موسوعة الادب العربي في خوزستان

TPL_KH_LANG_KH_MOBILE_DESKTOP TPL_KH_LANG_KH_MOBILE_REGISTER TPL_KH_LANG_KH_MOBILE_LOGIN

الشاعر ايوب الحاج عباس کربلاوي

الشاعر ايوب الحاج عباس كربلاوي

الشاعر ايوب الحاج عباس کربلاوي(الزرگاني): شاعر شعبي من شعراء خوزستان ولد عام ۱۳۵۶ شمسي في مدينه شيبان و هي من توابع مدينة الاهواز و ترعرع في بيت يکتنفه الدين و نهل الولاء لاهل البيت عليهم السلام من ولاء والده لاهل البيت عليهم السلام حيث اسس حسینیة في المنطقة و لاحياء ذکر اهل البيت في المناسبات. دخل المدرسة في شيبان و کانت حصيلة دراسته اکمال الدورة المتوسطة (دیپلم). عاشر کوکبة من الشعراء في المنطقة منهم الشاعر ابراهیم الضبي،صدام الجنامي،سید ابراهیم الغرابي و عرض شعره على الشاعرحاج رحمه شبوطي الزرگاني و حبیب مزرعه و الحاج مجید الزرگاني و فرج البوعباد و سالم الساري. لدیه شعر کثیر و نظم  على شتى البحور  و الأوزان الشعر في الشعر الشعبي منها القصیدة على کل الأوزان منها المربع و العگیلي و غيره و کذلک الابوذیة، الهات، الموال ،المیمر،العتاب، الهوسات، الدارمي على الأخص الومضة. شارک في کثیر من مهرجانات الشعر و الأحتفالات التي تقام في شتى مدن المحافظة.

من شعره:

(یا حبیبي)

اشلون گلبک طاوعک تنسه الحبیب***وانه کل لحضه ابحیاتی اتذکرک

انته دگات الگلب ونته الطبیب***ادوای بیدیک وبقیت اتنطرک

نار برکان الهجر تلهب لهیب***والحزن طوقنی وناصب شرک

های لامو قسمه لا ماهی نصیب***باقی اباءحلامی بس اتصورک

درجع وکاس  الفرح بیدک دجیب***والبعد یا ولفی بس عنه الترک

انته دکتور الگلب بس شی عجیب***گلی یا دکتورعنی اشغیرک

انه ما اصبر   ابدونک یا لبیب*** بس عجیبه ابدونی گلی اشصبرک

اسهام هجرک گامت ابگلبی تصیب*** خاف من الله تراهو ایعثرک

**********

الابوذية

تاره الدهر عذبنی اوترانته***دصدلی ابعینک وحتما ترانته

عذابی وانته سببته ترانته ***ابهجرک والبعد یصعب علیه

********

گتلک حته الف مره ترهواک***ونته ابزجر یا وسفه ترهواک

سقیم ولویمر بیه ترهواک***شفیت امن الالم وامن الاذیه

*********

حبیبی ترضی مشلوله حوالای***دونک ما ارید احدحوالای

آدم آنه  الک و انته حوالای***قرینک لا تضن یحصل بدیّه

*********

اشمهید الگلب دونک مایهدهد***انحدر کسیل  صبری  مایهدهد

نبی  اسلیمان   نادا  مایهدهد***و آنه النادیت شح وصلک علیّه

*********

عله الساعه التـواعدنه ميتلي***او عليک احزنت چن واحد ميتلي

نذرت الساني غيـر اسمک ميتلي***لحد ما ترجـــع اوتعطف عليه

*********

عَلَی لا تبچی او  برداک  تمساح***دموعک لن عرفت ادموع تمساح

عشرتی اویاک شمعه او نار تم ساح***العمر  و النار   بگلیبی   سریه

**********

بقیت ابحسرت   الیوفون   والهَم***جفونی او یا دلیلی  عوف  والهُم

چثیره الناس تعنی احباب والهُم***طمَع واصواب من ولحه اتهیّه

***********

الهده بگه او جزه راید یملکون***اترکه او لا تضن فادک یملکون (یوم الکون)

