳۴۰ هجرية قمرية الموافق سنة ۱۳۰۲شمسيه . کان شاعرنا منذ طفولته مولعا بالشعر والادب و يحضر الاحتفالات الاجتماعية التي تقام بالمناسبات يسمع من شعراء ها و أدبائها الأناشيد الأدبية والتواشيح الدينية . تعلم في بداية طفولته القرائة الصحيحة للقران الکريم على يد احد الملالي المعروفين في المنطقة إذ لم تکن آنذاک توجد مدارس للتعليم بعد ذلک تعلم کتابة الخط العربي و قرائة أنواع القصائد الشعرية و حفظها و طريقة انشادها علي يد أستاذه الفاضل المرحوم السيد رضا بن المرحوم السيد صالح ابراهيمي رحمة الله عليه و في الواقع کان سيدنا المذکور معروفأ بحسن الأخلاق والفضل و جودة الخط و کان يود التعليم والتهذيب لکافة ابناء الحارة فله الفضل الأکبر على شاعرنا اذ هو الحجر الاساس لبناء شخصیته الادبية و الثقافية و في سن الثامنة من عمره دخل المدرسة التي فتحت اول مرة في تاريخ الدورق و في سنة ۱۳۱۵ شمسية حصل على شهادة الصف السادس الابتدائي بتقدير عال و کانت هذه الشهادة انذاک تعد اکبر شهادة دراسية. اکتسب شاعرنا موهبته الشعرية اضافة غريزته الذاتية اکتسبها وراثة من والده الشاعر المرحوم الحاج يعقوب السکراني.

اخي القاري کما ذکرت انفا کانت لشاعرنا نشاطات ادبية و محاضرات اجتماعية واسعة و قد سجلت له ذکريات مشهورة و مواقف مشکورة في المناسبات العامة و الخاصة کالمواليد و الوفيات وفي جميع المجالات.نعم کانت هذه نبذة مختصرة عن حياة شاعرنا الاستاذ ملا فاضل بن المرحوم يعقوب السکراني المعروف بشخصيته المرموقة امعززة اطال الله عمره الشريف و کثر من امثاله و قبل ان اودعک ايها القاري الکريم بقي لي ان اقول لک و بکل صدق و اخلاص ان لشاعرنا الکبير الفضل و کل الفضل لما قام به من تضحيات جسام على مدى هذه الفترة الطويلة من عمره في توسيع رقعة لغة الشعر و تنوعها و تطورها اذ صارت بفضله الکثير من ابناء بلده شعراء تعلموا منه اوزان الشعر و معانيه فمن کان منهم بالامس لا يقيم وزنا للشعر و لا يدري ما طعمه وما لذته قد اصبح شاعر و عاشقا للشعر ينهل من معينه و يأکل من ثمار جنانه بکل رغبة و لهفة و اشتياق و شکرامهدي ملا فاضل السکراني

من شعره:

 قصيدة الشعر

يصعب علي الناس يصعب موت کل شاعرلبيب

واصعب من الصعب موت العبقري الواعي الاديب

يصعب علي الناس فگد الشعر و لينظم اشعار

الشعر يرفع راس باس الشرف و يزيد الفخار

الشعر راده ابکل إراده الحاز کل معني الشعور

الشعر روح من السعاده و عطر للشمه و بخور

الشعر وابل مطرو سمي و هطل بيام الربيع

الشعر اسمک يخي و اسمي اليظل ثابت ما يضيع

الشعرذوق اهلي وبلادي ورايه وحچايه وخبر

الشعر سيل الجره بوادي الما بطراد انعبر

الشعر اغلي الجنس جنسه الشعر ديباجة فخر

الشعر لذة الشعر ونسه الشعر بالنادي ازدهر

الشعر اوزان و قوافي الشعر ميزان الکلام

الشعر ماهو ريح سافي الينگل مذمة ملام

الشعر تحويه بمشقه و فکر رقاد و وسيع

الشعر نظمه ايريد دقه يحققه وعي المذيع

الشعر تهتم بيه ربعه و يهتم موت اليفتهم

و العلم محمود طبعه و يغث فگد اهل العلم

الشاعرمن يموت خله اتصيربربوع الاشعار

الماجد من يفوت وجده يخلف بکل سلف نار

******

 

