موسوعة الادب العربي في خوزستان

TPL_KH_LANG_KH_MOBILE_DESKTOP TPL_KH_LANG_KH_MOBILE_REGISTER TPL_KH_LANG_KH_MOBILE_LOGIN

الشاعر هانی بور رضا المذحجی

هانی بور رضاالشاعر هاني بور رضا المذحجي شاعر من شعراء الشعر الشعبي في خوزستان و مـن مدینة سوسنگرد (الخفاجية) له قصايد کثيرة و ديوان في مدح و رثاء اهل البيت عليهم السلام نرجوا من الله ان يوفقه في طريق نيل مدارج العاليـة للادب العربـي و علومــه الذي يجب على کل اديب الابحار و الغوص في بحــر الادب العميــق و التبحــر في علوم الادب الواسعة لقرأة قصيدته تحـت عنوان "فخر الانام"  انقر علـــى التفاصيل:

 

 

تاج العداله

یا تاج العداله انشوف یمته التاج****متلبس ابراسک والعلم منشور

یمته الآه ننساه ابشواطي الهم****ویم شاطی الامان اتوزع النه ازهور

یمته الظلم مانعرف بعد معناه****لئن شمس الحقیقه اتفض علینه النور

یاعید الحقیقي انحققک یایوم****وننسه الطف یمهدي وکل محن عاشور

یمته الزهرا تفرح من گلب والسان****واتشافي ضلعها البالحقد مکسور

ویمته انگل علی بخ من صدگ مولای****الله النصبک والمصطفی المامور

یمته اگماط عبدالله تحله اچفوف****حته اترضعه امه ولایظل مذعور

یمته اچفوف عباس الیجیبن مای****بنت احسین عطشانه وگلبهه ایفور

یمته الکاظم الگید البدیه یحتل****ویرجع للعیال وللربع مسرور

یمته الارض تملیها عدل وفراح****عگب ما چلچلت ظلم ابظلم وابجور

دستورک عداله الفقره تفرح بي****ومن الله یمهدی ماخذ الدستور

الشیعه ابذمتک وابسدک اهیه اتلوذ****لن انته املها وانته الها السور

******

یادم الطفل الخجّل التاریخ****تخجل من تصفح اوراقه من تقره

طفل عمره عمر ورده****بس الکون فدوه ایروح العمره

طفل یاطفل هذه الی نسولف بی****کتل اجیوش امیه الطفل من نحره

هوه الی کتلهم هوه مامکتول****انشد من رباب اوزینب الحره

عبدالله اوثلث تنعام عبدالله**** یا بدر ابحلاته ابلیلة الگمره

ایوب النبی اشگد صابر اعله الضیم****بس للطفل مایوصل ابگد صبره

اسماعیل رد سالم لبواسماعیل****لاکن الطفل رد منگطع نحره

یعقوب ابتشر من شاف یوسف عاد****بس احسین ایجر علطفل حسره

خاتمة الحزن یاسیدی اومولای**** والمهدی الیطالب ثار کل دره

های الدنیه فوت اوموت یامظلوم****وعدنه الموت احله امن الشهد ذکره

عذرأ سیدی الموت للابطال****ما ذنب الطفل؟ والطفل ما امره؟

اذکر فرد موقف واختم الموضوع ****موقف یحنی ظهر الجبل وایکسره

اختک زینب امخدرة آل الله****مشت للشام زینب مشت متیسره

ولمن دخلت اعله المجلس المیشوم ****یزید ابکل شماته وحاضره الزمره

شتّم والدک وانهظمت ام الظیم****ریتک عدل انته وصاحب القدره

حتی ایزید واعوانه تنکسوهم**** واتحرجون إبیه شارب الخمره

المــیــمـــر

زینب تحشم خویه یاکافلنه****تدری الحرب یابن علی کافلنه

الموت لو یلفی اخوتک کافلنه ****النه الشرف والعزه یوم المحشر

*****

ما مات ابنها ام الوفه حیدرهه****غذته حب حیدر علی حیدرهه

لوما حضر بطفوفهه حیدرهه****عباس بلطف صار ثانی حیدر

*****

ذبح الطفل کسر الضلع ماهمک****وهمک بعد اکثر اظن ماهمک؟

یلمهدی امک وینها ماهی امک****یمته گبرها انشوفه یابن حیدر

*****

شاطی الفرات الماسگه رضعانه****احسین الوفی لالاتظن رضعانه

رضعان صاحت بس عطش رضعانه****یاشاطی شتجاوب علی بلمحشر

*****

دارمیات

