موسوعة الادب العربي في خوزستان

TPL_KH_LANG_KH_MOBILE_DESKTOP TPL_KH_LANG_KH_MOBILE_REGISTER TPL_KH_LANG_KH_MOBILE_LOGIN

الشاعر مجاهد عمراني

الشاعر مجاهد عمراني

الشاعر مجاهد بن عبود العمراني: شاعر من شعراء الشعر الشعبي في خوزستان ولد عام ۱۳۵۸ شمسي الموافق ۱۹۷۹ ميلادي في قرية العنافجة بيت يارالله و التي تقع في غرب نهر کارون و تربى في بيت يکنتفه الدين و الولاء لاهل البيت عليهم السلام، و کان والده فلاحا، فاکستب الشاعر من جمال الطبيعة و صفا اهله روحا شاعرة تميل الى جمال الکلام و روائع التراکيب، و حرّک شاعريته خال امه الکريم، و هو الشاعر علي العبود الکعبي فکان له دورا هاما في بداية انطلاق شاعريته و الميل الى کتابة الشعر، فبداء بنظم بعض المقطوعات و الفکاهيات و بعد ذلک کتب في الوان الشعر المختلفة منها: المربع، النصاري، المفتوحة، الابوذیة، التجلیبة، الهوسة و الهات. صيقلت موهبته الشعرية تواجده في حلقات ادبية تقام في مدينة ملاثاني و شيبان، يحضرها نخبة من شعراء تلک المدينة المجيدين. في شعره المنغم صور شعرية تدل على براعته في استعمال المفردات الاصيله و بلوغه في تبين خياله الشعري. شارک في کثير من المهرجانات الشعبیة التي تقام في المدن و الارياف بمناسبات دینیة.

من شعره:

یـــــــــوم عـــــــاشر او گلب زینب چــــــان حایر

اوچان عبداله الرضیع ابمهده و املاگی العساچر

فز یشوف ایطوف گلبه اعلا الخیم بچفوف عمه

و بصوت گام اینادی زینب عمه حلی اگماطی عمه

عمه ابوی احسین وحده و کل جبل حمرین همه

عمه دمی ایسیل اریدن گبل لابوی الحسین ایسیل دمه

بچت زینب تهل دمعه جرحت خد الرمل

اوجهزت مهر الصبر اوزفته ایلاگی البطل

اوچان خیال الرضیع الگطع ارگاب السیوف

خاف حتی الخوف منه عل ارض مدالچفوف

اوشدد اعیونا ابحصرتا حتی یعمه و لا یشوف

او کل کل الطف ابمنیا اختنگ بحضان الحتوف

او لبست احرام الملائک علاعبداله الطفل نزلت تطوف

او لزمته اچفوف الحسین اوگطع اورید السهام

او لولت امه ابعبره تبچی یل ولد عبداله نام

یل ولد عبداله نام

***************

 

مــــا چـــــلن لـــــون الــــــوکت دار اویای

وافــــتــــــــــر ابـــــعـکـس دولاب منیاتی

صرت خنجر امـعــکرف من طوانی الظیم

من صـــــوبین اگــــــص ارگـاب شماتی

صرت مثـــــل السما و اتــلثمت بــل غیم

و صبـــن نــــــار فــوگ الـگاع دمعاتی

حتی الحـــزن لو یشتل ابـــجدمی ال آه

لا یـــــطلع حــقد من اثــــر خـــطواتی

صرت مثــــل الحــــدید الیضربا الحداد

اطبــــع للــمـــــدگه او تجــــز لچماتی

بـــــس امننهض اصبـــح صارم و بتار

اگـــطع ازنـــــود وکتی واشفی ویعاتی

فرّت الفـــرسان من هد الکفیل من وصل للحـــومه ابـــن حــامی الحمه

صــــاح اخلی الـــگاع لعیــــون الحسین اوداعة الـــــکرار تشرگ بلدمه

العلمــــانی اعلی الحرب حامی الدخیـــل و آنه اعیـّــد لــو تصیر الموزمه

الیوم اخلی الجثث کلهه ابلایه روس الیوم امطرالگاع روس اعلی السمه

نــــزل عـــــزرائیل مــن عـالی السماء سیـــف لل عبـــّـاس سله او قدمه

لون ملک المــــوت سل سیفه او نطاه منهو یشگف گلی طبـرت صارمه

صف بــــعد صف ثـــلّم اجیــــوش الخصیم و ظلت اعداد ابکتر متلملمه

هزبــــر و هــــد هـــدم اقصــــور الطغات مثــــل حیــدر یوم خیبر هدمه

او وصل یـــم النهر گیـّــد یـــوز ادیه و یبّس اشفاف الفـــــرات او کلمه

گلّه اسمــــع زین یا نــــهر الفـــرات الیـــوم اریدک تروی بضعة فاطمه

لون ما تقبل تروی اخت الحسین اوداعت اخـت احسین اذبحک بلضمه

من کلمات الشاعرالمبدع مجاهد العمرانی

 