احبچ يا فلاحيتي

احبچ من نمت بفياي نخلات الشتلهن خالنا سبيتي

احبچ من بنا البنّاي من معدن ذهب طينچ کَسُر بيتي

احبچ يا فلاحيتي***احبچ يا فلاحيتي

    ****

احبچ يالغفيت ابحضنچ الدافي وغطاي الحاف عتبارچ

احب امعارچ اليحچي ابخبر حمده و يملها البالوحل بارچ

احب فتنه و صريچ اچعاب اخو فتنه اليزوغل چان ويعارچ

    ***

احب هلهولة ام عيد التهز ايد الفرح بلعيد وتبارچ

احب کوتچ وحب ابيوتچ البيهن احلام ايام تذکارچ

احب سُورچ وحب خُورچ و حب ابخورچ المنتشر بکتارچ

    ***

احب شطچ وحب اچفايفه الخضره وضحچها الرگّص اشجارچ

احب ريفچ وحب لبطت مشاحيفيچ الفرها الکنص بهوارچ

احب نورچ وحب نارچ وحب اشتم روايح عطر نُوّارچ

    ***

احب رشّت مُطر غيميچ وحب ابريمچ اليضحک الکنطارچ

عروس اموشّحه ابنخلچ وهاذ اجمل وشاح الحله ابزنّارچ

احب يومچ وحب امسچ وحب شمسچ اليشرق نورها ابدارچ

    ***

احب کذلة شعر ليلچ وحب وَجَنة ضحاچ الضوّت انهارچ

احب قهوة سخی امضيفچ الرن فنجانها وشربوه سُمّارچ

احب سُمّارچ السهر وابنادى البيه علگو زينة اشعارچ

    ***

احب سنبل فخر زرعچ وحب ضرعچ الدّر دُر سخی الخطارچ

احب ثوارچ الثارو وحبها الهلهلت لفعال ثوّارچ

احب احرارچ الصدّو اجيوش العزّمو يمحون اثارچ

    ***

احب زلمچ الگصو راس ابو طوگ اليدنّس راد شنيارچ

احب قومچ الهزمو جيش ابو طوب و رجع مغلوب المعارچ

غزوچ الکفر چم مرة لچن يخسون ما وصلو الفي دارچ

    ***

احبن نخوة الغيرة نخوتچ يوم ابعامر تنخيتي

وعله هام الغزو بسلاح عز قومچ الماذلّو تعلّيتي

احبچ يا فلاحيتي***احبچ يا فلااحيتي

    ***

و انه ازغير احب کاسچ البي من در لبن خيرچ ترؤّيني

وانه ازغير احب شهدچ اليتگاطر حنان و بي تغذيني

و انه ازغير احب رجتچ المنها ابمسعط امحنتچ تغرّيني

    ***

و انة ازعير احب مهدچ البي نمت الضحی وبيدچ تهزّيني

و شوفچ چنت بحساسي وحسّن بيچ يم راسي وتحاچيني

محبتچ ثابته اببالي ابدلالي ابوسط چبدي اببطن عيني

    ***

خيالچ ما يفارجني امرافجني ويلاعبني ويسلّيني

احبچ اي وحق ربچ وادري ابکثر ما حبچ تحبّيني

احبچ وختلط حبچ ابدم شريان عُمري و مُهجة اسنيني

    ***

عبير امحبتچ يسري سره ابروحي و سره ابدمي و شراييني

الومه الفارگچ ساعه صعب فرگاچ ما ينحمل ياذيني

يحلوه امعانگچ سلوه قبل ما شبگچ ابشوگچ تشبگيني

***

عِشت بربوعچ الخضره و هواچ امریحني و مایچ امربیّني

ببراچ شرقدت وَدری من ابرد بید تحنانچ تغطيني

اشمالج بالمسه اعذيبي یونّسني و ینعّسني و یغفّني

***

اسابيعيچ تدغدغنی ابطیفی و صوت عاطفتچ تناغینی

و تحرّکني الفجر نسمة صباچ ابمسچ ریحتها توعیني

يمر يحني الصبح لطفچ الشوگه ایجیبنی و للود یدنیني 

***

اترابي اترابچ الغالي و طينچ طين جدي او والدي وطيني

امن اموت اتوسّد اترابچ الغيرچ ما اود واحد يودّيني

يحبچ طبعي و ربعي تحب الزارني و بسمچ يغنيني

    ***

احبّچ مُوش بس هسّاع احبّچ چي شبت وبيضّت الحيتي

احبّچ من چنت ياهل و تتطوطح علی المتنين ترچيتي

احبچ يا فلاحيتي***احبچ يا فلاحيتي

    ***

 

قصیده احبک یا ظبی الوادی:

 