ارجو العفو مولای سامحنی محتار**** شنهی السبب للیوم ماعندک انصار

بلطف عیون اطفال تتنطر المای****واعیونی آنه اعلیک مشبوحه مولای

طال الوعد مولای تربیلک العین****لن الشمر کلیوم یذبح بلحسین

مو نحر لا نحرین بل تطلب انحور****چا یمته یا مولای ساعات الظهور

ای والمشن للشام کلهن سبایه**** یوم الظهور ایکون عید الولایه

الجربه یاعباس عینک علیها**** لن سکنه والاطفال تلگاها بیها

سیف وعلم والجود ظلوا یتامه**** من طیحة العباس راعی الشهامه

لوما گمرعدنان طبروا عله الهام**** ما راحت اخت احسین مسبیه للشام

من طاحن الچفین فوگ الوطیه**** معناها تالی اتروح زینب سبیه

الغیره تبچی ادموم والعلگمی ناح****وسفه والف یاحیف سبع الزلم طاح

الموال

سل سیفک الهاشمی،یبن الحسن سله

اومرشاطی العلگمی،واعله الگمرسله

چم فاطمه اوفاطمی،دمع الشرف سله

والرایه بیدک ترف،یالمهدی سل منهم

همهم فلا ینوصف،یــا سیــدی من هم

منهم گضاه الحتف،مــن ینتــظر منهم

للطلعة الصارمی،اوخصمک عدل سله

*****

دمع الشـرف ماحمل،هظم العده ظل یهل

من حیث رد الیَهَل،والشرواهالی الیَهَل

الامـــل انتـه الامل،کفوینها انتـــم یهـــل

یهل الشرف والفخر،نشکی هظمنه لمن

یا سیدی ابهالعصر،لا خــــوه ظلت لمن

جرح الشماته کبر،میطیــب حــــالاً لمن

اهلال عیدک یهل،یـــا مرحبا مـــن یهل

النبی وصه الوصیه حیدراها **** غدیر الخم میت حی دراها

سبب جهله الی یبغض حیدراها **** وعلی محبوب عند الله ونبیه

******

یلتبغض علینه من علینه**** کرامتنه وشرفنه من علینه

اذا تفرج یربنه من علینه**** نرد وانزور حمای الحمیه

******

یروحی حیدره حبیه وهابی**** وصیری نار علضده وهابی

الف لعنه عله الصایر وهابی**** وینفی الحید داحی الخیبریه

*****

ابولایة حیدره احنه مساکین**** وبنینه ابحب علی حیدر مساکین

علی عینک علینه احنه مساکین**** ابیوم الولد ایفر امن ابیه

******

نسیر ابسیرة الزهره کسرها**** وفضلهه محد ایعرفه کسرها

خصمها حیل اذاها کسرها **** سلب حگهه وحرگ دار الزچیه

******

هلی یا درة البالبحر غاطات**** هلی صفحة شرف للشرف غاطات

مو فد غاط حزن البست غاطات**** ابفگدکم یل فگدکم عم علیه

******

هلی اکسر الخاطر من بعدکم**** اوشگولن عن زمان الی بعدکم

هلی مایخطر ابالی بعدکم**** بعدتوا اوضاگت الدنیه علیـــه

******

ما انساها زینب منسه باها**** او ما من ظهر ابیه من سباها

الگمر یاریت حاضر من سباها؟**** اوگدر یاخذها اسیره الچلب امیه

*****

چف ذل طول عمره الگمر عباس**** ویراید باس من الگمر عباس

لعب بیهم لعب عباس عباس**** ویصفگ گام سیفه ابروس امیه

******

العمر مایسوه هذه العمر بعداک**** یمن خوف ورعب خلیت بعداک

الدهر یااباالفضل یاوسف بعداک**** منی وچنت انته احزام الیه

ابوذیات مختلفة

(لواء أبي الفضل الشَهید سَیَرفََعُ****إمامُ طهورُ شافعُ وَ مُشَفّعُ)

لِوَه العباس عمک شله بیدک****اوچف الگطع چفه شِلِه بیدک

سیفک دون ثارک شِلَه بیدک****الچف ساطور والسیف المنیه

******

(یاابنَ البهالیلِ الکماة قضیتی****ألّی تعود وتقهر الاعداءَ)

ما عالبال،یاصوّال بُعداک****گلبی ذاب،راسی شاب بَعداک

ارید اتعید،چالصندید بِِعداک****کردس شوس،طیّر روس امیه

******

(کُلُّ السیوفِ بغیر کفّکَ صَخرَةُ ****إلاّ بکفّکَ فهوَ سَیفُ صَیقََلُ)

