موسوعة الادب العربي في خوزستان

TPL_KH_LANG_KH_MOBILE_DESKTOP TPL_KH_LANG_KH_MOBILE_REGISTER TPL_KH_LANG_KH_MOBILE_LOGIN

الشاعر عبدالله الزهروني

الشاعر عبدالله الزهروني

الشاعر عبدالله الزهروني (ابونجم الصابئي): شاعر من شعراء الشعر الشعبي في خوزستان، ولد عام ۱۳۴۴شمسي في قرية السيدة و هي من توابع مدينة البستين (بستان) و هو من ابناء الطائفة المندائية في ايران، عاش و ترعرع مع عائلته في جوار اخوتهم المسلمين بکل صفاء ملتزما بالقيم الانسانية التي تجمع الشعوب معا، و تعلم من بيئته الخلابة و طبيعة مسقط راسة الجميلة ما يجعله شاعرا کبير النفس يحب الخير و القيم الاخلاقية. دخل المدرسة في نفس القرية و هاجر الي الخفاجية و ثم الاهواز لاسباب معيشية ارغمته على ترک مسقط راسه. تأثر من بعض الشعراء الکبار و مال الى نظم الشعر في مبکر من عمره و هو في سن الخامس عشر و کان يکتب و لا يظهر کتاباته لظروف يخشى بها من عدم الاستقبال و لکنه شارک لاول مرة في اذاعة الاهواز بقصيدة مدح بها أمير المؤمنين علي بن ابي طالب سلام الله عليه و حازت بتمجيد و اعجاب الناس، شجعته على خروجه من الانزواء و مواکبته لعالم الادب في المنطقة و استمر تعاونه مع الاذاعة الى حدود سنتين و في کل المناسبات الدينية و الوطنية، و لا زال يشارک بکتاباته في مناسبات اهل البيت عليهم السلام، لحبه لهم. لانهم اصبحوا بنهجهم الطاهر ائمة لکل احرار العالم و شاعرنا يکتب لهم عارفا بحقهم و مسيرتهم و عقيدتهم بکل حب و ولاء. کتب الشعر على اکثر الاوزان و الالوان الشعرية منها القصيدة و الابوذية و الميمر و الدارمي... نتمنى لشاعرنا الصابئي التوفيق و حسن العاقبة و العلو للحصول على مدارج الادب العربي انشالله.

من شعره:

احنه ما عدنه فرق بالمسلمين و مکتب الاسلام کله انطيعه

بس اذا صار الحچی و بیهه یمین ما نچذب احنه نهوه الشیعه

لن گضینه اعمارنه و های السنین حدر رایت علی و تشریعه

اشلون ننکر یا خلگ هاذ الحنین و عشک معشرنه ابسهوله انبیعه

و ايضا

ليش تظايگ اذأ اندب علي، وتدري الاهي الکون نصب هل مدير

أرد أصرح في بيانأ مايلي، وعلن بصوتي بأمر کلش مثير

شفته بعماقي نزل عشگ الولي، وحب علي بگلبي أبد ماله نظير

آني مندايي نعم صح وبلي، بس ابد مايوم دست علل ضمير

اکتب الواقع وحگ شيمت هلي، وقلمي يذبح من وصل يوم الغدير

و له ايضا:

يا منهج الخوه ورايت الاخلاص يلمنک تعلم کلمن ايخاوي

لليبني الصداقة بمنهجک دگ ساس و کلمن مشه بدربک صار غیراوی

تضل اهل الخویه المنهجک حراس و بسم عباس درب الخوه ظل راوی

کلیت محبه و بیک تقرأ الناس درس لهل الوفه و تاریخ ظل ضاوی

و له ايضا:

ماغرني القلم وتفخفخت فديوم ودعوني اهل المنصه وگلت موشاعر

لچن گلبي بهواهم چل حمام ايحوم وحب اهل الشعرموهيچ حب کافر

و قال ایضا:

تظل شمعت مجد ثوار یحسین ما ذل و هبط نورک

و یظل اسمک فخر ینزار مو بس شیعتک تتعنه و تزورک

***********

و قال في الابوذية

وحگ الئ انکتل عطشان ولمأ***يمه و ما شرب بل صاح ويل مأ

اشرب لحدمتصير ولمأ***ويخوي اثنينه ونشرب سويه

***********

نوه الضعن صوب الشام و سره***و سبی راحن بنات احسین و سرا

دوه چانون حدر الضلع و سره***ابیوم انولت بنت الهاشمیه

***********

وحگ الي انکتل عطشان ودماي***اريد افرک بياب العين ودماي

لئن وي بوگت الحرمان ودماي***گعد صار ولي دلوهم عليه!

