موسوعة الادب العربي في خوزستان

TPL_KH_LANG_KH_MOBILE_DESKTOP TPL_KH_LANG_KH_MOBILE_REGISTER TPL_KH_LANG_KH_MOBILE_LOGIN

الشاعر الحاج سیدعلي الموسوي

الشاعر الحاج سیدعلي الموسويالحاج سیدعلي بن سید نعمه بن سید خلف الموسوي: ولد سنة ۱۳۱۸ هـ.ش في قریة الندافیة التابعة لمدینة ملاثانی ترعرع في عائلة هاشمية عريقة، لهم منزلة سامية و وجاهة نافذة في قلوب الناس فتعلم منهم الادب و الشموخ و الاباء حتى تشرف بخدمة المنبر الحسيني، و ارتقى المنبر بتوصية من احد اقاربه لامتلاکه حنجرة الذهبیة و صوت حسن و شجيء فاصبح خطيب المنبر و فارسه فاعتلى أعواد المنابر ببراعته و شموخه، وشد إليه الأسماع عذوبة و إعجاباً و أدهش الحاضرين بمواقفه الجريئة و أحاديثه المسؤولة ثم لم يلبث حتى تسلل إلى أعماق القلوب يحرک المشاعر و يوثير العواطف بخطبه الحماسية اللاهبة. و نظم الشعر دفاعا عن الثورة الحسينية و بخطبه و شعره بيّن المسيرة الحسينية و ابعادها و حقيقتها و جعل ابیاته و قصائده ذریعة لبیان زوایا واقعة الطف الدامیة و مدح مناقب اهل بیت رسول الله صلي الله عليه و اله و سلم و استغنى في قراءته الحسینیة عن الاشعار شعبیة من غیره. هو اول شعراء العرب الذی تناول ساحة العلم و الفکر عند تمجیده و تکریمیه لعلماء و المفکرین القائمین بین یدي الامام الخمیني رحمة الله عليه و جعل من شعره وسیلة لنصرة الثورة الاسلامیة في ایران فهو شاعرا وطني یخرق حصار العصبیة و القومیة حبا لدینیه و وطنه و یهتف بالوحدة و الوئام جمعت بعض اشعار سید بهمة من ولده الفاضل سیدمحسن الموسوی فی دیوان عنوانه " دیوان المصائب فی حق آل ابی طالب" المطبوع.

حیاة الشاعر البیب و صاحب و فارس المنبر الحسیني

الحاج سیدعلي الموسوي

ولد سنة ۱۳۱۸ هجری شمسیة بقریة الندافیه التابعة لمدینة ملاثانی فی عائلة امتازت بالعلم و الایمان وحملت وسام الحب لرسول الله (ص) و اهل بیته الطیاب .والده المرحوم سیدنعمه و جده سید خلف الذی اصبح قبره مزارا" و ملجأ للمومنین من اهالی ملاثانی و ضواحیها محبتة" لسلالة الائمة الطهار ذریتهم .بعد تخرجه من الخدمة العسکریة فی الجیش بتوصیةمن ابن عمه الفاضل الحاج سیدغالب الحسینی اختار المنبر و القراءة الحسینیه منهجا" کی یخدم مجتمعه و تزکیة نفوسهم و یسعی للحفاظ علی التراث الدینی من رویة واقعة کربلاء الخالدة و من هذا المنطلق کشف عن استعداده الذاتی من اجل السیر نحو آلاتیة المضیئة و خدمة الدین و قیمه السامیة.عندما ارتقی سلم المنبر استلم الرقی الی قمةالشعر و الادب الحسینی ،جعل ابیاته و قصائه ذریعة لبیان زوایا واقعةالطف الدامیة و مدح مناقب اهل بیت رسول الله (ص)و کان فی قراءته الحسینیة غنیا" عن الاشعار شعبیة من غیره. لسیدنا الشاعرثلاث مواقف کونت له ثلاثة وجوه امتاز بها من سائر الشعراء المعاصرین له.و منها:

کان شاعرنا البیب عندلیب دوحةالامام الخمینی (ره) حین غنی لزهور الثورة (الشهداء) باروع قصائده و ابیاته و جعل قلوبهم معلقة و والهة بعشق الاسلام  و الامام.لو امتزجت ایام الحرب المفروضة مع صوت صادق آهنگران بالغة الفارسیة فی هذا الاطار و من جانب آخر کان عدیل آهنگران عندالخوزستانیین و المجاهدین العراقیین (فی فیلق بدر)الحاج سیدعلی رمزا" من رموز  ایام الدفاع المقدس و کان آنذاک صوته یشجع الشباب و یجند الووف من اجل الذهاب الی میادین الحرب ضد العدو البعثی الغادر البائد.هنا یتجسم لنا الحاج سیدعلی بصفته "شاعر ا مجاهد" یرمی بقوافیه و ابیاته و اهازیجه صدر العدو الفاشل.

لما ننظر الی عقبةالجبهات و عند رجوع جثمان الشهداء الاطهار الی مدنهم و قراهم کان صوته الحسن و حنینیه العازف یترنم فی آذان الشهدا و یعدهم بالحیاة الجدیدة و یشیعهم الی دار القرار.لاتبرد افئدة امهات  الشهداء و قلیلهن المکوی بفقد اولادهن الا عند استماعهن اهازیج و الابوذیة الحنینة من حنجرة السیدالذهبیة و هنا قدیصبح السید "شاعر الشهادة" .

الحاج سیدعلی هو اول شعراء العرب الذی تناول ساحة العلم و الفکر عند تمجیده و تکریمیه لعلماء و المفکرین القائمین بین یدی الامام الخمینی و جعل من شعره وسیلة لنصرة الثورة الاسلامیة فی ایران ، لانها نتجت من بیضة الاسلام و مکتب اهل البیت (ع).کان اول من انشأ و انشد قصیدة بالغة العربیه الشعبیة فی حق المفکر الشهید مرتضی المطهری و نعی رحیل العالم المجاهد آیةالله سیدمحمود الطالقانی .شعر السید کان نموذجا" للوحدة و الوئام  ،لایفرق بین  عربی و لافارسی بل هو فی خدمة الاسلام و جمع شمل المسلمین.سیدنا الشاعر کان اول ادیبا" نظم القصائد و الهوسات و الاهازیج و اهداها الی ساحة العلما و  الشخصیات الفارسیة و منها العلامة الفقید شیخ محمدتقی التستری و سید البهبهانی و غیرهم من الآخرین لانه یعشق العلم و العلما و المراجع  والمضحین بأنفسهم من اجل الدین و التشیع القویم.و هنا یتکون وجها" جدید من شاعرنا الخطیب "شاعرا" وطنی" یخرق حصار العصبیة و القومیة حبا" لدینیه و وطنه و یهتف بالوحدة و الوئام .مزیدا" علی الوصاف المذکوره سابقا" امتلاک السید الحنجرة الذهبیةو الصوت الحسن الذی وهب له من الباریء القدیر خلق منه فارسا" للمنبر الحسینی و شاعرا"  ذا ساحة شعبیة انیقة و عمیقة افتقدها الکثیر من الشعراء و الخطباء و حضوره المترادف فی استودیو الاذاعة و تلویزیون الجمهوریة الاسلامیة (القسم العربی )و استقباله آراء و رسائل الثقل الهائل من الجمهور هو دلیل  علی ما نقول .جدیرا" بذکر ،جمعت بعض اشعار سید بهمتا" من ولده الفاضل سیدمحسن الموسوی فی دیوان عنوانه " دیوان المصائب فی حق آل ابی طالب" حتی الان یکون بقید الطبع بقم المقدسة. اضافة علی ماتحدثنا به لسید مواقف اخری تستلزم منا مجالا" اوسع من هذا  کی نکتبها و نعدها اختصارا" منها :

تقدیمه احد ابنائه معوقا"للدفاع عن الثورة الاسلامیه و امتثالا" لاوامر الامام الخمینی ،حضور السید بمسافة فسیحةمن جبهات القتال استمرارا" مع ایام الحرب المفروضة اصطفافا و تئازرا" للمجاهدین و المقاتلین،تواصله مع الجمهور و طبقة الفقیرة من الناس و فی الاخیر نضاله فی ساحة المنبر الحسینی منذ ۴۵ سنة حتی الان فکل هذه القضایا توجب علی عاتقنا ان نقوم بتشید دور الشاعر الخطیب ثقةالاسلام سماحة الحاج سیدعلی الموسوی و نجعل منه قدوة لشبابنا المحب لشعر و الادب الشعبی کی نحافظ علی التراٍثنا و نصنع الغد لاجیالنا.ها انتم وبما یلی ثلة من ابیات و قصائد السید المجاهد و الخطیب الفاضل :

