موسوعة الادب العربي في خوزستان

TPL_KH_LANG_KH_MOBILE_DESKTOP TPL_KH_LANG_KH_MOBILE_REGISTER TPL_KH_LANG_KH_MOBILE_LOGIN

الشاعر شامخ عبیات المنصوري

شامخ كاظم عبيات المنصوريالشاعر شامخ کاظم عبیات المنصوري ابو عادل: شاعر من شعراء خوزستان ولد سنة ۱۳۴۱ هـ.ش في سوسنگرد و درس في مدينته حتى حصل على الدبيلم ثم دخل جامعة الشهيد شمران بالاهواز عام ۱۳۷۲ هـ.ش و درس فرع الادب العربي و نال شهادة  البکلاريوس (ليسانس) في تلک الجامعة. نظم الشعر و اشتاق الى وزن الابوذية و برع فيه و لقب بمدينته بفارس الابوذية و نظم بعد ذلک في شتي الاوزان مثل الدرامي و الغزل و الموال و التجليبة و القصيدة و الميمر و لکن اکثر في کتابة الابوذية لانه تخصص في هذا الوزن جمع شعره و لکن لم يطبعه في ديوان الى الان. شارک بکثير من المهرجانات في المناسبات الاجتماعية و الدينية الذي عقدت في المحافظة و حاز المرتبة الاولى في المسابقات في مجال الميمر و الموال و اضافة على تجربته الشعرية دخل مجال المسرح کتابة و اخراجا و تميثلا.

 

  الشاعر شامخ کاظم عبیات المنصوري ابو عادل:

 

شاعر من شعراء خوزستان ولد سنة ۱۳۴۱ هـ.ش في حي الخزعلية(۱) بسوسنگرد(الخفاجية) المدينة الزاهرة بمجالسها الحسينية و الادبية التي تملأ کل زاوية من زواياها و ترعرع في احضان اسرة شيعية موالية و محبة لاهل البيت عليهم السلام و درس في مدينته حتى حصل على الدبيلم لذلک لهذه البيئة الاثر الکبير في صقل موهبته و نبوغه الشعري و بلاغته، وجهته هذه المدينة توجيها صحيحا بعد ان دلف لمجالسها و محافلها الادبية و الثقافية برغبة عارمة و دخل جامعة الشهيد شمران بالاهواز عام ۱۳۷۲ هـ.ش و درس فرع الادب العربي و نال شهادة  البکلاريوس (ليسانس) في تلک الجامعة.

بدء مسيرته الادبية منذ صغر سنه و هوى الشعر لسماعه و حضوره في مجالس الوعظ و مجالسته مع  لشعراء المعروفين في خوزستان و غيرهم حتى بدء نظم الشعر و اشتاق الى وزن الابوذية و برع فيه و نظم بعد ذلک في شتي الاوزان مثل الدرامي و الغزل و الموال و التجليبة و القصيدة و الميمر و لکن اکثر في کتابة الابوذية لانه تخصص في هذا الوزن و يحق ان يقال إنه شاعر متدفق المشاعر رقيق الإحساس، قوي المعنى غزير التأمل يختار المفردات التي تلامس القلب و تروي عطش الجسد و يهيج بقوافيه بوادي الادب و يزرع القوافي حتى تصبح کل قافية شجرة خضراء تتفرع منها معاني تجعل ديوانه زاهرا وهاجا يأثر في القلب و تتدفع النفس الى مسير الخير و يستعمل في شعره صور شعرية جميلة تعرج بشعره نحو الخلود و الجمال الادبي البارع.

جمع شعره و لکن لم يطبعه في ديوان الى الان. شارک بکثير من المهرجانات في المناسبات الاجتماعية و الدينية الذي عقدت في المحافظة و حاز المرتبة الاولى في المسابقات في مجال الميمر و الموال و اضافة على تجربته الشعرية دخل مجال المسرح کتابة و اخراجا و تميثلا حيث کتب اول مسرحيته و سميت (غفلت) باللغة الفارسية و له اعمال اخرى عرضت في اذاعة خوزستان - القسم العربي.