بحر وصلک علینه سیله سیله****اوشاطی النهر مُرله سیله سیله

سیفک یبوصالح سیله سیله****اوخل یحصد ارگاب الجاهلیه

******

(طال َ الغیابَ وطالتِ المأساةُ****وأتی علینا القهر والآهاتُ)

اشهالغیبه الطویله یابرجها****اوطلعتک یاوکتها یابُرجها

الدنیه انملت فتنه یابه رجها****اوصَفّیها ابحُسامک هالوطیه

******

(سلامي سلامُ الذائبینَ بحبّکم****وروحي إلی مهدیّکم لَوِقاءُ)

عَدوکُم من بغض جدکم سلامات****اوللمهدی دعیت الله سلامات

ارید ابعث لبوصالح سلامات****ابعدد کل نجمه بعنان الثریه

******

الهات

تکفی لوتفرح خدیجه یاهلی****وآنه من امدحها یصبح یاه الی

غیر فاطمة الزچیه یاهولی****بلحشر یاصاح من المهلکات

******

الله یرحمها امی طیبه زینبی****واحب کل مومن وخصله زینبی

احب اگضی العمر خادم زینبی**** وابوالیمه ابواشفاة الذابلات

******

گمرهاشم غیره تجدح گصته **** وشرد اسولفلک علیها گصته

غیرة العباس هیه الگصتـــه**** وگطعت اچفوفه یم نهر الفرات

******

متی تطلب ثار اهلک یابدر**** الوکت دولابه ندری یابه دار

البگت صرعه عالوطیه یابدور****والمشن للشام یاهن مسبیات

******

المشت للشام زینب عمتک **** وهلمصیبه یابوصالح عمتک

مثل ماعمت علینه عمتک**** سبی زینب والفواطم للظغات

******

زجر حادیها الفواطم من سبه **** ومو شریف الی سباهن منسبه

من شتم یاحید جدک من سبه**** امفرق الاحزاب صاحب معجزات

******

یلی گلبک بالمحبه ون علی **** علی ابگلبی ما انادی ون علی

ضدی یاروحی الی ضده ونعلی**** و والی کلمن واله راعی الغانمات

******

نضد کلمن ضدعلی لابلنجف**** وزرع شرهم ماروه لابلنجف

حیدر ابگلبی اندفن لابلنجف**** حیدر الحلال حل کل مشکلات

 

ومضات

احنه نبچی اعله الحسین ابلاشعور****نلطم انسوی عزه طول الزمن

واحنه یومیه نذبحه بلطفوف****بلسیوف الجهل وارماح الفتن

******

رادت الله ایموت عبدالله الطفل****چان ذاک الیوم راوه ازماطه

چان لفلفهه العده یسره ویمین****کافی بس ایذب علیهه اگماطه

*****

احسین یوم الصاح هل من ناصر****بس علی السجاد لبه الدعوته

والله لولحسین یرخص للعلیل****چان دمّر گوم امیه ابعصته

******

لیش الله اختار الاکبر بلنبی****ابخلقه یشبهله وبعد بلصوره

احسین راد النبی یحضر بلطفوف****وابنه الاکبر ابنه یلعب دوره

******

یاوهابی فهد یوم الی ارتحل*****خله عبدالله بعد عینه ولی

هذه فاهم والنبی اشلون الامین****چیف مانصب بعد عینه علی؟

******

راد یفجرها الگبه الناصبی****حته من الگبه کلش یستریح

مادره ابکل گلب شیعی وکل غیور****مبنیه للهادی شباچ وضریح

******

هذه موسهم المثلث یاحسین****صاب چبدک هلسهم مولانه

هذه عباس وتمثل بلسهم****صدع گلبک والظهر نیشانه

*****

احسین ماظهره انکسر من السهم****انکسر ظهره ابیوم فگد اعضیده

ومن صفگ بیدیه عنده المعنه عاد****صفگ یعنی الگمر راح امن ایده

*****

لیش محسن مات ابطن البتول****هوه من الله طلب یگضیه جنین

حته ماراد الیشوفه ابکربلا****اشلون امیه اتگطع ابجسم الحسین

******

تدری لیش الزهره عصراها اللعین****قصده محسن قصده ایموت الجنین

خاف باچر محسن ایطالب یثور****ابفدک وابحگ امیرالمؤمنین

*****

الجاهل المایعرف احسین السبط****ابجهله خله ابجهله یحچی ابکیفه

احسین ابدمه نصر دین النبی****ما نصر دین الرسول ابسیفه

******

صوره من رسمیت آنه اتعجبیت****صوره وحده اشلون تطلعلی اثنین

آنه چنت ارسم ابعباس الگمر*****ولن اشوفن صایر ابصفه الحسین

 

