موسوعة الادب العربي في خوزستان

TPL_KH_LANG_KH_MOBILE_DESKTOP TPL_KH_LANG_KH_MOBILE_REGISTER TPL_KH_LANG_KH_MOBILE_LOGIN

الشاعر المرحوم حبیب العموري

الشاعر المرحوم حبیب العموري

الشاعر المرحوم حبیب الحاج حمید العموري: شاعر شعبي من شعراء خوزستان ولد عام ۱۹۵۴ میلادي في قریة کوت سید صالح و هي من توابع مدینه الاهواز. کبر في احضان والديه في بيئة ريفية و الطبیعة و اکتسب من مناظرها الخلابة ما يصيقل حسه الادبي و عاش في بيئة فيها الخیل و الاشجار و بساتین الکرم، و بیادر الخیر المتواجدة في الموسم و الذی کانت آنذاک محیطة بالقریة و تردد في مضایف القهوة و التي کان يشتاق الاشراف و الاعیان بالحضور فيها لتناول القهوة و لذلک کانت تدور حلقة الشعر و الادب في تلک المضايف و کان الشاعر یتابع هذا الحدث عن کثب مع عمه المرحوم الحاج یابر العموري منذ طفولته و عندما یحل شهر محرم الحرام کان الشاعر برفقة ابیه او عمه يحضر المجالس الحسینیة و کان السید هاشم الفاخر یعلو المنبر و کان شاعرنا یکنز و یستنیر من ثمرات المنبر الحسیني و حضر منبر الخطباء کسید هاشم الجابري و السید باقر و الحاج صالح السید مهدي و نهل من معين علوم اهل البيت عليهم السلام من خلال حضوره في المجالس و تأثر منها و استعمل ما تعلمه منها في شعره و مدح و رثاء اهل البيت عليهم السلام في نظمه. تطرق الى الکثير من الاوزان الشعر الشعبي کالابوذية و الموال و القصيدة و غيرها من الاوزان و اکثر من کتابة لون الموال حتى اشتهر عند بعض الشعراء بشاعر الموال و تتطرق الى شتى الاغراض منها المدح و الرثاء و الغزل و الوجدانيات و الحکم. له ديوان مطبوع تحت عنوان: ديوان العموري اعده علي سعدون المنصوري.

 

 

من شعره:

خلینی

خلینی اشن تسمت هوه  وشبع من اعضیبل الیمر

خلینی بسواج النخل بلمای اگیل للعصر

شوفتک بلسم یانخل یل هاضن اعثوگ الحمر

یمضیف اهلنه اودلته وهوساتهه گبل الفیر

موگمت احن العیشت الصوباط مارید القصر

مارید تذبحلی یمل چف لبن لوحفنت تمر

شربنی فنجان اگهوه ودفینی بوجاق الجمر

موخلصت اسنینی ومشت یاحیل باقی اویاعمر

 *************

عن یاحگ

عن یاحگ اتسولف گلی وتعیرنی ابیامیزان

لامیزانک صح اقیاسه ولاتعرف للحگ عنوان

انته اتسن سچین الیذبح ماینطقلک یوم السان

اتعینل یذبحنی اوتسکت مبردصایرلوعوان

ماتفهمنی اولافهمنک تتحاور شنهی الطرشان

مهجوره من اسنین الدیره مگفوله ابطوگ البیبان

شدل گومل رایح یفتح ماضلت بلحی عربان

اسئل من نهران الیبست ماحمل لیش الرمان

یمکن تلگه اجواب ایفیدک وتحصل عودالریحان

***********

دمــک دم رســول الله او عزم المــصـطــفی عـــزمـــک

عــلـی صدر الــنبـی اتربـیت و ابـحضــن الوحـی ضــمک

نوبه ایــبوســک ابنحرک و نوبه ابــثــغرک ایــشــمــک

تــربیت ابــحــجر طــه احسین اختــارلـــک اســمـــــک

من مــثــلـک عـــلــی الـکـرار ابــوک و فاطــمـــه امک

و اخوک المجـتبــی او جعــفــر فلــا عـم یشبه الـــعـمک

انچــان الکــفــر ذبــحــتّک و ســلبـو بــلــغدر هـِــدمـک

یــلــوذ الــخایــف ابگبرک یــبو الشـــیمه ویــجــی یمک

دمَّک زلزل الدنــیــه و لاگاع استـقـّرت من طفــح دمّـک

*************

خليني اشم نسمه هوه واشبع من اغذيبي اليمر

خليني   بسواجي  النخل  بلماي اگيل   للعصر

شوفتک  بلسم  يانخل يلحاضن اعثوگ الحُمر

يمضيف اهلنه ودلته و هوساتها  گبل  الفجر

مو گمت احن العيشت الصوباط ما اريد القصر

ماريد  تذبحلي   يمل چف  لبن لو حفنت تمر

شربني  فنجان  اگهوه  ودفني  بوياق    الجمر

مو خلصت اسنيني ومشت لاحيل باقي ولا عمر

************

اريد احچي و اگول الناس للناس

هذا  المثل  بين  الناس  مطروح

ليش الگال چلمت صدگ ينداس

ولچذاب   کل   الدرب  مسموح

عگب ما شفت صار الفاس بلراس

وخليت الدمه من  هامتي  ايفوح

تحول   وانه   ميت تطلع   الفاس

واتشد  طبرتي  و  اتضمد  اجروح

بلشر  هيچ گلي الطيب  ينداس

تخليني اعله چفت الگبر واتروح

تدري اعله اليخون العهد عباس

لا  توصل  الگبري  بعد  واتنوح

چذب حچيک عرفته وريت نس ناس

يصيبک  بلضلوع  و  تفگد   الروح

***************

الموال

یاروحی عشنه ابغرب یاروح منحنه

عشنه الیالی ایحزن وبجورمنحنه

شفنه العدوابفرح وچفوف منحنه

ریل الضحه فاتنی جیت المحطه ظهر

کف القطارومشه وتعبی اعله وجهی ظهر

چلل جدم ولظهرماعادینعدظهر

ولظهرصابه الوکت من طعت منحنه

 **************

عینی ابکثرماجره من هل دمع وشلت

ومنل بچی مولحت لجلل مشت وشلت

وینلی تخیطل جرح ونایمه وشلت

لاجرح ینشل بعدلامن دوه عطار

گمت تضملی الجرح ربعی ابملح عطار

مابعدعلگ امل یهلل عگل عطار

من مال حملی هلی علی جفت وشلت

موال

دنیای یاصاحبی من الگلب طارت

حیث الاودهم ذچر منی فلا طارت

اطوی الفیافی لهم ماعادالی طارت

طروای شنهو السب عند الربع مطره

والگاع ما تبتشر  لو ما یصح مطره

البیت یوما حصل صار اباسم مطره

چنها نسب بلعجل ماریضت طارت

سیــــــر ابیمین الدرب ایاک تمشی یسر

یسّـــر طریقک وامش لو ما  تواجد یسر

واعلــــــــم الــــه البشر یوماً لگلبک یسر

لـــوجـــــار الک زین اکرم منزلت جارک

جیــــــره ولو ما حضر والبشدتک جارک

انچان دهــــرک غضب یوم ابزعل جارک