-----------------------------

الخزعلية: نسبة الى خزعل بن صالح السبهان

من شعره:

 

الولایه

حب حقیقی ابگلبی شایل واعتقد ماله نهایه

یشتمل من کل وجودی ویجمع آمالی ومنایه

حالف ومایرک عزمی وروحی لفدیهه فدایه

هذا حبی میتوصف بی عقیده وبیه غایه

وماتراجع لجل حبی احمل اشما تصح ذایه

هذا عزمی ویبقی باقی وبلشماته ماله حایه

ابقی احبن وابقی احبن بس چلمتی اتکون هایه

وهل طریق الی مشیته ابکل درایه ابکل وعایه

وما امل والشاهد الله وبانی الحبی بنایه

مای صافی وبعد اصفه وبعد اصفه امن المرایه

وارید احچی بلحقیقه وحبر طبعی والحبر طبعه بغایه

ما اعوفن حبی آنه ویاحلیم اعلی السراب ایبدی مایه

ویابصیر الخطه خطوه ابغیر وعی ابلا درایه

ویاعلیل الما توسل للحکیم ومنه یطلب کل عنایه

وحگ طه المصطفی الی رفع ایده وعلن رایه

مستمر تابع طریقی وابدرب حیدر علی حامی الحمایه

یابه کل حبی الحقیقی هوه عشگی للولایه هوه عشگی للولایه

الدرامي

لبنیلی سبع اقصور من صخر گلبک**** و بین القصور انداس سچه علی گلبک

ما تدری های الروح متعذبه منک **** لکن یجیهه العید لو ضحک سنک

تدری من اهد فرگاک هل گلبی مغموت**** لو تالی اشگ اهدوم لو شوفن الموت

خلانی شمعه البین اضوی اللیالی**** شرجه اللیالی اسود ترحم ابحالی

صاحب صحیب البیه تنگط المروه****و اترک البد الذات و الخوته گوه

ارد اگطف ابمحچال کل عتبی لیکم**** هالبت سکفکم طاح خایب علیکم

ارد الطم علی الراح مثل النساوین****اثفب و اهلس الراس و اتملطخ ابطین

کل النرض ینزاح بس مرض الفراگ****یلطع السین الموت لو الهم اشتاگ

کون انا اصیرن طیر و اوصل سماکم****و انقط عشر مرات گلبی هواکم

چنت انا شایل دوم همک و همی****شنهو جنیت اویاک تحرگ ابدمی

یا گلبی بسک عاد بسک بعد عاد****چم حسره صارت بیک من فرگ الابعاد

جبت العمر یاصاح حسره اعلی حسره****و صار الملح منعوت عندچ یبصره

آمر علینه ارجوک و امرک نطیعه****و الماینفذ کون راسه گطیعه

بسکم بعد بس عاد هل یل تلومون****حامت علی دنیای و انتم تحومون

ارد اصرخ آنه ابصوت و اهتف ابهایه****انته البدایه اتصیر و انته النهایه

کل الهله ابملگاک یا شهل العیون****ما اگدر الفرگاک یا صاحبی اشلون

اچوی الگلب بلنار لو بی ندامه****لو طب طب و لو مال لو بی علامه

یا گلبی بسک عاد تهلک النوبه****عوف و بعد للموت اصرخ التوبه

یا روحی بسچ عاد مالچ تونین****نص ساعه ما شفتی حسبالچ اسنین

صعبه و تدمر الحال یا چلت الغروب****اصفن و افکر بیک و امتیّه الدروب

گلبک صخر جلود ما بی محنه****لا رحم لا انصاف بیک امتحنه

گلنه الدلال ایجوز یتغاوه خله****حط بالگلب یا ناس تالیهه عله

یا گلبی حیل اویاک طاگ و الف طاگ****خایب تضل للموت تتحمل افراگ

گتلک اعیونی اثنین ملکک و اخذهن****اشمالک یا بد الذات بصبع تبزهن

حس گلبی هاذه الیوم راید یشوفک****لا تعتذر و اتگول صعبت ظروفک

هس الگلب و النوب کثر هسیسه****کسر الوکت ویای کسر الفریسه

الابوذیة

یدهری دوسنی واگطف علی هام ****ابکثر مادست ماگولن علی هام

گضیت العمر یاوسفه علی هام ****دهر، صاحب، عدو داسوا علیه

******

شوصفلک اهموم العلي يختل ****واحس بلعگل چنه ایرید یختل

علی دهری شبه صیاد یختل ****لزمنی وبلشوی عنده شهیه

******

ينبّه کل تقي او مخلص نبيهه**** عقيدتنه علی حب حیدر نبیهه

الامه اتفاخرت یوماً نبیهه**** اعلن بالولایه الحیدریه

*****

ابغسه کاس المراره شاربینه****و لا صاحب نصحنه شاربینه

و علی جمر المولع شاربینه****اشماگول احاه یچوی الیمر بیه

*****

الدنيه ويه الرجال اشکثر مالات**** الشهم صد و استقر مرتعش مالات

مو شرط الرجل لو ملک مالات****الرجل غیره الرجل نخوه و حمیه

