موسوعة الادب العربي في خوزستان

TPL_KH_LANG_KH_MOBILE_DESKTOP TPL_KH_LANG_KH_MOBILE_REGISTER TPL_KH_LANG_KH_MOBILE_LOGIN

الشاعر عبدالحسین بن اسماعيل الصیاحي الباوي

عبدالحسين صياحي الباويالشاعر عبدالحسین صیاحي (الباوي): شاعر من شعراء الشعر الشعبي في خوزستان ولد عام ۱۳۶۴ شمسي في مدینة سوسنکرد (الخفاجیة). و هو حفید الشاعر المرحوم الحاج علاوي الباوي. کتب في کثير الوان و اوزان الشعر الشعبي کالقصيدة و الابوذية و الميمر و غيره من اوزان الشعر و شارک في الکثیر من المهرجانات و الندوات الادبیة التی تقیم في المحافظة. نشرت له العدید من القصائد في الصحف المحلیة مثل: صوت الشعب و الاهواز و الشوری و الحدیث و دیرةهلی و غیرها من الجرائد. کتب في جمیع المناسبات لاسیماء مناسبات اهل البيت عليهم السلام لدیه عدة دواوین خاصة بمدح و رثاء اهل البیت و التي لم تطبع لحد الان.

 

(ذهب صافي)

(مقطوعة في حق الامام علي عليه السلام)

علی ما تنوصف والیوصفک چذاب

علی نفس الرسول اتوصفت والباب

علی بحر الکرامه المایعرف احدود

علی یعنی الشجاعه ومرجله وخنیاب

امنین ابدی ابعلی بالکعبه مولد چان

وابیت الرسول وحضنه شب وشاب

بعل بنت الرسول ووالد السبطین

وقالع باب خیبر ماتهزه اطناب

بچای ابصلاته وبالحرب ضحاک

وبالصد یکر حیدر ما هوه ولا غاب

مرحب جندله وبارز عمربن ود

واتعله اعله صدره الما علته ارگاب

ذهب صافی یحیدر خصک الرحمن

وباقی الناس کلهه انخلقت امن اتراب

**********

(وداع العید)

ذب ثوب الفرح و اتوادع وی العید

یاگـلبی الاحــزان اترافگک والــهم

لیالـینه حزن عاشورتگـضی ابنوح

وما یـوم الـفرح دگ بابنه و جـدم

من حط المهد و امناوش الکاروک

رضعنه الـنایبات امنگـطات ابــدم

تزوجنا الـحزن و الفـرح طلــگناه

و انـجبـنه المـآتم ضایـعات ابچم

مو مثل البشر عشنه ابعسر و ابظیم

وانـمسی ابدمع و انصبحاش ابـغم

صبرنه و الصبر عده الصبر ایوب

جـرح الـدهر کـاسر لا تـظن یـلتم

یگلـبی اشما تـعاتب ما یفید اللـوم

زمانک محرب و نار الحقد اضرم

یطیب الذات احذرک لو ترید اتعیش

ماشی ابمثل وکتک لو ردت تسلم

( المیمر )

من خده ولفی اتمکنت بستانی

ومنه ازدهر وردی وعمر بستانی

اعلیه احشم یاترف بستانی

من الشفایف بوسه راید یشگر

**********

حبه ابوسط رحه الوکت خلانی

و رکانی بهمومه لمن خلانی

ما ینحمل صدگ بعد خلانی

مجبور صابر بس دلیلی اموجر

*********

وکتی ابشرف عن الدغش عافانی

ومن مرض طاعون الچذب عافانی

ما همنی بالکلفه الذی عافانی

متوکل ابالله و نبیه و حیدر

*********

کرت العده ومایومهم کارونی

ومافاد بحبال الحقد کارونی

احلف ابعزة کرختي وکاروني

لمطر عليهم نار يوم المحشر

**********

ازلف ترى اتودر النظر کرختنه

ابأ وجد اعله المجد کرختنه

کارون یتفاخر بهل کرختنه

وکرختنه کارون الهه صایر مفخر

*********

العین سالت یا ولف منهدم

والفرگتک حیلی صبح منهدم

غیر الحزن مالاک الی منهدم

صابر وگولن هالوکت یتغیر

*********

مبنی ابمکارم و ابمجد منزلنه

وثابت ابصفحات الفخر منزلنه

سرنه و چذب عن العدل منزلنه

ثابت نهجنه و ابد ما یتغیر

**********

(تجلیبه)