بيت ابوذية في حق الامام علي (ع)

عل ياهو الذي مثلک علاٌها **** او ياهو للعده غيرک علاٌها

بسمک رايت الخضره علاٌها**** رسول الله النبي سيد البريه

*********

بيت ابوذية في حق الزهراء (ع)

کثروني علي الزهرا ونوحاي****الناس ابليلها نامت و ناحاي

حضّرت الگبر للزهره و ناحي****  اويا هاريت وافتني المنيه

**********

بيت ابوذيهٌ في حق الامام الحسن (ع)

الحسن يکرم و فوده الراح وراد****الحسن يشفع لليحب دوم وراد

الحسن حبه ابگلب کل محب ورد****الحسن هيبه او ذخر للجعفريه

********

بيت ابوذية في حق الامام الحسين (ع)

عرفنه الوفه من عباس و حسين****او يهلتسمع دجد بالوفه و حسين

او دوم استمر بلطيبات و حسان****علي الطيبات و رضي الله و نبيه

***********

بيت ابوذيه في حق الامام السجاد (ع)

ثبت موقف ابوه احسين بسمه****او يمن اسمه لعد کل محب بسمه

يوم الي رگه الاغواد بسما****  خطب هدّم صرح ظلم آل اميه

***********

بیت ابوذيه في حق الامام الباقر (ع)

ضوه علي الباقر زاد علمه****ارتفع فوگ العلام ايخفج علمه

علمه من علي السجاد علماه ****  العلم الهم من الباري هديه

**********

بيت ابوذية في حق الامام جعفر الصادق (ع)

الصادق صادق ابوعده و عيده****الشيعي ابمولده يفرح وعيده

يربي هلفرح دومه و عيده****علي الشيعه ابفرح و لجعفريه

**********

بیت ابوذيه في حق الامام موسي الکاظم (ع)

الکاظم سابع الاقمار منهل****او فرحنه ابمولده ابهل شهر من هل

الکاظم للشرع و لخير منهل**** اليطلبه ما يخيب ابن الزچيه

**********

بيت ابوذية في حق الامام الرضاء (ع)

يثامن للحجج انته منهلک****او بگت آثار للعالم منا هلک

اريدک سيدي تحضر منهلک**** اريدبلموقف محامي اتيرليه

**********

بيت ابوذية في حق الامام الجواد (ع)

الجواد الجود من طبعه ورسمه****التقوه طاعه اسم ثاني ورسمه

انطبع حبه او جوده ورسمه****ابگلب کلمن يحب نسل الزچيه

**********

بيت ابوذية في حق الامام الهادي (ع)

الهادي يهتدي الحبه وجدله****شفاعه هان و هناک وجدله

جاه او منزله عنده وجدله****طاها ولوصي حامي الحميه

*********

بيت ابوذيه في حق الامام الحسن العسکري (ع)

بسم العسکري هليوم حيت**** او لجعل مولدک ليل انهار حيت

ابکل محفل انا ما طول حي يت****ابفرحهم اشترک واجب عليه

**********

بيت ابوذيه في حق الامام المهدي (عج)

يبو صالح يراعي السيف وراي****يبحر اليرهب امنل عمق وراي

علمکم هلظهر من قوم وري****اظهر وه نوٌابکم يبن الزچيه

*********

ابيات ابوذيه في حق قائد الثوره الامام الخميني (ره)