رب العلـــــــه ایبشرک من بعد عسر یسر

***********

صاحب صحیب الوفی صاحب شهامه وهم

واترک خوی الردی الغاطیک بلشر وهــم

لـــــو طاح حملـــک بعد عنک ابیده وهم

زین الـــــزلم ینعرف عند الحمل لــوشال

وایــروف فتگ الکلف واتشاهده لوشــال

ما یهم لبس الرجل خز بــــــدلته لو شال

اختار خلک عــــدل لا اتعیش عمرک وهم

**********

دم دفگ دمع الجفن من جور وکتي وکت

کسر ضلوعي الدهر من رفع جسمي وکت

ما  تختصر  قصتي  صدج  بکيتن    وکت

يا صاح روحي اخلصت بس گمت الوعن وهم

همي   تکاثر  علي    وانزال  عگلي    وهم

هام   ابسبب  خيبتي من   طلع   حلمي  وهم

ما   بعد  اميز  نهار  و   ليل   منهل    وکت

**************

يا حادي العيس ريض بلضعن ونه بي

يا صوب ماخذ هلي وهاذ الزمل ونه بي

روحي دريچه وتون حتي الگلب ونه بي

للبي حميه  و مشه ابدرب  المفاخر  وجد

محمود طبع الشخص لوجد علي الحگ وجد

والمجد  ماهو  ورث ينکسب من  اب  و جد

واشچم يتيم البنه مجده  البفخر  وانه بي

*************

حلمان لو من صدگ چفک علیه شلت

باریت کثره او حمل یا ما لغیری شلت

یلما تعرف الوفه  ابعید    عنک شلت

بدیار  البعاد  ما  ارجع   لدارک   وصل

حربک علیه جعل جسمی  توذر وصل

ما رید عشرت غبر لو صام  دهره وصل

یدری ابیمینی النکر لفتوگ هدمه شلت

************

نادیت یهل الضعن ما شخص بی ینته

مظلم خلفکم علی یکرام بـــــــی ینته

ابعید من اهلنه الوکت یا صاح بی ینته

ابغربه وادوَر ربع ما حصلت ربــــعی

یا حسرت البل گلب روضچ کبر ربعی

حتی البدیه انوخذ من السهم   ربعی

الدنیه کلتنه لحم واعضام بی ینته

**************

یا صاح وینه القبل حفنه یبدل بصم

ذنب القتل صاحبه ما ینغفرله بصم

معذور من العتب من کان ابکم بصم

عتبی علی اهل العقل صارت تداعی بطل

 والباطل  ابهل    وکت  کثره   تعده   بطل

الحارب الحق خسر معروف سحره   بطل

مومن  حچایه الصدگ خله اعله چتلی بصم

*************

ما بعد ارسم و خط وبنی و جهز لبن

لوکان ما ینتخی لاخی ویعین و لبن

ما تنطبخ گهوتی لا دله ضلت لبن

من حیث بیتی انسرق و المطَلع باگه

والیزمط ابهل وکت کاره احتسب باگه

باگه و اذا تنسرق منها اشبعد باگه

عرفیت من باگنی الویای شارب لبن

*************

شيصير لوعزمت يوم  وعليه تمر

لو طال الغياب ماتدري  الحلاوه تمر

طايعلک  اسنين راضي اشماعليه تمر

حافظ علي الطيب والزينه تمر لاملک

ثوب الوفه ايفيد لاجن يشفع ولاملک

ردت الصله اوياک ما ردت الطمع لاملک

لا عدل حنطه ردت منک ولامن تمر

***************

عجدات گلبی اکثرت مو فرد وحده وحل

ما یوم من الدهر ریجی هنالی وحـــــل

اصحاب کثره شفت تمشی ابخیانه وحل

لن ما فزعلی شخص منهم ابشده وا مر

ما شفت غیر الصبر لاچنه حنضل وا مر

لملم اجیوشه الوکت حکم ابچتلی وامر

لحت ابذلولی واوسره جانبی ابطینه وحل

***************

روحي رواها الالم ما عاد ارد واسله

مرمي وادور دوا لا صاح الي واسله

رمحي طواه الدهر لا صارمي واسله

مکسور گوسي اوعلي اسهام اهلي مطر

ما ادري ماله رگد معلول صگري مطر

کل الاودهم درولي علي واحد مطر

ما عود للي حرگ روحي وود واسله

************

روحــــی ترد من تمر یلی مسچ راحتک

حطیتلـــــــی بل گلب تطحن قهر راحتک

عن راحتی ما تسل  وانه ابفکر راحتک

لاوین اضل منجلی ابهمی وگولن یمــــــر

ما یوم ریجی حله ابحنضل عشرتک یمــر

شفتک حطب کثرت واتزید ناری  یمــــــر

من دم چبدتی تخضب یا ترف راحتـــک

(حبیب حمیدالعموری)