اجلبنک یلیلی وحایر ابناسی

تلوم الی یحب وتمدح القاسی

غطانی الشیب منها وبین ابراسی

وگلبی امن القهر کثرة تجالیبه

*********

اجلبنک یلیلی ولا تگول ابخیل

انوحن وابچی بیک الحد مجاری السیل

لون ضایگ عذابات السهر یاللیل

چان اعرفت حالی الودعت طیبه

********

اجلبنک یلیلی وماکفاک اویای

امحزم بالحزن لیه وخذیت اهوای

بچیته ابدم دمع لمن عمت عینای

شعل راسی ابغیابه او بین ابشیبه

********

اجلبنک یلیلی وبالگلب نیران

واتهیج الجروح ابلائم البطران

یحگه المادره ابحال العشگ غزلان

یودیه السهر وابنایحه ایجیبه

********

اجلبنک یلیلی وحایر ابروحی

افز ساعه الحبیبی وساعه لجروحی

لون ضایگ غذابی ولوعتی ونوحی

چان اعرفت گلبی اشلون تعذیبه

*********

اجلبنک یلیلی وبالگلب حسره

عله الراح وترکنی ابنایحه وعبره

اگولن من بعد قیمه تطر گمره

ویعاودلی ولیفی وتنتهی الغیبه

*********

اجلبنک یلیلی وحالتی مالوم

انوح ابفرگه ولفی وما طرالی النوم

مثل دوح الحمام اعلی یلیلی اتحوم

بعد شترید وکتی و هد دوالیبه

*********

اجلبنک یلیلی وحالتی حاله

عله الراح وترکنی اعیونی هماله

لامن طارش ولامن خبر جاله

اذا ناسی الیحبه وشگ مکاتیبه

*********

اجلبنک یلیلی وهذا حالی ویاک

من یوم الفطنت انه ابشبچ بلواک

نص عمری خذیته وما بعد یکفاک

ترید الباقی یگضی ابنایحه ونیبه

(الدارمي)

تبچی العیون ادموع والدم تسیله

من شال ابو الطیبات وابعد نزیله

***********

جرح البگلبی اغمیج ماله دوه ودای

بس بوسه تشفی الروح من شفت اهوای

***********

خل الصبر مفتاح عد کل شدیده

واتماطل وی الاخ مثل الحدیده

***********

للحگ تعنه وگول واحچی ابصراحه

لا تسکت اعله الشین واتذل گباحه

***********

صدلی وشعلنی ابناروالکل یشوفون

طحت وتهاوه الناس من سود العیون

***********

لویدری بیه اشصار بعده وجرالی

چان ابچه دمع ادموم طول اللیالی

***********

سکنته وسط العین وابگلبی بیته

شب بالگلب نیران وبعینی زیته

***********

وج بالگلب نیران واسعرلهیبه

وینه الیلاگی اهوای بالله ویجیبه

***********

اتماطل وی الاخ هذا انه طبعی

انسه الگلب مجروح ما انسه ربعی

***********

للصاحب افدی الروح بالشده فزاع

گبل اهله لمن صاح شمرت الذراع

 

 

*((في شجاعة علي الاکبر))*

 

ابيوم شبل احسين طب لطفوفها

هلهلتله و غاص وسط اصفوفها

*****

هلهلتله ام العلة و ساگ الزلم

چالرعيع ایطشر ابیاهه و یلم

فرق اجنود المفاسد و الظلم

وترست الگاع امنذلها و خوفها

*****

گام یتنگه ابفحول الغانمه

ایجندل الفرسان و یذب عالسمه

یحصد و یذری و یفیض بالدمه

و ترکت الخیل الزلم و اسیوفها

*****

ترکت الجیمانها و فرت بعد

من تعله الصدر ابن غانم گعد

عزل راسه و ضهضب و شب و رعد

وگام یسقی الگوم شر احتوفها

*****

وگام ال ازیاد یسقیها الحتوف

و خله ملک الموت تایه ما یشوف

خاضها وخضب و فر ذیچ الصفوف

و گام بالدم و التراب ایدوفها

*****

فعل ویه اعداه الاکبر ما فعل

ایدوف گام ارجالهه ابسیفه الفحل

هالشجاعه اخذاها من ذاک البطل

ایصید بالکلفه و سهلهه ایعوفها

*****

ایصید بالفرسان و یذب عالدرب

و علماهم بلاملاوه و بالحرب

اسقاها کاس الموت بالطگ و الضرب

ابسیفه چن دولاب گام ایلوفها

*****

شبل ابو السجاد ابن فارس مضر

ایلوف گام ارجالهه ابسیفه الفخر

طوق علیهه و منعهه امن المفر

و حنت ابدمهم الطف ازلوفها

*****

من جره ادماهم تحنت کربله

و صب علیهه العار الاکبر و البله

فرت الشجعان هجت بالفله

چن ملیک الموت گام ایطوفها

*****

صد حصد حاصودها و صب المصاب

و سد علیهه الدرب و اسقاها العذاب

و الله لومه العطش و الحر و التراب

چان افنه الطف شبل معروفها

*****

کل الحقوق محفوظة لموقع ادبنا

TPL_KH_LANG_MOBILE_TOP TPL_KH_LANG_MOBILE_SWITCH_DESKTOP

مجوز استفاده از قالب خبری ناب نیوز برای این دامنه داده نشده , براي اطلاعات بيشتر درباره مجوز استفاده از این قالب به سايت خليلان رسانه مراجعه کنيد .