موسوعة الادب العربي في خوزستان

TPL_KH_LANG_KH_MOBILE_DESKTOP TPL_KH_LANG_KH_MOBILE_REGISTER TPL_KH_LANG_KH_MOBILE_LOGIN

الشاعر عبدعلي مرعي الباجي

الشاعر عبدعلي مرعي الباجي

الشاعر الحاج عبدعلي بن زایر بنات مرعي الباجي:شاعر شعبي من  شعراء خوزستان، ولد عام ۱۳۴۰ هجري شمسي في قریة الجلالیة من توابع دشت آزادگان و دخل المدرسة في القرية ثم انتقل لمدينة سوسنکرد (الخفاجیة) حتى اکمل الدورة المتوسطة و ثم دخل جامعة بیام نور و تابع دراسته في فرع القانون، و اشتغل سنة ۱۳۶۵ هـ.ش في مدیریت جهاد البناء بعد ما مارس العمل في مجال الزراعة، مال الى نظم الشعر لمعاشرته مع کوکبة من الادباء و الشعراء بمدینة الخفاجیة منهم: الشاعر هاني پور رضا المذحجي، و الشاعر رحیم الساري، و الشاعر شیخ مهدي الساري، و راود بعضشعراء مدينة الاهواز منهم: الشاعر الأدیب اسماعیل المشعلي، و الشاعر حیدر المشعلي، و الشاعر ابوحسن خلاف عفراوي، و الشاعر عباس ملا غانم المشعلي. و بدء مسيرته الشعرية بالنظم في بعض اوزان الشعر کالابوذیة، الدارمي، و القصاید الحسینیة وشیء من الغزل، و نظم الطميات الحسینیة الی عدة من مداحی اهل البیت منهم: الرادود الحسیني حاج راضي شیخ سعید و ابراهیم مزرعه و نعیم المشمشاوی و احمد بیجاوي وعبدالزهرا کروشات و غيرهم. شارک في کثير من المهرجانات و الندوات و المسابقات و المؤتمرات الادبية. و حضر في کثير من اللقاءات الاذاعية و بعض القنوات التلفزيونية.

من شعره:

ضل وحید احسین والزینب نظر***لویروح اشلون تبقی ابها الخطر

*******

لـو یـروح اشلون زینـب والنسه***اطفـال والسجادکلهه امـأ یسه

ولو یچل الیل ظلمه امعسهسه**یاهو ابهل الحال گام الها ونقر

*******

اتخوصر وصاح اعلی بت حامی الحمه***گومی راحت بلسهام اموسمه

صاح والصایح وصل عالی سمه ***والسهام اتنازلت مثــل المطـر

******

اتنازلت والخیم ضربوها ضرب***والحرم مثل الگطه شردت سرب

واحسین ینظر والدمع منه یصب***صاح وین الیوم عن سیفی المفر

*******

طشر الجیمان ابن حامی الحمه***وخله طگ السیف یرعد للسمه

خله خیـل اعـداه تسبح بلـدمـه***والرؤس اشلون گام الـها شطر

*******

گامت ام العلا یـا حی نادتـه***وهو حیاها البطل من حیته

مثل حیدر های چانت حملته ***خلــه کـل اعداه بلبیده وذر

*******

رجع یم زینب یرید اموادعه***یدری بیها ابها لمصایب قانعـه

وما تهاب اسیوف ذیچ الامعه*** بت علی الکرارما تخاف الخطـر

*******

ما تخاف امن المصایب لو سرت***بس لخوها احسین دمعتها جرت

والـدمـوع انهــار علوجنـه کـرت***مـن اراد احسین لــوداع وسـدر

******************

کلهه زارت کربلا قبل المصاب*** کل نبی وهم وصی لیها سری

*******

من آمر اسلیمان لبساطه یشیل*** بی یشوف الکون ناوی لرحیل

هبط ابعالی السمه انوی یمیل*** ناجـه ربه شنهی هایه ما دری

*******

ارض هایه اتکون لعالم دلیل***یقع بیها امصاب مایوجدمثیل

یبقی بیها احسین علرمضه قتیل***وهله کلهه اتـروح صرعی اموذری

*******

هایه ارض الله تبقی للحشـر***هم زیاره هم شفاعه للبشـر

اتعلم الاجیال کلهه ابهل العبر*** تبگی رایه خافقه الکل الوری

********

نفرشات اشعیب من مای الفرات*** أ بت تشرب مای منه للحیات

اشلون تشرب مای لازمت الطغات***وابن طاهه ایموت عطشان القوی

********

سئل ربه اشلون تاویل الجری***گله هاذه امچان مرضوض القفا

احسین ابن حیدر حفید المصطفی***ینذبح عطشان مسلوب الردی

********

کربله بیها المصایب والم***یمشی آدم عثرعـدها ونصد م

رادت الله بیها شنهی ماعلم***واثردمه شاءعلرمضه البقـا

********

رفع ایده لسما من الله یرید***خاف من عنده ذنب احدث شدید

گله هان احسین محزوزالورید ***ومنه راسه ایروح مرفوع ابقنا

********

سئل منهواحسین یاربی یکون***وهوه موبلکون وتشوفه العیون

انته والأکـوان لجلـه والثـری***گـله سید الانس کلها والجنـون

*************

رفعت راس

حگنه بل عشایر لون فخرینه***رفعوا روسنا وعلو مبانینه

********

عشایرنا طیبه ونفتخر بیها ***اعلام الکفـر خلـونکـس عالیها

حموا ثایت وطنهم وارتفع ناصیها***والمعتـدی بمنیـورکسـرو شیـاهینــه

********

عشایرنا ابعزم حیل مشتدین***وبامرالولایه اتحافظ اعلی الدین

تبیع ارواح علکلفات متحزمین***والوصلو چتـل ظلـو براضینـه

********

عشایرنا ابارض خوزستان متربین ***ابمای وارض وحده ابخیرملتمین

وبعفه وجلاله وطیب معروفین***والماعده علی المامش فاتح صواوینه

********

عشایرناغیاره الگوم الها اشهود***ماعافوا ولیهم ابساعت المعهود

روح انشد ذیچ الاجت مثل الـدود***تالیها اشصفت من هدت اهالینه

********

عشایرنـا ارواح بلچفین وضعوهـا***ورجلین اعلی الحدود اشداد شدوها

واجیوش الاجت بلهـوسات ردوها***ماخلوشبر یمشی امن اراضینه

********

العشایـرنـا روح وانشد المنیور***ماهمهم ظلام ولا غسق دیجور

حفـرو بــدیهم للکفـر اگبـور***والماهد بلگرز چفـوا فناجینـه

********

عشایرناچنها اکتاب مملی افصول***عـن کرم،جود وسخاوه ایگول

غیره وشجاعه وزود بیها افحول***وباسم النبی وآل النبی امجلدینه

********

وعن دلـه ومضیف وسیف***یحچـی ابـکلام الیطب الکیف

عن ابن فاطمه ،الزهرا الیحیی الضیف***وعـن حاتم الطائی الما سـد دواوینه

********

عنهـم کــاتب حچی ابلایـا احـــدود***مضایفهـم وسیعـه اشما اجت الوفـود

عسرما بین علیهم لاوحگ عیناک***اطبخوا لحم الزنودوأبواتمتدادینه

********

الابوذية

حلوه یا شوفت الاحباب ودار***زمانی اشگد الی طبین ودار

علیهم دوم عینی اتهمل ودار***خلص مایهـه وشحوا علیه

*********

گلبی انشلع من ساسه ولابت***اختـک بلخیم دارت ولابـت

طفـل مـاحصلت بیها ولابت***صرت امدوهنه واصفگ بدیه

********

کتلنی الهظم یا مسلم وناصح***اوطیب بل بلد ماتم و ناصح

اذا چـان الخبر واضح وناصح*** لفتنه الخیل یمعدل تهیه

********

بیمن بعد یرتاح دلالی ویامن***اخوی الچان الی یسره ویامن

تـرکنی وراح دلونی ویـامن***علی یرجع بعـد لـو هـای هیـه

********

یدنیا اشما علی بینی وظهری***بصباحی ماشفت ونسه وظهری

علیه اتحاشمت کلها وظهری***انـکسروآنـه اشگف بدیـه

********

یخویه الناس سئلونی مَن اخواک***تهـدم ونـهشـم گلبـی من اخواک

الدهـر مـا یوم ونّسنی من اخواک***ایست والهَـم غـزانـی وحـاط بیّـه

********

طـفل لـتکون تمـشی من ضحاک***ولاتفـوت ابلیل عمرک من ضحاک

شوف خلّک یاهو انته من ضحاک***وابنی بلحگ زین ساسک للحیات

********

انـا ابهیمـه وگـع غـوجی ونـاخای***ونـدبـت العـبـد والسـیّـد ونـاخای

ویـنـه الـیـرحم ابـحـالی ونـاخای***یفکنی امن العسر ویـحن علـیّـه

********


کل الحقوق محفوظة لموقع ادبنا

TPL_KH_LANG_MOBILE_TOP TPL_KH_LANG_MOBILE_SWITCH_DESKTOP

مجوز استفاده از قالب خبری ناب نیوز برای این دامنه داده نشده , براي اطلاعات بيشتر درباره مجوز استفاده از این قالب به سايت خليلان رسانه مراجعه کنيد .