ابـــواحمـــد نشـــر للديـن رايه         ****او دوّخ کـل اعــادي الحيـدرايـــه

بحــر يکلـف يغـرج السفـن رايـه****فخــر للکـل زعيـــم الجعفـريـــه

*********

اليحبک خــالص الــربه و دينــه****يمـن بگلـوبنه الشخصک و دينــه

علينـه الکل فـرض حبّک و دينــه ****يــبـــو احمـــد يمنقــذ للبـــريـه

*********

حبـــک سيـــدي ايلهّفه شملهــا****اليـحـب اريـــاح لقـدومک شملهـا

التبغض جيّتک صوتــک شملهـا****اوذبهـا ابعيــد عـن گاعي الـزهيه

*********

روح الله ابشهــــر بهمــن يلينـــه****الکلامـه الکـل گلب عـاصي يلينـه

ابـوجـوده للعـد و احنــه يلينـــه****او نصرنه الثــوره و القائد سويه

**********

لطميه في حق الشهيد

يمشيع الشباب ارجوک ريض خل اشوفنه**** ربيته ابدموع العين ابني ورد اودعنه

ابني البيه رفعت راس ولدينه فده ابروحه****يستاهل تشيعه ابعز الخلهٌ اليعث مطروحه

زفت عرس تشييعٌه وآنه احلف فلانوحه****البيض صفحت التاريخ عيب اشلون انوحنه

ابني الماطبع للذل او خله اعداه مرعوبه**** ابني امطلج الدنياه بس الدين مطلوبه

ابني لو هجم طاعون ايضيج اعلي العدو ادروبه****ابني الخلد التاريخ ويام الحرب فنهٌ

ابني الدايم ايوصي ما اقبل علي تبچون ****آنه استشهد اعلي الحگ ونتم بعدي اتحملون

طيعو چلمت القائد ولدين النبي اتنصرون****ولمات ابطريج الدين الله ايبشره ابجنهٌ

يمشيع الغزيزارجوک لاتعجل ابتشييعه**** بس هلساعه اهو اگبالي وسرن ابتوديعه

د نيلي النعش ارجوک خله اگبالي اسويعه ****اومن گبل الدفن ارجوک مهله انطيني احبنه

امه اتريد توديعه اخواته و خوته اينوحون****هيبه او يصعب افراگه او يستاهل عليه يبچون

بس ابهاذي انخاکم لبني يلحگ اتدفنون**** کل اطباعه حلوه ابني مدري اشلون او صفنه

حار الواصف ابوصفه ما يدري يوصفه اشلون**** ايريد ايوصف الطوله لو شکل ابني زاهي اللون

لو يوصف شجاعه اوباس ابني اعلي العده طاعون****يشبه للتميمي ذاک ماخذ هلطبع منهٌ

يشبه لبن مره اسعيد ذاک الي نصر دينه**** ضحه بالعمر للدين عاف العرس و الزينه

او للعشرين ما وصلن يلتنشد تره اسنيه**** او لبهٌ صيحت المظلوم ذاک الشاب المچنٌه

کلهم جاهدو للدين لبوٌ دعوت المظلوم****ذاک الجاهد اويحسين او هاذا الجاهد ابهليوم

نهضو فد هدف کلهم بذلو للعقيده ادموم****  او کل واحد يگول آنه گبلک موتي اتمنٌه

تتزاود علي الالقام تسحگ فوگه و تفجره****انطيکم عهد يسلام هاي الفتيه منتصره

مثل انصار ابو السجاد احلف چنهم ابعصره****عيده الحرب ذاک اليوم ابني او مبتسم سنه

ذوله امه و بوه يبچون و اعليه تبچي هاي الناس **** مو جزع تره يبچون لاکن بيه  رفعت راس

ضحه امنجلي او اجلک ايحگ حته اللطم علراس**** الظلو بيهم اکفايه ذوله مو اقلٌ منٌه

***************

لطمية في حق الشهيد عن لسان بنت الشهيد

يا سعدها المثلي صارت حصلت اسم جديد****چنت محد يعرف اسمي و صبحت بنت الشهيد

چنت محد يعرف اسمي و صحت هسه ابفخر**** من سمعت البابه ضحه گلت دين الله انتصر

اوبانت اعلي العدو ذله او من عزيمتنه اندحر**** اشلون بعد ابچي اعلبويه لاوحک با سه الشديد

المات علحگ ما هوميت اي وحگ فارس حنين****  ذمه اصبح دين ربک و ابعنق کل فرددين

ابهل يسار احمل اسلاحک ولکتاب ابهليمين**** وارعب اگلوب الاعادي ابصوتک اليرعد رعيد

راح ابوي امنجلي وجلک يا شباب اسمع شگول****جاهد الدينک ينشمي جبل راسخ لاتزول

المتت والظليت لازم رضه امنلباري تنول****اتخير اواطلب علي الله اشما تحب منه اوتريد

