موسوعة الادب العربي في خوزستان

TPL_KH_LANG_KH_MOBILE_DESKTOP TPL_KH_LANG_KH_MOBILE_REGISTER TPL_KH_LANG_KH_MOBILE_LOGIN

الشاعر حاج جبار سعدوني الطرفي

الشاعر حاج جبار سعدوني الطرفي

الشاعر حاج جبار العباس سعدوني الطرفي: شاعر من شعراء خوزستان، ولد عام ۱۳۲۲ هـ.ش في احدى قرى البستين، و هي قرية الفنيخي، في اسرة کريمة، معروفة بالدين و الشرف، و تربي في احضان والديه الکرام و ترعرع على الطيب و القيم المجيدة و حب آل الرسول الکرام، عليهم الف التحية و السلام . کان والده شاعرا فتعلم الشعر منه. کتب الشعر في مبکر من عمره، يقول المترجم له في مقدمة ديوانه: تعلمت الشعر في احضان والدي المرحوم الذي دفعني و شجعني على نظمه کثيرا و قد کتبت الشعر و انا في الثانية عشر من العمر و برزت في الاحتفالات بالقاء ما تجود به قريحتي و انا في الثامنة عشرة. فقدم الشعر راجيا الثواب و التقرب الى الله تعالي باخلاص و تقرب. له شعر کثير، و نشر منه القليل و هو باکورة اعماله في ديوان تحت عنوان" ديوان نيسم البوادي" يحتوي على اغراض و اوزان في الشعر الشعبي منه: القصيدة و الابوذية و الموال و غير من الاوزان الشعر الشعبي، و کان السهم الوافر في ديوانه مدح و رثاء اهل البيت عليهم السلام و کذلک مدح والده و اخوته و من له جميل عليه وهم الذين ساهموا في اعداد ديوانه. قدم نجله شهيدا في سبيل الدفاع الوطن خلال الحرب المفروضة بين ايران و العراق.

من شعره:

قال في الغدير :

عاشج و الیحب معذور لو هام ابهوی المحبوب

خلهه التلوم بیه الناس من درب العشگ ما توب

خلهه التلوم بیه الناس عاشج و الهوی چتال

جسمی من المحبه انحیل و الجب ذوب الدلال

ما انسه ابد ذکراه اضل طول العمر هالحال

و المغرم علیه واجب ابجب اللی یجبه ایذوب

حب اشلون لو بروح ترحض للحبیب الروح

و ایضل ابالم و احزان دایم بس جسم مطروح

و انا اشلون محبوبین عندی اسماهم باللوح

مکتوبین و گلبی حبهم ثابت و مکتوب

ابوالرهزه و اخوه حیدر و اولاده حسن و احسین

الکوثر البدر التام ام العشره الطیبین

بالذر اصبحت مفتون بیهم الحد هذا الحین

و الاخر حیاتی الهذا حبهم و الگلب معطوب

************

و له في رثاء الفقيد الشيخ مهدي الطرفي:

يا ونتي الونيتها من شفت داره

تصرخ ابصوت الحزن تحزن السامع

خليت فوک الوجن دمعی ایتجاره

للشیخ مهدی الچان للناس نافع

شیخ و عزیز او دوم مهیوب جاره

من حیث واعی او زین بالعلم بارع

لفراگه الدلال تلتهب ناره

علم او علّم للدین بالکف رافع

************

الابوذیة

ربیت المخدره و للجار مطرن***او علی اغیوم دهری ابحزن مطرن

مصایبنه الجرن بالشام مطرن***علی غیری و تضل حره و ابیه

*********

عزیزت حیدر و عباس و حسین***عگبهم التزم بالظعن و حسین

احس بالصار و اللی ایصیر و احسن***النصر للحسین مو لبن الدعیه

**********

لیش اتغیب عنی الیوم یسرای***و عگب عینک خوله اویای یسرای

ای من الهضیمه و ای یسرای***حرم و اطفال کلهه اتلوذ بیه

*********

البچه عگبک یبو فاضل یسرنه*** و اخاف اعلیک ما اوصاف یسرنه

شگل الوالده طایح یسرنه***اعلی شاطی العلگمی یکلف علیه

**********

اللچ افز ع لون اغتث بیهلی***مشیتی وظل دمع عینی بیهلی

یمی الزاچیه اسمچ بیا هلی*** السبب ما شوف غیرچ یهم بیه

**********

تسیل ادموع من عینی علامای*** و اموجن اشبه الراکب علامای

احبابی اتلو منی من ابچی علامای***حنینه و زاچیه و شفجه و ابیه

**********

ارید انحر یخوتی الیوم بیدای*** و اصیحن حیل الگلب بیه بیدای

شباب و وسدیته الترب بیدای***عفانی اشلون ضلت روح بیه

**********

و قال في الموال:

حیدر الدین النبی ذاک الوکت منخله

ایعزل ابفکره و یذب الردی منخله

ابمحرابه سهم الغدر خل المجد منخله

ما مات شخصک علی مات الفرح و جنه

و ابنار کلها فتن یا سیدی وجنه

ابفگدک یحید اخسرت کل الانس و الجنه

حزبین صرنه اباسم لو انهضم منخله

************

و من شعر والده الحاج عباس الموسى السعدوني الطرفي:

ترکنی الوکت لمراضی و حالی***زری او شربت مر عمری و حالی

البصر کلش ضعف منی و حالی***رگد و الموت چنه ابعد علیه

**********

ربی تعلم اسراری و حالی***مشیت ادروب ملیانه و حالی

ملچ الموت من امرک وحالی***اخیلک من حساب الحگ علیه

**********

الایمه ادخیل میتکم و حیکم***و ارید ابوسط منزلکم و حیکم

تبع من نازل من الله وحیکم*** ابزمان المصطفی سید البریه

*************

المصدر : دیوان الشاعر و کتاب الثلمة و صداها للمرحوم شيخ صالح الطرفي

کل الحقوق محفوظة لموقع ادبنا

TPL_KH_LANG_MOBILE_TOP TPL_KH_LANG_MOBILE_SWITCH_DESKTOP

مجوز استفاده از قالب خبری ناب نیوز برای این دامنه داده نشده , براي اطلاعات بيشتر درباره مجوز استفاده از این قالب به سايت خليلان رسانه مراجعه کنيد .