*****

یگلبی اندم دبس ایاک و ایاک****اترکه اللی ابنار الهجر وایاک

اذا یومن تصب العین وایاک****دمع تمساح یبچی بغیر اذیه

*****

علامه ایضیج خلگی ماله خلگی****الوکت وسفه ابوکاحه ماله خلگی

صحیبی السبب شنهو ماله خلگی****اشوف الموت من یزعل علیه

*****

رکضنه علی الدنیه ما لحگنه****یحگنه علی الصاحب ما لحگنه

الحگ الچان النه مالحگنه****وبیه اهل البطل کسبت قضیه

****

العذل طبع العواذل کفنه منهم****وبعد میهم حچیهم کفنه منهم

چم میت ابمیت کفنه منهم****وچم مصیوب یتوسل تچیه

*****

اعضامی اتگوم تاذینی منصل **** علی الما یعرف الوزغه منصل

الفرع معروف للوادم منصل****غشیم اللی یوچدهن سویه

*****

اشد محلول و المشدود ینحل****وجسمی بالنزول و دوم ینحل

کلام اللی یغث بالگلب ینحل****اشبیدی الگلب ما ینسه الردیه

*****

نوحی ما کسر خاطرک شبچای****و یوسفه صفه علی الحیطان شبچای

ردی حظی و وکت الصید شبچای****اجرنه و یجی خالی بدیه

*****

الهات

ذاب گلبی یاهل وادم منهواه****منهو حسره منهو نهته منهو اه

هوی اعذیبی و ترد روحی منهواه****و ما اچز منه و امل حد الممات

******

الرجل یملک کون اجمل منصفات****کل فتن یترک و یحچی منصفات

و دومن افعاله یکونن منصفات****هنه ذنی للرجل معنه و الحیات

******

الرجل لازم دوم یذخریاهله****و بلطبع مرحب یصیر و یاهله

من عگب ربعه و اخوته یاهله****الرجل کوننه ذخر للنائبات

******

هات یا گلبی اشعلامک مایلک****و چم صعبه تالی صارت مایلک

لو تصاحب صاحب الی مایلک****و اترک اللی ما یجد حلوه صفات

******

هات یا گلبی لخبرک تبتلی****چم اتوبه اتگول تایب تبتلی

لا تعاند چنک انته تبتلی****الک بس اسوالف اللی متعبات

******

هات یا گلبی لشدن محملی****ما شفت بلدنیه یاجد محملی

خلص صبری و ما تحمل محملی****و ضاعت الحسبه مبین الحاسبات

******

جروح عندی یابه منهم شیلهه****اهمومی گثرت گلّی یاهو شیلهه

بعد روحی عیب یاجد شیلهه****وسفه ضاع التعب کله العمر فات

******

هات یا گلبی لزیدک منصحه****صاحبک جربه و اعرف منصحه

و اللی میطیح ابهبیه منصحه****یضل صامد ما تهزه المشکلات

******

شوف یا گلبی المصایب شوبچن****اعیونی ما شافن بواچی شوبچن

و الله ییام التجافی شوبچن****قهر ما ظنه یعود النه الصفات

*****

الرجل دوم ایکون طبعه منعمه****و الیضدک ریت کونه منعمه

مو ابخولا اویاک رابط منعمه**** اجداد تربطنه سویه و ابهات

*****

هات یا گلبی لخبرک ما یلی **** الوکت ایمشی اویای چنه مایلی

و اللی عافنی او هجرنی مایلی**** ضاع کل تعبی حسافه الوفه مات

*****

المیمر

اتعدوا علی احدود الغدر من عدهم ****راحوا اوبالعده ابد من عدهم

والله یاضیم العلی من عدهم ****طول العمر خلوا اعیونی تسهر

*****

مره ابتعد من صاحبی مره ادنی****یسحگ ابچبدی یاخلگ مردنی

شدعی اعلی گلبی اردود اله مرادنی ****خله ایشوف الشایفه و یتفرفر

*****

یا صاحبی وین الوکت یابانی****یا گلبی یلصانع قهر یابانی

اللی عملته ابحالتی یابانی*****عضت اصیعی للابد و اتحسر

*****

الموال

مسلک محمد فخر یاصاح اذا مسلکه

ابنهج الولایه التمس دوم اتخذ مسلکه

من غیر هذه النهج کل نهج لا مسلکه

من حیث رایة علی تبقه ترف قائمه

اکتب مبادی المجد وانشرها ابقائمه

ماعرف ربه الذی ماینتظر قائمه

وربک لجل حجته صبحلک ومسلکه

 

 

 

 

کل الحقوق محفوظة لموقع ادبنا

TPL_KH_LANG_MOBILE_TOP TPL_KH_LANG_MOBILE_SWITCH_DESKTOP

مجوز استفاده از قالب خبری ناب نیوز برای این دامنه داده نشده , براي اطلاعات بيشتر درباره مجوز استفاده از این قالب به سايت خليلان رسانه مراجعه کنيد .