موسوعة الادب العربي في خوزستان

TPL_KH_LANG_KH_MOBILE_DESKTOP TPL_KH_LANG_KH_MOBILE_REGISTER TPL_KH_LANG_KH_MOBILE_LOGIN

الشاعر شیخ ابراهیم الدیراوي

الادیب الشیخ ابراهیم الدیراوي

الادیب الشیخ ابراهیم الدیراوي: شاعر من شعراء خوزستان عاش في خرمشهر(المحمرة)دخل الحوزة العلمية فدرس في آبادان و قم. تتوج بتاج العلم بعد بلوغه من الدورس الحوزوية. حب الشعر في مبکر عمره. فاصبح شاعرا مجيدا و بارعا مبدعا و لقد اشعل مشعلا من الشعر الجمیل و ابدع وزن في الشعر الشعبي فخلق بشعره صورا شعرية جميلة تطرب فی شعره القوافي و امتلک قدرة کبيرة في نظم الشعر الساحر الجميل. يستعمل في شعره مفردات شعبية جميلة و اصيلة. نظم شعر کثير و شارک في شتى المناسبات الدينية و الاجتماعية و کذلک شارک في کثير من المهرجانات التي اقيمت في زمن الحرب المفروضة على ايران. نصح الطاغية صدام بقصيدة و اخبره بما سيجري عليه اذا لم يوقف الحرب. و له ديوان شعري مطبوع.

 

 

الشاعر ابراهيم الديراوي: من شعراء المحمرة و عبادان بدء حياته في المحمرة مع ما کان يعاني من ضعف البصر من صغر سنه اشتغل بطلب العلوم الدينية في الحوزة و حضر على بعض العلماء في المنطقة کشيخ عيسى الطرفي و غيره و تعلم مقدمات العلوم الدينية و بعد ذلک هاجر الى مدينة قم المقدسة و سکنها حتى يکمل مشواره العلمي و رافق ادباء مدينتي المحمرة و عبادان و تعلم منهم اصول الادب و فنونه حتى ملک ناصية الشعر في مبکّر عمره و صار شاعرا يستلذ السامع من نظمه، ابدع وزنا من الشعر الشعبي ما يسمى بالقلائد (گلائد) یتشکل من ثلاثة عشر فقرة و ربّاط (عنوان) في الاخير. و اول ما کتب المترجم له على هذا الوزن قصيدة تحت عنوان:

بالدلال الف حسره و کل حسره الف جمره

و قدم بالعام الثاني:

اهديک هدية من ليلو مدامع طوگ

و اصوغ اهروش دلالی تراچی اعلیک اتلوگ

و بالعام الثالث :

یا رسول الشوگ ریّض هاک اخذ مکتوب وده

فاشتهر هذا الاسلوب و الوزن بین الشعراء حیث نظموا و خلقوا آثارا جمیلة فی غایة الجمال و الروعة و من الشعراء الذین کتب علی طریقته الشیخ علي العفراوي الطرفي.

له قصائده الجميلة تشير الى شاعريته و جمال نظمه فنصوصه الشعرية في غایة الکمال من حیث الاتقان و الابداع و الصنعة ينسج القوافي نسيجا جميلا حيث تربط في بعضها ربطا مبدعا فنيا.

الی الامام القائد:

عیناک یلوجهک شمس یمضوّی کل ادروبنا

یا ضحچه بعیون الیتامه و یا امل لگلوبنه

منک تعلمنه الوفه و البسنه بالعز ثوبنه

او درعمنه  بدروب الخطر نمشی و یهوس طوبنه

یا بویه و الغیره او علي موت الشرف مطلوبنه

ما طول بلثایه زلم فنه التگرب صوبنه

شنهی العمر فدوه العمر روح الله یا محبوبنه

******

الی ولدی جهاد:

ناشدنی و احچیلک یبه اسوالیف ترفه اهوایه

اسوالیف کثره ابخاطری احچایه تجر احچایه

حلوه مثل دیرة هلی و اشطنه الیضاحک مایه

بس صاح قائده البطل للموت اجت مشّایه

حلفت تدرعم ما ترد نصر الاسلام الغایه

لو تفنه لو بارض النجف توگف تشیل الرایه

******

الی الشعب العراقی:

نسناکم هلی لا ما نسيناکم

نحبکم یا هلی؟؟؟؟؟؟؟؟؟؟؟

نختونه علی چتف الموت هوسنه و اجیناکم

ولون مرالعطش بیکم چا صّفنه دمنه و بی سگیناکم

و لون مرّ ابسلفکم لیل نطلع شمس بسماکم

نسناکم عفه لا ما نسيناکم یمن ردتونه ردناکم

هلی  و اکحلة الغیرة اباب السلف تتناکم

یمته اتهد علی صدام یمته ایرفرف الواکم

******

الی صدام:

هم نتلاگه و هم انسولف یلحسبالک ما نتلاگه

اتشوف اطلعلک چم املف افعلک مشوحانات اوراگه

یلحسبالک ما نتلاگه یبا انا احلفلک هم نتلاگه

هم نتلاگه و هم انسولف طگ ابطگ او عین ابعین

انته اسولف عن امذبّک و انا اشرحک اصلی امنین

انا ابن القرآن الثائر و ابن القِدارا ام حدیین

و انته اتگول انا ابن الفاله انا ابن الهور ابن الطین

ما ننکرهن یابن الفاله البیهه اتملّخ گلب الدین

انته ابن ایزید احنه انعرفک یا هو السماک ابن احسین

یا ابن الهور اسمع چلماتی و افتح ذانک کلش زین

یلمشحوفک صدره الشر اختاضن موجات النهرین

و طارت من مشحوفک وصله و ضل ایعبی من الصوبین

لو هب الطوفان اعلیک اشینفع مردی او مردیین

لا تستبعد لا تتکبّر غمض عین او فتش عین

ساعه و تچهم طین الحری او من الکرسی الحضن البین

و ساعه او لنّک مثل الفلان انجرجر بیک امن الرجلین

من گبلک جرینه الخائن نوری و صار ابفلس اطراگه

و الحبل بی الجرینه الفلان انجرک بیه یابن البواگه

یلحسبالک ما نتلاگه

قصيدة يا هظيمة:

يــــاهظيمه العمر ذوبـــــل و الامـــل لفته غيمه

او ماتن الچلمات يسمر و الگلب حاير ابضيمه

ويا هظيمه ويا هظيمه

***

يا هظيمه اتبيعني بحفنة ارمـــــاد و انه ليــره

ابتهَر لمن شافني الصايغ اوضل واگع ابحيره

ذهب ما بيه دغش صافي او تضيعني العشيره

لاکــــن ابيضّت ادمـــوم الوادم او ماتت الغيره

و الگلوب اسودّت و حتى النهار اسود ضميره

يمن سوده ابوجه العريضي الحــفر لينه حفيره

من عسه الفرکنه وجعت موت و بساعه گصیره

هنا يمن چتفت روحـــي برمشک الظـــالم يسيره

وک اوحات ابوفاضل حرام انچان حبک ردنه غيره

اتکرها عـــافيته اليکرهک کـــون ويطيح ابشهيره

يلعفتني و لا گـــلت محــبوبي المظلـوم اجـــيره

وانه خويه الحزن تابعني ولزگ چبنه اعلى جيره

ابنعش صدري گلیبي ميت لا تشب نـارابسريره

لفني دولاب الهمــوم الظــــالم او ذبـــني ابهيمه

اوفوگ ضيم العلي ضيمک هم اخذ من عندي ديمه

وياهظيمه وياهظيمه 

يا هظيمه الحيل گوض چلقطار اليمر سارع

يمشي و ابسکة الضيم او لا ربيع اولا مرابع

والدريــول ياحبيبي الفلک ليش الفلک گـــاطع

يعت بيه و امري للله امسيت لامر الفلک طايع

وانه ارد وحدي اسنين العمر واشبگهن ووادع

مصارع اويلضيم گضیته العمر واليمته اصارع

هـــا زرعت اعيوني اربيه اوعلى دربک تباوع

هـــا انوح اعله الشباب الصار مثل الثلج مايع

لکن اشبيدي الامـــل محبس فهن منه الاصابع

و الـوکت فجّر العيني اعــيون تتفايض مدامع

جرف يا خذني او جرف يدفعني و امحيّر شدافع

امل گلبي او سعدي اسنين العمر راحن حريمه

او گیلت تنور ضيمي وچیمت اضلوعي چیمه

وياهظيمه وياهظيمه

اليمته اضل ارسم خيالک وانتظريهواي ترجع

اليمته اضل مشتول بشفافي العطش و العين تدمع

شنهو ذنبي ما اشم طيبک و لاهم بسمک اسمع

لاولا نسمه التهب من ديــرتک و العين تهجع

انته ما چنک هــذاک اغزيّل البحشاي يــرتع

يلعشت بلروح يلحبک ربــّا وبضلوعي تريع

يلبتت چلمة اعله بــالي وشافهه گلیبي وتولع

ماهي فصليه يولفي الروح شنهي تريد تصنع

لاولک لا تــذبح اگلیبي طفــل معصوم يرضع

لاولک والعمر کــاغد بس يجيسه الماي ینگع

وانه يم عين الشمس تاخذني الحسبات واوگع

يم بنات النعش و استرجي الگمر يا صوب يطلع

مثل ما بـــدر الامــل هليله عألعــالم تشعشع

ابوالـــزهره العله العالم فجّر الثوره العظيم

هاوفرحت المخلوگ بس انه الوکت ذبني بظليمه

وياهظيمه وياهظيمه

و له کذلک قصیدة مثل اول مثل اول:

مثل أول مثل أول

احب أيامنه الراحت ترد ترجع

مِثل أول مِثل أول

احب بیتي صَخَر لو طین احبه امطَرّز ابچَندل

 مِثل أول مِثل أول

احب ایامنه الراحت ترد وایامي هذي اتزول

احب اتشابگ اویلکوخ  کوخ الامل طول بطول

احب أتوسد الحِلفه وانام ودوشگي العاگول

تحت في الگصب والبردي والچولان دایر حول

احب امضیفنه المفروش ،حصران ونمِد وبلول

احب چانونه الیلهث جمر والحطَب یمه اتلول

احب اتنشّگ  ابدخان ،ذاک اسراینه المشعول

احب دیواننا اللیل ونهار،الکل وجه محلول

احب اتصنّت الدگات هاونّه الیرّن شیگول

احب المَرفعَه وذیچ الحبوب وضحچة الکشکول

احب أهلِی النشامه البلحصاد، تگوم کلهه اتیول

احب احزام ابوي الچان من خوص النخل مفتول

احب رحاتنه وخبز الشعیر الکل وکت مبذول

احب یاونّه والمهباش والگوساني والمَنجَل

والناعور والیاییم والمشحوف والتنبل

مثل أول مثل أول

احب دیرة هلي ام الخیر، احب اربوعنه الخضرة

احب شطنه وسواجینه احب موجاته السمرة

سواجینه الغطاها الزود، زود الضیم والحسرة

وشطنه إلطمته إهموم السنین ودثرت صدره

احب اشکال ابوي الچان باسم کل وکت ثغره

احب سالوفة اللگاح احب غناوة السهرة

ورفیف البردي وضحچة إعثوگ النخل للگمره

احب ارجع وأشم اتراب آرضنه الچل مسچ عطره

واروح اشبگهن ابفروند الامل والعشگ والعشره

وگل إلهن ینخلاتي الشتلتن بالگلب جمره

انا ردیت لا تبچن بعد مو خلصت الهجرة

وارید أغسل بدمعاتي عقیق ادموعچ الصفره

وإجاچ الماي یتهاده او خوصچ بعد لا یذبل

خل تترادف السعفات خل الگلب یتدلل

مثل أول مثل أول

 

 

کل الحقوق محفوظة لموقع ادبنا

TPL_KH_LANG_MOBILE_TOP TPL_KH_LANG_MOBILE_SWITCH_DESKTOP

مجوز استفاده از قالب خبری ناب نیوز برای این دامنه داده نشده , براي اطلاعات بيشتر درباره مجوز استفاده از این قالب به سايت خليلان رسانه مراجعه کنيد .