امش ویناس تدریهُم یملکون***ثقافه او مرجله او عزه او حمیّه

*********

یگلبی  انوب  لو  ونیت ونحیل***عَلَیَ اوساده الربع عافوک ونحیل

حسبت العزم  بیهُم  اشد   ونحل***احزامی او فرحت الشمات بیّه

*********

یدنیه اویای شو بلضیم مالچ***العزم بالله ابتعد وعلیچ  مالچ

مریدچ  لا  مریدن  کثر مالچ***تخلّین  الأخو  ینکر   خویّه

**********

وحید ابضیم خلّک منتخلّی***لتزعل  من  یگلّک  منتخلّی

انتخه الیدرک خویّه منتخلّی***لئیم او عاش بفکاره الردیّه

***********

زکات العلِم  یا  هل  ناس  نَشره***او من الحاوی علم بلنشر نشره

العلِم لو کان برض الصین نشره***ابجهدنه او ندرس الحد المنیه

***********

الکرامت  بنت  أسد ربک بطلهه***الکعبه او جابت الحرّه بطلهه

جاب الحگ علی وزهق بطلهه***ابعلم واخلاق من سیدالبریّه

**********

کمال الکون  یم  (طه) والأصاف***محمّد بل خُلق  کامل  والأصاف

الدرس فی مدرسة علمه والأصاف***خرج  دکتور   ویعلم  البریّه

***********

أگعدت مرعوب فزنی الطیف یفلان***ابعدوک او بس اصیحن حیل یفلان

الحس مبحوح  دمع  العین  یفلان***حِلِم بس لو حقیقه اشصار بیّه

***********

کتلنی الصابغ  الگذله   شرابی***واذا من شر ثمن وصله شرابی

ملومن قیس کل عمره شرا بی***حُب  لیلا  الجمیله  العامریّه

***********

الح   الشوفتک  وادری شفه الح***لجروحی یل طعم شفتک شفه الح

یگلی    فلهن اجروحک شفه الح***اتنازف هل بعدهی ابین ادیه

*********

احبه ابیوم  نقرء الالف والیاء***اوصرت اسئل علیه الراح والیا

انولینه بلمحبه اشلون والیا***تضکنه اوبل گلب کل ساع لیه

*********

الناس الضیم هم مثلی یمرهم***ولاکن ضیمی امچمل یمر هم

احطک   علجرح   مالک یمرهم***ابدال الشفه اتزید الالم بیه

*******************

الموال

یا صاح  درب  البطل  کلمن  مشه  بیهلک

گلّی انته بس لشوکت باقی تضل بیهلک

اسلک  دروب  الّذی  عزّت  نفس  بیهلک

او عاشر صدیج الوفی الیملک هویّه  وصل

التنخی  ابیوم  الوقی  ابأول  سریّه  وصل

ای وحگ ذاک الأله شمس الله ردّت وصل

صاحب صدیج الوفی التفخر یخی بیهلک

**********

الومضة

اب بحر حّبک صرت صیاد الأسماک..

او جبتلک صیده چی واجب علیّه

بس مو سمچه جایب دقق او شوف..

جبتلک  گلبی  یلبط  بین   ادیّه

**************

الهوسة

ینهاب اللی عنده اخوان او بیهم یرتفع شانه

یضل مهیوب  بلثایه  اکید  الجمع  خوانه

حلات الصگر من ایطیر زوده ابخفگ ینحانه

(وایثول الصیده ابخفگاته)

***

الما یعرف رسوم الصید مالاگ الصگربیده

ما یگدر یصگر الطیر و ایهده اعله کل صیده

الطشر زلمه هیچ ایصیر وحید او محد ایریده

(یتیفل حتی امنظلاله)

***

خاولیک نفل بلضیج بی لک ضره وسدفیه

ابنفاه وشده عد عیناک گال البیک هم بیه

اذا خاویت  هیچ ارجال  رابح   میه بلمیه

(بعیونک ضمه الخاویته)

***************

کل الحقوق محفوظة لموقع ادبنا

TPL_KH_LANG_MOBILE_TOP TPL_KH_LANG_MOBILE_SWITCH_DESKTOP

مجوز استفاده از قالب خبری ناب نیوز برای این دامنه داده نشده , براي اطلاعات بيشتر درباره مجوز استفاده از این قالب به سايت خليلان رسانه مراجعه کنيد .