***********

اکع نفسی عله الباطل و لاصیل***و صاحب وین المعدل ولاصیل

اعامل ربعی بمروه و لاصول*** اراعیهن بحق ذات الخویه

***********

یخل من صارت الشده و لازمه***الاخو چتال ظل یرمی ولزمه

علی و شما اکظ ایده ولزمه***یفرق ایده و یجدر بس علیه

***********

مِن مثلي إلدمع نهــران کتله***علیل او بید ولفــــه یصیر کتله

صـایر لي إلقهر والظیم کتله***او حزبي إلیاس و إلهم و إلأذیه

***********

شَخَس من حالی هاذه إیصیر شَرده***شکاون مــا یــرد الحیل شرده

عجب ســواها إخوی إویای شرده***گبـل لا صیـح خویه إلحگ علیه

***********

ونینی إردود للـدلال ونجاب***وخــلفلی سبـــع لوعات ونجاب

لون مثلک نشامه إلربع ونجاب***أبـــد ماگــول ضــکتنی إلـــدنیه

***********

إلعسر علگ علیه إتراب وذره***و لا صاحب یصیر إفیای وذره

طاحت من لساني اویاک وذره***أحشم مــا تمــد ایدک علیه

***********

فِرِت من مَــر علی ذچــرک ولایت***او دمعتي إلخــــاطرک هَلَت ولایت

صِرت کلشي او گلت کلشي ولایت***شسوي إنوب حته إتمر علیه

***********

شـلـــي حکمه بعد یهلي شلیفن***طریح او شایل إمنل هم شلیفن

بعـد شسحب حبل ودهم شلیفن***نسونی الچانو اینشدون بیه

***********

ردت لا یلهــج إلسانـــي لایتلي***بإسمک یل ولا مــــره لیت لي

إذا ما یوم حَــن گلبک لایت لي***بیدک شگگ إسنود إلخویه

***********

بچیت إمنل ربــــع یهلي لحدما***عمت عینــي لچن سري لحدما

أمـــــــوتن مـــــا أبیعنه لحدما***أعلمه إمنل خویه إشصار بیه

***********

وحگ إلـي إنکتل عطشان علما***أحـن مثل إلطفل من یِحِن علما

صعب رسم إلصداقه او کلف علما***یفهمه إلبل شِدَد ما عاف أخیه

***********

طِعنه إشما أمر شخصک وجبنه***إلخـوه إترید ما نخلف وجبنه

إلک ذوق إلمــــلـح حَـتَـم وجبنه***إلملح من یآمر أسحفله علدیه

***********

إلشلت هـمهـم یگلبي ماشلولي***إبوکاحه او جـرح حبهم ماشلولي

عله عیني إبصوت عالي ماشه لولي***نامي إلربع عافوهه إلخویه

***********

الي سلوه الدمع بجفاک لاهل***مسحته ولاگلت لصحاب لاهل

لامن ترجع وأرتاح لأهل***گلب يسلاک ونسه المر عليه

***********

هاي امنين هل بلوه ليت لي***ابچي وعيني يا صاحب ليت لي

عساني اخرس عسه الساني ليت لي***بناس العافو ارسوم الخويه!

***********

اهم ناسين وآنه ألهم حي اتلي***بسهرو عيوني من حبهم حيت لي

اذأ ابقه عمرعندي حيات لي***بعيد اگضئ منل بيهم اذيه

***********

عليل ونشفت ارياگي من الماي***وحرت الياصديق اشکي من الماي

ابربعي من يصح واحد من الماي***مثل شخصک شهم کافي عليه

***********

چنت بدموعي اسلي الروح ونسل***خليل الچان يمي وچان ونسل

الحياتي ومن جفاني اندمر ونسل***جسمي وسال دمعي بين اديه

***********

گظيت الوکت کله اسحين بسحين***وصيح بصوت يامحبوب بس حن

خلص حيلي وحگ عيناک بس حين***شفتک رد ثلث حيلي عليه

***********

تخورس ريته الساني ميت لي

وعساني احساس البگلبي ميت لي

علناس الئ بعيد الله ميت لي

اريدنهم وحبنهم شيت لي

بعد من کل علاقتهم شيآتلي

شيلهلچ بيهم الساني شيتلي

اهم ناسينهه ارسوم الخويه!

***********

کل الحقوق محفوظة لموقع ادبنا

TPL_KH_LANG_MOBILE_TOP TPL_KH_LANG_MOBILE_SWITCH_DESKTOP

مجوز استفاده از قالب خبری ناب نیوز برای این دامنه داده نشده , براي اطلاعات بيشتر درباره مجوز استفاده از این قالب به سايت خليلان رسانه مراجعه کنيد .