مــــدری الـــوکت یفتـــر ابعکس ویای

مدری انا او یا وکتی ابعکس گمت افتر

امد ایدی اعلا جرحی و ارد اخیط بیـه

احســــــن دای جــرحی ایخیط المیبر

مجاهد العمرانی

مربیه الشعــــــر طیــــــف ابخلگ سکران

صب کاس القـــــــــوافی وگلی منه اشرب

او قدملی القلم بــــــــــسم العقیله ایصیح

اوگلی اوصف الحـره او دمعـه راساً صب

اشلون اگــــدر اوصفچ یبـت داحی الباب

قلمی اینـــــــوح و اعلیچ الورگ ینحب

کتبت ام الخــــــــــــدر تل القصید انهار

وشوف النـــــــــــار بخیم الشعر تلهب

عطشانه اکتبت شفت الحسیـــن اختاظ

مسلوبه اکتبت شفت الگمر ضهضهب

فزیت ابـــــرعب شفت القوافی احذای

وحده احسیـــن تصرخ وحده یا زینب

کلمات الشاعر مجاهد العمرانی

لَما تبــــــــــــــکینَ یا دُرتُ حیــــــــــــدره

وانتِ بنتُ مــــــــــــن زلزل ارکان خیبره

وما یاذی الحسیــــــــــــــــنِ الا مدامعکِ

فسیبقی بعد السیف لسانک سیف الناطقِ

 

گلب طفل الحسیـــــــــــن امنل عطش بی نار

حظنتـــــــه العقیـــــــــــله وخــــــفتت جمره

ماونت ابــــــــــصوت او نـــــــدبت العباس

ونت بل دلیـــــــــل و کتمت العبـــــــــــــره

حتی اتشوف کاروک الرضیــــــــــع اینوح

بل حسبه التــــــــهده وحسبــــــــه التجره

انفطر صبر السما من عطش طفل احسین

زینب لایمتــــــــه و خــــــــــیطت صبره

وسجـــــــــدت لل اله و تشکی من الدای

وسمعت صــــــــوت یابت فاطمه الزهره

لمن تبـــچین زینب یبت داحــــــــی الباب

حیــــــــــــــدر والــــدچ هد خیبر ابکبره

ابـــــاب الخیـــــمه وگفت شافت العباس

کل الـــــــــــکون بیــــــده ابیمنته ایفره

ویلم الجـــــیش بلیسره لـــــون ایصول

من ایخزره ابخزرته ابکل نوا ایطشره

وصـــــاح ارود زینب خویه لا تبچین

ترا احسیــــن ابونینچ ینکسر ظهره

اگص راس النـــهر من اول الینبوع

والم اجروفه کلهه واسحگ ابصدره

عطشانه یه زینب هس اجیب اویای

نـــــــــهر العلگمی وما خلی بی گطره

****************

الوحه طيف

مربيا الشعرطيف ابخلک سکران

صب کاس القوافي اوکلي منااشرب

اوقدملي القلم بسم العقيله ايصيح

اوکلي اوصف الحرا اودمعا رأسآ صب

اشلون اکدر اوصفج يبت داحي الباب

قلمي اينوح و اعليج الورک ينحب

کتبت ام الخدر تل القيصد انهار

وشوف النار بخيم الشعرتلهب

عطشانا اکتبت شفت الحسين اختاظ

مسلوبا اکتبت شفت الکمرضهضب

فزيت ابرعب شفت القوافي احضاي

وحدا احسين تصرخ وحدا يازينب

 

الابوذية

رجع ولفی الترکنی او علی شربک***اچفوفه وگتله کفنی ارجوک  شربک

خنتنی و چان دمـع العین شربک***امن شربک دمی هم اتخون بیه

**********

اریــد اغسـل هدم خوته و شرا***و اریـد امکاففت خیرا و شرا

الخصم مالوما لن سیفه و شرا***اخوی اشماله سل سیفه علیه

**********

ابقیابک من رحت یا ریم هل بت***حزن و من الدلیل انگطع هل بت

افراگک مو سهم سهمین هل بت***ثلث تالاف سهـــــــم الطعن بیه

**********

رجع ولفی الترکنی او علی شربک***اچفوفه وگتله کفنی ارجوک  شربک

خنتنی و چان دمـــــــع العین شربک***امن شربک دمـــــی هم اتخون بیه

*************

اشکر الشاب المهذب الشاعر رحيم المنهل الحميداوي صاحب مدونة ديوان ملاثاني على ارسال ترجمة حياة الشاعر مجاهد عمران ارجو له الخير کله.

********************

کل الحقوق محفوظة لموقع ادبنا

TPL_KH_LANG_MOBILE_TOP TPL_KH_LANG_MOBILE_SWITCH_DESKTOP

مجوز استفاده از قالب خبری ناب نیوز برای این دامنه داده نشده , براي اطلاعات بيشتر درباره مجوز استفاده از این قالب به سايت خليلان رسانه مراجعه کنيد .