موسوعة الادب العربي في خوزستان

TPL_KH_LANG_KH_MOBILE_DESKTOP TPL_KH_LANG_KH_MOBILE_REGISTER TPL_KH_LANG_KH_MOBILE_LOGIN

الشاعر علی سعد الساري

الحاج علی سعد الساري

الشاعر الحاج علی سعد الساري: شاعر من شعراء الشعر الشعبي في خوزستان ولد  عام ۱۳۶۸ هجري في قرية المجريّه احدى القرى التابعة لمدينة الحويزة تربى في اسرة ملتزمة مؤمنة و موالية لاهل البيت عليهم السلام و ترعرع على مکارم الاخلاق. درس الابتدائية في قريته ثم اکمل دراسته في مدينة الاهواز و ثم سافر الى الکويت للعمل و بقى فيها سبع سنوات و عاد الى وطنه و اشتغل في وزارة التربية و التعليم . کان والده زاير سعد بن جبار شاعرا اميّ فمال شاعرنا الى نظم الشعر و خدم شعبه بالشعر الهادف الملتزم فشارک في ثورة الشعب ضد النظام البهلوي و کذلک في الحرب المفروضة و کان له الدور المؤثر في ترغيب الشعب للدفاع من الوطن الحبيب و جاهد بنظمه و کتب قصائد کثيرة و شارک في کثير من المهرجات الذي کانت تنعقد في ايام الحرب. نظم شعره في کثير من المجالات و الاوزان الشعبية الابوذية و الهوسة و القصيدة و غيره من الاوزان و شارک في کثير من المسابقات الادبية في المحافظة و حضر في بعض القنوات و منها القسم العربي في الاهواز. جمع شعره في دواوين مطبوعة منها ديوانه المسمى "النفحات السارية في مدح و رثاء العترة الزکية" و رثاء و مدح فيه أئمته الکرام حيث تتوقد في حبهم و لا ينقطع عن الکتابة لهم.

