موسوعة الادب العربي في خوزستان

TPL_KH_LANG_KH_MOBILE_DESKTOP TPL_KH_LANG_KH_MOBILE_REGISTER TPL_KH_LANG_KH_MOBILE_LOGIN

الشاعر سالم جواد الساري

الشاعر سالم جواد الساري

الشاعر سالم جواد الساري: شاعر من شعراء الشعر الشعبي في خوزستان ولد عام ۱۳۴۸ شمسي في قریة المچریة بقرب مدينة البستين و من توابع دشت آزادگان ترعرع في بيت يحتفظ بالدين و حب اهل البيت عليهم السلام فتربي في تلک البيئة  الريفية النقية فاکتسب من جمال طبيعتها و خلوص اهلها ما يصيقل احاسيسه و ينقي خياله فمال الى نظم الشعر في مبکر من عمره و هو في سن الخامسة عشر، اضطر الى مغادرة مسقط رأسه بسبب نشوب الحرب المفروضة و قطن مدینة الاهواز بعد ذلک، و استمر في نشاطه الادبي و تعرف على کوکبة من شعراء الاهواز و اکتسب فنون نظم الشعر، کتب الشعر في جميع مجالاته و اوزانه الشائعة في خوزستان، يلقي الشعر بطريقة خاصة به، حيث يجذب المستمع و يستلذ من اداءه الساحر، شارک فی عدة مهرجانات دولیة کمهرجان الرضوي و مهرجان نورالثقلین و کذلک شارک في مهرجانات اخرى منها: مهرجان الدفاع المقدس للشعر الشعبی و الحسینی للشعرالشعبی و الحجه للشعرالشعبی فی مدینة شادگان وحاز علی عدة مراکز و کرم بجوائز. کتب کثیر من القصاید للروادید و القيت على المنابر في الاهواز و سوسنگرد و شادگان.

من شعره:

النخوة الحیدریة

اندب یاعلی اوخلهه اعله ابوالحسنین****روحک لاتضل بلشده حیرانه

اندب من صدگ وترجه منه العون****بسم الله الجبل چابدل امچانه

اوخل حبه اویدمک یجری بلشریان****اوخل ذکره اعله گلبک یرفع اذانه

اوشیطانک ترجمه مو سبع حصوات****اترجمه اعله العلن وتکسر اوثانه

اولاتلفظ علی اله ابطهاره اتکون**** لئن عل لوح اسمه اهناک عنوانه

اولئن قران ناطق یعنی کل قران**** موکلمن یگوم ایمسه قرانه

اولوتندب علی خلهه اوی اسمه اتطیر****روحک لونخیته ایاک کسلانه

اوگله اعله التریده اوحلفه اگلک بیش****حلفه ابخدرحره اودمع رضعانه

حلفه ابفاطمه اوحلفه ابورید احسین****حلفه بلسبایه البگت عطشانه

حلفه بلضلع وبنبتت البسمار****حلفه ابدم رضیع الخضب احضانه

حلفه ابچبدطاح اوسمه طاح اویاه****حلفه انته ابرقیه اوحلفه بحزانه

حلفه بلعطش وبجود ضم المای****حلفه ابمنذبح بس یابس السانه

حلفه ابعلم واگف یخجل امنیطیح****اوشیاله فگدهه اثنین ذرعانه

اوحلفه ابکربله اورد حلفه بلعباس****حلفه ابمنذبح مگطوع شریانه

چا شگ الگبر حیدروگفلک سور****داس اعله الشدد ویگول هاذانه

*** *** ***

اطلب من علی

لا تطلب بحر مای الحلو یوم****یغتاض النهر و یشکک ابمایه

او لا تاخذ حچی الما مر علیه الجوع**** تحچیله الفقر و ینصحک ابرایه

او لا تنشد عگل و مصاحب الشیطان****یحفر بیر الک و لیوسف احچایه

انشدلک عگل مجنون بهل البیت****ایگلک للحسین انروح مشایه

مرات اشکثر تسمع حچی الیحچون****   بس حچی الیفیدک کلش اشوایه

او مرات ابکلام اتشگ جفنهه العین****زینب هیه چلمه او بلحچی اهوایه

مو کلمن ضحکلک شال کلشی انطاک****جرحک لو عطش یشرب عذب دایه

او مو کلمن ایسولف یسکت الدیوان****یصح ساروح یمطر کل حکم نایه

بحر الجود یرهب کرم ذاک الصوب****  ونطینی العبر بس الحسن فایه

رایات الکفر طمت اعیون الدود****بس یاهو التشدله الوادم الرایه

ابوکت الضیج یحکم بس لمیع السیف****بس یاهو التنومس من حمه الثایه

الچف المالویته لا تطخ و تبوس****غلطان المثل غم المشه ابرایه

اشگد تبچی دمع تفرق دمعته احسین****یمکن بلحشر بس تنفعک هایه

لا تطلب نهر تارس لهاته الطین****شلک بلجرف لو ما حظن مایه

الحایه ابلا حچی مرات سمچه ابهور****مو کلمن تشکل صادهه الحایه

الربیع ابلا ورد ضحکت حزن بسکوت****چا عین الشجر للیوم بچایه

السفره ابلا هله ما تشبع الخطار**** ماصخ کل اچلهه املوحته احچایه

**********

الگصه ابلا حیه حایط ابوسط المای****ماتمن تروح ابکصرت افیایه

السیف ابلا فعل بردیه تحتچ بیه**** لو عال الگصب چا صار گشایه

او سیف البی فعل منه الزلم یبچون****غنه ابکل حرب و تنومس ابهای

تدری السیف هاذ اباید چفمن چان****ابچف حیدرعلی البی خبز حنایه

اطلب من علی لو حرت وکت الضیج****حیدر ما طرد فد یوم شچایه

یخبز للیتامه او ینده الجوعان****واحد بلبلد و العائله اهوایه

اگصد للنجف و حچیله شنهی اترید ****یطیک التریده ابنص الحچایه

*** *** ***

بچیت الیل

بچیت الیل خفیه او ماگلت آخ****خفت تسمع صده الونات شماتی

او عجدت السانی عجده ابحضرت الخرسان****اخافن لا تفرع روس چلماتی

او الولی اعله الدمع مثل التنوم توم****اهزّن بصبر کاروکی آهاتی

او الوعن و احترگ بس ما صحت محروگ****اطفی آنه بادی نهران دمعاتی

او کبّرت الالم و العله ولیاریت****کبرن ما مشن مشلوله علاتی

فرشن بلگلب یتگلبن عل کیف****او حطّن بیتهن یم بیت حسراتی

او خاونی ابشکل یوسف او عشر اذیاب**** بس بیه فرق یعگوبی وناتی

ما تانی ظعن بیری غمیج اهوای**** ما یوصل حبل ویلوح حسباتی

شدیت الجرح من ضحک سن البیر****عاندته ابابه او ضمت چویاتی

راوانی عنب حسباله مهر الجوع**** اهده اعله العنب و یشوف سلاتی

او راوانی فرح یم ناس ماهم خوش****سدن بابهن ما مشن ضحکاتی

بنات بیوت عدی العزه و الحاجات****ما طلعن کشف بحجاب حاجاتی

ما ترهم ابوح ابسری و آنه ابیر**** ضلّت او یسرّی او نار دمعاتی

اشرب من دمعتی او لصبح سکران****احسّن بلشعر متروسه کاساتی

و نصبلی عزه او مجلس اشگد اهموم****او ادعی امن الفرج و یصیر ملاتی

او اگولن تنفرج و الوکت یفتر یوم**** وحط مخیط قهر بعیون شماتی

*** *** ***

صحبانی

چنت موگد شته او ماخجلیت النار****افک الهه الشلیل المود صحبانی

او اذا هفتت اشلع اضلوع صدری ابزود****ادری ابعینهم مذموم دخانی

و ادفیهم چنت بس منه ما حطت****   امعلم من زغر و مرتب السانی

او یوم امن الوکت ما ظل ظلع للنار****او خلص کل حطب ونباگ بستانی

او صحبانی اختفو مثل الشمس بلیل****لا واحد نشد لا  غزر احسانی

خلیت النظر واگف ابصف الباب****چن ضایع ولدهه او گاعده اتانی

بس ماکو خبر شگگ اعیونی الیل****سهرته اسبوع کله او بین الثانی

او قریت الفاتحه او زاد الشهر بیام****او وصلن اربعین الصیرت احزانی

لا سئلو علیه الوکت طشنی اشلون**** لا گالو زمانی اشلون لمانی

کل ظنهم متت مو خلصیت اسنین**** اذا میت صدگ موجود دفانی

او لمن ایست خضرت کلنی اردود**** او رجعن من جدید اضلوع بنیانی

او موگد ما صرت تحرگ ابگلبی النار****اخافن علگلب ویگول چوانی

بس طبعی المحنه ابلا شرب لا زاد****امدللهه ابشکل کلیوم تلگانی

علمنی الگصب لو ینذبح کل یوم**** یرجع للاصل ما ینگلب ثانی

**********

هوسات

یوم امن الزمان الفات ثایل من ثگل همی

من کثرالعسر ملیت اطفی اویحترگ دمی

باب امن الاهل دگیت لن یطلعلی ابن عمی

حط ایده ابسدری اوزحانی

****

گلی لاتدگ الباب افرض مانی ابن عمک

لاتربط گرابه اویاک لالحمک ولادمک

موترجع تدگ اردود ولی اوسم الیسمک

های اخرمره اتدگ بیهه

****

گتله الدهریفتریوم تتبدل الف حاله

باب الفرج مومسدود لابدیطلع اهلاله

حچیک یبن عمی الیوم یشبه دچت الفاله

خل های ابالک لتالی

***

شلت العسرمده اسنین ملنی اوعیب ملیته

مره اتعارکت ویاه شلته اوحیل دگیته

شفت العسریم الباب یضحک راجع البیته

حلیت الباب اوحضنانی

****

اذکراگرایه ابمظیفی اوچانت ابلیلت طبگ

گالوایدونگ بابک صیحت یاهو الیدگ

لن ولدحبنی اعله گصتی اوگام شبگانی شبگ

من گتله اتفضل هدانی

ترزت لمن عرفته بی یهامه امن الزلم

چن سفیرامن الماگبرکل ظرس بی منثلم

گلی ابن عمک ابابک بالک اتفکر حلم

شلعیت اعیونی اوخلیته

****

چتف اچفوفی اوخذانی اوصارسبای العسر

گتله عطشان اعله اخوتی ارجوک بس بیهم امر

گلی عاین زین اخوتک شوچفوحته الجدر

لوتمشی احسنلک من ذوله

**************

کل الحقوق محفوظة لموقع ادبنا

TPL_KH_LANG_MOBILE_TOP TPL_KH_LANG_MOBILE_SWITCH_DESKTOP

مجوز استفاده از قالب خبری ناب نیوز برای این دامنه داده نشده , براي اطلاعات بيشتر درباره مجوز استفاده از این قالب به سايت خليلان رسانه مراجعه کنيد .