هوسات للعباس(ع)ابن علی ابن ابیطالب(ع)

 

مثل عباس منهو ایصیر یسحگ سچة الخطره

ضحّه للعضید احسیــــن ضحّه الیمنه والیسره

قــــــــرآن الگمر عبـــاس منهو القادر ایفسره

(قرآن الطف ابعاشوره)

******

عن العباس من نحچی اخاف ایخونه التعبیر

مایتوصّف العباس اذا عگلی ابوصفه ایحیر

بس عباس یگدر یوصف العبــاس بلتصویر

(عباس ایوصّف عباسه)

*****

مـن دنــالک وانته طاعــــون الزلم فــی نینـــوه

ویاهو گال الگمر طاح اعله الارض خر وهـوه

العلم لیهسه یرفرف یعنی حی وعدل شیال اللوه

(عباس الحاضر شداتی)

******

مثل عبـــاس ماکوا اعضیــد لا اول ولا تالـــی

ضحّه ابروحه دون احسین ضحّه بلدمه الغالی

بعد میجیـبـن النـسوان مثــل عبـــاس للتـالــــی

(للخوه ایضّحی ابچفینه)

******

یا نـهر الشریــعه اشلون یمک طــاح عباسی

گال اختلط جوده اویای والله اوضاع مقیاسی

گمـت کلّـی اعلـه حیـــلی او الـطـم ابراســـی

(فگدیته عنوان الخوه)

******

نمت طول اعله طوله وصحت یاجرناس

اخــوک آنــه عضیــدک یا شـدیـد البـاس

بلعبـــاس احلفـــک احچــی یــا عبــــاس

(حاچینی یحزام الغیره)

******

 

 

** ((فخر الانام))** 

یانسیم الهاب وی طرة الفجر ***لعد محبوبـي الگلب وصـل السلام

 اویاحمام العایش ابلیه وکـــــر ***هاک اخذ مني رساله یاحمـــــــام 

عاشگ اوخلصِّت عمري بالسهر ***انجوم لیلي التشهد اوبدر التمـام 

ساهر اوعایش حیاتي عالجمر ***وآنه ادري النوم عالعاشگ حــرام 

عاشگ المعشوگه شابح بالنظر ***مایعرف السنه لومعنه المنــــام 

اتعلمیت امن البحر آنه العبــــر ***ایفیض لوطفحن امواجه بالغـــرام 

اولشوکت یامنیتي عود انتظــر ***آنه گضیّت العمر هم والتــــــــدام

 ردت بعیوني اشوفک یا صگر ***الک فدوه اتروح احزامي العمــــــام

 حتی اشکیلک لیالینه الکـــــدر ***اشصار بینه وابغیابک یاامـــــــام 

اکتاب الله اینوحن اعلیه السور ***لئن بین البشــر مهجـــور الکـلام

 بعد اشکیلک یحجه اویا بـــــدر ***المســــــاجد خلن یافخــر الانـام 

والبعض اوجوها اوجوه البشــر ***والگلوب اذیـــــاب صحراء العتـــام 

والاخو یحفر لخو بیر اوحفــــر ***اولوحچه یرمیــه رمیـات الســـهام 

شرداگولن بعد یادوحة مضــــر ***عـود نتــنطّر طلوعک یاهمــــــام 

ادري من نعتب دلیلک ینقــــهر ***والعتــاب ایطول وایطول المقـــام

 لاکن اوعیناک یمخاوي الخضر ***نور وجهک هم یشگ وجه الظلام 

هذه یومک والظهور ابهالعصـر ***اخذ ثار احسین وي حرگ الخیام 

خلي الصدیه او وذنها والشـــگر ***خلي وکت الحرب واتکثر القتـام 

واشحلات السیف لوحلگه حمــر ***یفطر ابدم العده بعد الصیـــــام 

اندوس خشمه الگال الحگ العمر ***اوبغض حیدر وی اولاده العظام 

یوم الامبارک نشوف المنتــــظر ***انأدی لقدومه التحیه واحتـــــرام

___________________________________________ 

شاعراهل البیت(ع) هانی پوررضا(المذحجی)

 


کل الحقوق محفوظة لموقع ادبنا

TPL_KH_LANG_MOBILE_TOP TPL_KH_LANG_MOBILE_SWITCH_DESKTOP

مجوز استفاده از قالب خبری ناب نیوز برای این دامنه داده نشده , براي اطلاعات بيشتر درباره مجوز استفاده از این قالب به سايت خليلان رسانه مراجعه کنيد .