مقام الرسول و العتره الطاهره

مقطع الاول

هاک اگرا الرسول

و اگره قرانه

و اوگف بالدرب و نطبج ویانه

دگلی اشمااک انته

امحّیر و مبهوت

و بالمگلوب تگره آیات تبیانه

رسول الله اجده الواحده

و الناس ابفساد غرگانه

صدع صوته

و صدع حیدر ابسیف اویاه

الشمس و الگمر بزغت و اشرگ اسمانه

من چنّه متاع ابحلگ هذا و ذاک

غص بینه البلعنه و طاحت اسنانه

و نزل قرآن یترتل علیها الناس

و علی صار الکتاب الباری السانه

**********

مفطع الثاني

و لومه انته السور محد درس بیها

یا ظهر النبی و یمثبت ارکانه

اجیت انته ابوکت بیه الله من وداک

مثل ما ودّه وی موسی اخوه هارون

شد ظهره و رفع من شدّت احزانه

و ما خلّیت مصحفنه حبر یابس

ترجمته ابجهادک ونته عنوانه

ونته یا علی و العتره هم ویاک

وربکم خولاکم امر دنیانا

و لون اتأخرت و تعطل الواک

چا رجعت الوادم تعبد اصنام

و کلمن یحتضن بالجهل شیطانه

و دلّیت الزلم من ثرت ویه الدین

ونته الی وهبته الروح قربانه

و حبیب الله اخوک و نفسه هم ویاک

و بس وآخه علی من بین خوانه

و بس وآخه علی من دون کل الناس

لأن یدری ابعلی و امعیّر اوزانه

اهواه بثگل النبوه اعیار و اقیاس

و عادلهم الباری ابوسط میزانه

*********

مقطع الثالث

و اذا انته رسالی شاعر اتگول

لا تمدح بشر و اتکثر الحانه

و اسبح بالمعانی البیها روح و راح

غوص ابّحر درها و صید مرجانه

و اگصد محتوی و لا تگصد الالقاب

یا راعی الادب یلکاض بینانه

واگصد باب حیدر و امدح ابهل باب

ولا یا خذک  لایم خان وجدانه

معدن من توصفه اتوصف القران

بیه الطهر الشفایف من خطایانه

من حروفک انقلبن چیه علی المذکور

و علیهن حرم الله السان نیرانه

ونته ابیا شریعه اشلون تنکرهن

و هن راس الولایه و عصمت اهل البیت

و اشعارک صلاتک بیها منجانه

**************************

قال فی میلاد الامام جعفر الصادق علیه السلام

شروق النجم السادس من نجوم الولایه

یا احله اسم مرّ ابلسان الناس****و مثل اسم النبی بالنور و المشهد

و یا أجمل نجم لاح ابسمه الاسلام****عالی و ما گدر واحد علیه یصعد

و یا اعدل غصن یتمایل ابطوله****بیه عطر الامامه فاح و توگد

و یا نور الجلاله و نور وجه الله****بیک من الجلیل ابنورک اتجسد

اسمک اسم جدک صادق مأمون****اهو شمس النبوه و انته الفرقد

یا جعفر بنی هاشم

انته  الرمز کله و العام و الرای****و من نورک ظلام الوکت یتبدد

**********

و انته اول امام الینشر الاسلام ****و انته اول امام ابمذهبه التوحد

یعنی الدین عدک مذهبک حفظا****ناصح ما گدر واحد علیه زوّد

کل الانبیاء بالفلک تضوی انجوم****و نته و النبی شمس و اگمر تنعد

الیشهد للنبی لوصلّه للمعبود****الکم بالولایه و بالفضل یشهد

**********

صلی الله علیکم و الد الرحمن ****وی اسمه و لا من عندکم اتفرّد

کمال اسمه جعلکم بالفرض للناس****و رفض کلمن ابحبکم شاک و اتردد

یا لیله قدر ما تنکر و تضیع****افضل من الف تتسامه و تنعد

یعنی انته القدر و المسرا و المعراج****و بس بیک العداله اتکیفو تسعد

و اذا یرمد الدین و تعمه اعیونه****ابعلمک یکتحل و انوارک المرود

و انته اتلوگ اله و ما لایج الغیرک****یا وارث نبینا المصطفی الامجد

و یا وارث علی و الحسن ویّه احسین****و یا وارث الثوره الابد ما تخمد

و نته انذخر بیک ابصلبک الموعود****صاحب الرایه الله و صاحب المسند

حبیبی سیدی یلصادق المحبوب****یا ریع الحیات الینزل و یصعد

و دگات الگلب بیکم ترتل دوم****و عاشگکم گلب کل ابیض و أسود

اذا موالک اکتب و انشد الاشعار****بعد المن سواکم بالشعر أنشد

و انته ابکل گلب موجود الک بستان****و بستانک مچارم علبشر ورّد

الک منه سلام انطش علی الحضّار****و سلام الله علیکم دوم تجدد

حاج علی سعد الساری

الاهواز- ۲۹/۱۱/۱۳۸۹ شمسی

الابوذية:

ارید احچی ابحفل ودنه وصفنه****وارید اشرح الکل سامع وصفنه

الناس اصفوفها اندثرت وصفنه****ابفرح و ابحزن نتشارک سویّه

*********

الدهر ویّه الأهل ما رحم ونصاف****العلیه العتب وین انتقل وین صاف

خریطتهم اهلنه ارباع ونصاف****خذتها اجناب لعبتهم سویّه

*********

ها ضاع الشرف یا عرب ها مات****و بناکم بالشعار انشیل هامات

نسه و اطفال بفلسطین هامات****و تتفرّج اجیوش اهل الحمیّه

********

العرب ما ذلّت و بیّن قدرها****و یفوّح بالکرم دایم قدرها

الله بالنبی و آله قدرها****ساده اعله الأمم فوگ الوطیّه

*********

یهل راضع لبن صافی و درها****عدّی من الذهب اغلی ودرها

محبتک لا تظن گبرک ودّرها****تضل عدّی محبتک ذیچ اهیّه

*********

یمن طبعک ذهب مسکوک ونساک****و ما تنمحی امن الدلّال ونساک

لا ینسه الیودّک دوم وانساک****صدیج و یصعب افراگک علیه

**********

حچی البال نشب نفسی ورعها****و صدیجی الما حفظ سرها و رعها

العمل یثمر لون یحصل ورعها****امامک گالها حامی الحمیّه

**********

کل الحقوق محفوظة لموقع ادبنا

TPL_KH_LANG_MOBILE_TOP TPL_KH_LANG_MOBILE_SWITCH_DESKTOP

مجوز استفاده از قالب خبری ناب نیوز برای این دامنه داده نشده , براي اطلاعات بيشتر درباره مجوز استفاده از این قالب به سايت خليلان رسانه مراجعه کنيد .