احبک یا ظبی الوادی****لو لحظک رمی فوادی

اود اسهام نظراتک****الصابن گلبی الصادی

ایا شربی الحلا بکاسی****وچلمتی و گهوتی و زادی

اویا غنّاوة الغنّن****اوصوت البی حدی الحادی

چنت سر منوتی و شوگی****البیک اتحقّق امرادی

اوچنت الما یشح وصلک****اوکل وکتک علی بادیی

غادی الاصبحت عنّی****بعید اشبعّدک غادی

يچنت افدیک بگلیبی****و انته الچنت الی فادی

احس ابروحی اتحبک****من اول یوم میلادیی

وردة روض بستانی****او عین گلادة ابلادی

او یا سنبلة نیسانی****و سروری و بسمة اعیادی 

الابوذية:

الشیعه التفخر ابحیدر علیها****علیها اتـقلده ابفعله علیها

ثوب الفخر ما یحله علیها****اذا متطرزه ابغیره و حمیٌة

******

یروحی ابطلب حگ شرعی دعینی****وعن حب غیر اهل طه دعینی

دوفـی ابدمچ الیسری دعینی****حب المصطفی و حـیدر وصیٌة

******

علی حیدر ینجٌی اللهج بسما****علی بدر الالاه السطع بسما

علی اتعنٌه ودفن سلمان بسما****دفن نجله الگضه بالغاضریٌة

******

المجد بالعز عله من ظهر بسمه****نجم سعد التجٌله العرش بسمه

الفخر ثغـــره ابلطافه ابتسم بسمه****ابمولود النبی و حـیدر وصیٌه

******

یطاها بالمکارم بـحر فضلاک****وبالاخلاق انوصف و انعرف فضلاک

لون گلبک غلیظ وچـنت فضلاک****لما خضعت ارگاب امنالبریٌة

******      

بجهلنه اعیوننه انصمٌن ولاذان****طرش میسمعن الــــــنخوة ولاذان

الـــشیم بالشر غزیناهن ولاذان****ابکهف مجد النبی و حیدر وصیٌه

******      

المکارم للیودهن دوم ودیٌن****تحف عز یابن النه و شرف ودیٌن

المکارم خضرٌن بالدین ودٌین****ابسمه اخلاق المکارم سطع ضیٌه

******

تهت یالماجعلت حیدر علملاک****الــعلی ابعالی المجد چوچب علملاک

علی عــــــلٌاه معبوده علملاک****السمه و فضله السمه چالشمس ضیٌه

******        

حـــــــیدر ضربته وحده مثنٌه****بیها و ما یکررها مثنٌه

ابعلی یشچی الضّعف والله مثنٌه****نمثله ابلیث یهدر بالثنیٌة

******

رایی و رایتی و عزمی وجودک****عضیدی و افخر ابباسک وجودک 

انفضخت هامتک لجلی وجودک****عله ازنودک جره من غصب میٌه

******

بهوانه قیس یحبابی خلفنه****ابتلینه وتبتلی کثره خلفنه

خل اهلک لا تلومونی خلفنه****خل ابچی خل اون صبح ومسیه

******

الخلف هبط الزلم سلف هامات****الروح ابحاله المجروح هامات

حچو عن المجد ها عدل هامات****گلت یلا خلفنه العمل بیه

******

ترف غیر الجفه منک شجانی****وغیر الشوک من شوگک شجانی

صوت اتطوح الحادی شجانی****الضحه بظعونکم من گطع فیه

****** 

مظن بعد المشه یالگلب تلهب****رشه وبگصه الحشه نیران تلهب 

جذب روحی الحبیب الراح تلهب****زعل وجعل مرض تهلات بیه

******

علیه   انشنت  الغارات منخیل****هلی وسهم الجرحنی انطلگ منخیل

ابوحل لو برکت عشمای منخیل****ردی ونخوای للبیهم حمیه

******

 اخوی المنتخه ولا حمل شلی****ولا ضمد اجروحی وجرح شلی

شلی ابصحبته و ممشاه شلی****بخو الما یوم عصب جرح لیه

******

اهنا دسچب یها المغرورعبره****ومن های الگبور تخذ عبره

انصحک روی بحر العمر عبره****ابعگل وخلاق ومروه وحمیه

******

یلی تزور گبری تخذ عبره ****منی ودسچب بکل حزن عبره

بحر جهلک بمرکب عگل عبره****وعمل زین لا تعمل ردیه

******

هویتک یلغزال انته مهند****عشگت شم ورد وجناتک مهند

اصدودک موت الی وصدک مهند****الصد من الصدود اهون علیه

******

الدنیه خلت اخطلها بطلها****وعله الحگ دوم متجدم بطلها

اهیه الی علی بخلت بطلها****اشلون بغیثها تهطل علیه