انــــچان الک رای راجح بلعجـــل ودلــــی

ودیــــت کثره وفلامنهم شــــفت ودلــــــی

الــــیا وکت اوگف علی بیر النشف ودلــی

لــــوبیــــه امل مای اهلـــه ماجفت منــــه

وارفــــض کــــلام الاحس بی من هلی منه

الچنت اظـــنه ضمد صــــــم ما صفه منه

لو اخـــــذ وادی اومشــــه انه اتخـــذ ودلی

*********

حیــــاکم ابکل مسه یهل الوفه یهــــلی

بیـــکم انشف الدمع لورادلی یهـــــلی

یــــــلی جمعکم فخر وبجاهکم یهـــلی

بوجـــــودکم یخوتی لی کل شدائد نحل

حــــل التعب بل گلب والجسم منی نحل

مــــن راد اچل العسل یحمل اذیت نحل

یدری الیضیفه محب گام و اونده یهلی

***********

شـحرز شجمع شلم شـملی تبدد وشـت

عگـلی وافلامیــّـزت صیف الدنیـه وشـت

اهلی و زمانی علی صارو ولعـظم وشت

من حیث حیلی رگد ما تستجد گامتی

چـلیـت ببیـارهـم یا ما دلـت گامتــــی

هـسه نحیـل اصبحت صعبه علّی گامتی

قصّتـی تشبه لبـو سـرحان صدج وشـت

******************

الابوذية

تصعب عجدتی فلها و حلـه***الدنیه اجرعت مر منهه وحله

نصیبی ناگتی ابطینه وحلـه***مطلعها کلف یا خلگ لیــه

**********

مو کل فتگ رافخ الخیـــــط وابره***اومظن جرح السان ایطیـــب وبره

ابـــحره الکون ضایگ علی وابره***واباری البلوصل شــــــحو علیـــه

***********

وکتک نوب بارد نوب بیحـر***الحر بیه انملک و العبد بیحر

الهزبر هارب امن الزور بیحر***خایف من ثعالب هل دنیه

************

عوف الما حوه الطیبات طبگه***ولعد ظهره یریت الدهر طبگه

یشوف الماینوش ایگول طبگه***وحبلی ابکبره ما شد کاره لیه

************

خلها الروح تفنه ابشوگ خلها***عليه اشما تگول الناس خلها

انه اختليت روحي ابيوم خلها***خليلي من جفه  وابعد عليه

*************

زعلان ما طب حيکم براني***والشرع بلحگ يلربع براني

يا حيف تاليهه اصبحت براني***والچان بره اليوم صاحب معشر

*************

اخذ روحی ابمراره الدهر شلهه***علیش اتلوم بیه الناس شلهه

مــا یدرون بلمی ابحر شلهه***نـصیبی اوبانت الیزره الخفیه

*************

لاتخزن ابگلبک جور فضه***ولی فضفض علی ماضاگ فضه

اذاحچیک تعده الناس فضه***اکسب بلسکوت القاطمیه

****** ***

الفکرملوتعب ونهارماگد***ولوکت خلانی جمره ابوسط ماگد

الفرح ثوبه گصیروبدماگد***علیه خلصت عمری اباذیه

 ************

دلیلی ماسکن بجفاک خیلای ***وعله شانک سرجت ابلیل خیلای

ماریدک صدیج اعتقدخیلای ***اریدک یاشهم  بلموزمیه

 ************

الگلب بجفاک طایر شلمنه*** حرت شجمع شرهم شلمنه

مال    الوکت  کله   شلمنه ***لون راحت گلب ماتصح لیه

 **************

یه حادی الضعن ریضلی تراهه***سقیمه اوحالتی ابعینک تراهه

ضعنک من جفه روحی تراهه***ترادت ولحزن خیم علیه

 ************

موکل فتگ رافه الخیط وابره***اومظن جرح السان ایطیب وابره

ابحره الکون ضایگ علی وابره ***وباری البلوصل شحوعلیه

 ***********

الدنیه ابسهم منی الگلب طارت***ابدوه اولا علیه الربع طارت

امطیره ابیوم نالت بیت طارت ***فرد طیره اوتعلت للثریه

 ************

تلوج الروح عارف لوعه بیها***جربتی المی تخره اوعه بیها

مهرتی المرض هدها لوعه بیها***حوافر انبرت واضلعت بیه

***********

الميمر

لوجوه صوبک یا علی ولینه***منشوف غیرک یاالحل ولینه

ابدخلک یحیدر هلوکت ولینه***وانته الامل لینه یثقل الاکبر

***********

کل الحقوق محفوظة لموقع ادبنا

TPL_KH_LANG_MOBILE_TOP TPL_KH_LANG_MOBILE_SWITCH_DESKTOP

مجوز استفاده از قالب خبری ناب نیوز برای این دامنه داده نشده , براي اطلاعات بيشتر درباره مجوز استفاده از این قالب به سايت خليلان رسانه مراجعه کنيد .