******ی

مر عزمی الیحرر چان بردای****انطفه وسیفی الصقیل انگلب بردای

انجرج جدمی ابمحنتی وعثر بردای****وکثر لومی اعله گومی الزرو بیه

******

أحِــب دوم أنظر إلجيده وريده****واحِب شَم وَجنِتَـه و شَمَّة وريده

يَلَاهــي إشْکثْر أوِد ناهي وريده****دخَلَّه ايزورني و يعطف علـــيه

******

ألِف طَرطَر دليــلي بسيف مَنطَر****دَم جَر سَل رِگــه الأجبال منطر

الگلب شَب گَب ثِگَب نيران منطر****إسمک ياعَفيف شعِمَل بـــــيه

******

ينخلات الوفــه الحالي تمرچن****و حســافه ايّامنه ألمُرَّه تمرچن

رياح العصـــر مارِدنه تمرچن****ابعواصف بَلَه و تِحترجَن سوِيَّـه

******

 الفقير المُفلِس إلمامَلَک شَيَّبْ****يَمنته شيِشْتِري و للأهَل شيّب

گِلِت للگال أبو العشرين شيّب****الطِفِل هليوم شَيْبَتّهْ الدَنَيَه

******

غزال البيه حَله لعبـــــــي ولَهواي****بصباي و معشـگت غيره ولهواي

ابيوم اموادعه غَثــنـــــي ولهواي****الحشه و بات الوِشه مشتمت بـيه

********

دَم دمعک دســيله لايسلــــــــمه****على الراح و على الله لايسلــمه

الهجر ماچان وعـدچ لايسلـــمه****الوَعَد چان الوصل قبل المنـــيَّه

********

گِطَع مِنّي سلامــه مايسلمه****و دَعه دم سيل دمعي مايسلمه

عَسَى الباري يَسَلمى ما يسلمه****السَعَى ابفرگاچ و أشعَل نار بيه

********

أصيـح إعلى الغزال إلتِفِت مايِل****تِفِت عَنّي و بعد سبعيــن مايل

ربه ابْمَرتَع حننيني  و شَرَب مايل****حنان و خان طيبي و غِدَر بــيه

********

بالعز یخل خل تعله درنه ****بالعز  یخل خل تعله  درنه

او دخل ینغسل بالغیره درنه****الضیفک هاون امضیفک درنه

ابسخه وچلمه هله وبسمه وتحیه

******

العشیره الدوم بس تگضی وطرها****بسفاهه  الجهل طشرها  وطرها

عماد  او جود  عزتها   وطرها****العگل لیشیلها  الهام  الثریه

******

ابلوم اهلی بلانی اهواک وبلاک****ابهلک یا ریت لا ام الک وبلاک

الک  ما  ترهم  ابلیاک وبلاک****حیاتی اوداعتک تصعب علیه

******

الذی عنده شهامه ونفس عندا****یموت ابو جعته ماخبر عندا

المهو بالطبع نشمی کون عندا****ملک قارون ماعنز خویه

******

اصیح اعلی الغزال التفت مایل ****تفت صوبی و بعد سبعین مایل

ربه یمرتع حنینی وشرب مایل*****حنان وخان طیبی وغدر بیه

******

فخر لا لل یگلگ  چان  یدای ****سخی کل وکت للمعروف یدای

فخر لل گال تشطر کرم یدای****وفیت الماوفو  و للوفو لیه

******

وزن المهداوي و الذي ابدعه نجله المله مهدي فاضل السکراني:

ای وا لنبی موسی الخذه الواح العلم منطوره

الون بحزن انحرج طوره وخرج منطوره

ثایه مجدنا الچانت ابعین العگل منطوره

لیل الجهل مسها باسه وظلم مجدها الضاوی

******

یا صاح صیح العز مشه وخبر العشیره الما درت ونبیها

دار الرحل عنها المجد للاسف بس ظل ینسمع ونبیها

گوم الکثر بیها الجهل ماتگدر اتنول الشرف ونبیها

یحوی الشرف بس المشه ابغیره وصبح غیراوی

******

یحباب گلبی ویا هلی چنه الزمان الجاهلی عادنه

ظلینه بس نسمع چذب والچذب صایر للاسف عادلنه

حته الصدیج بها الوکت چی نحچی بالحگ والصدگ عادلنه

وصاحب الچذاب الردی البس للرذایل حاوی

 ******

المصدر: دواوين الشاعر

کل الحقوق محفوظة لموقع ادبنا

TPL_KH_LANG_MOBILE_TOP TPL_KH_LANG_MOBILE_SWITCH_DESKTOP

مجوز استفاده از قالب خبری ناب نیوز برای این دامنه داده نشده , براي اطلاعات بيشتر درباره مجوز استفاده از این قالب به سايت خليلان رسانه مراجعه کنيد .