يامن اسلام الله دينک انهض او صفي الکفر**** تابع النهضت خميني اموتت في احسن عمر

ماتظل حي اعلي کيفک آخر اتطب هلبگر****لاکن الموتات تفرق موتت العلحگ تفيد

هيه يا خوتي النشامه لبٌو الصوت الابو****اتحزمو بچفان اخوتي او للقتال اتا هيئو

هان بالدينه سعاده اوغاد جنه تکسبو****بذلو الارواح اخوتي او لبٌو الصوت العميد

لبٌو الدعوت ابو احمد يا اخوتي او صيحته****هز عروش الجور صوته و انهدم من صيحته

فازت التبعت مسيره او خسرت الي عادته**** ياخميني کون عمرک گد عمر نوح ابمزيد

ها واشکر من اخوتي الشارکوني ابهل امر****ايبار کولي ابموت ابويه اويهنوني بالنصر

او صرت مستره ابسببهم و فتخر لاخر عمر****مات بحسن موته ابويه ايفوز بالجنه سعيد

****************

لطمية في حق الشهيد آيه ا… سيد علي البهبهاني)

يعيني دم دمع هلي علي المفگود بلاسلام**** خلا له کنز معلوم وا لاحکام

خلاله کنز معلوم و بفظله الخلگ تحچي****يا هو الماتالما تا لمله وبضله الامم تدري

ياهو اليسمع ابموته او دمعته اعليها تجري****خله الشيعه کلها اتنوح و لفگده تدگ الهام

ضلت مدرسه علمه محزونه اولطم بيها****مست موحشه بعده من مثلک يطب بيها

ا نته الي چنت آ يه او کل ا هموم جاليها**** خليت الدموع اتسيل واثر بگلوب آلام

ا نته علم للاسلام وا نته وارث الطا هـــا ****عگبک اهل خوزستان بس البچي سلواهـا

روح الفار گتنه اليوم ريت ارواحنه اوياها****بس يحله البچي والنوح من اجلک يبوالايتام

المصاب البهبهاني اليوم کل ارواح ولهانه **** گوض يا وسا فه اوشال عزنه او ترک ديوا نه

ضلت خلف نعشه اتصيح امودّع بللٌه مولانه****صبحت ثلمه بلا سلام اوهم احزن عليه السلام

يبو عبدا… هلغيبه المت الگلب بيهـــــا**** هاي ا هل العلم تنعاک بعدک من يســليها

چنت ا بفضلک او تقواک يا آيه يسليهــا****او محرونه اصبحت يا حيف لجلک ناشره الاعلام

الهي اجبر مصاب ايران ابحاه الصطفي ياسين****وبجاه الشهيد الحيدا بو السجاد ذاک احسين

او جاه  مخدرت عدنان  زينب والذي امطاعين ****عبره صار يوم الطف بيه نتسله يلاسلام

****************

لطمية في حق المرحوم آیةالله المجاهد السيد الطالقاني 

انفجعت الاسلام وسفه طالقاني ا بفگدتک****اهتزت او ماجت بهلها يازعيم الرحلتک

ا هتزت او ما جت بهلها ا بهلمصاب الي جره****ابحيث ما فگدت شبيهک چنت سور الها او ذره

ا طفي کل نار ابوجودک يا اسد يا قسوره****هاج کل مسلم اليومک و فجعته وگعتک

هاج کل مسلم اليومک يا مجاهد يا اسد****للخميني سيف چنت وتحامي البلد

شرد او صفنک يظيغم حبک ا بگلبي انعقد****للابد ما ننسه يومک الّمتنه ابغيبتک

للابد ما ننسه يومک ولهداف الغاليه****حطمت بيها العناصر حزب راضي الطاغيه

لا تظن تغيير الها نهضه وحده با غيه****امودع ا با لله  او رسوله  بيها اهلها ثايتک

امبارک ابهاي السعاده يا مجاهد يا زعيم****جبت عمرک با لمشغه او بارزت ذاک الرژيم

اتحمليت ا شکثر اذيه امنلزنيم ا بن الزنيم****هاي في حقک سعاده بيها فازت ملّتک

هاي في حقک سعادهيالفزت با لمکرمه****ثبتت نهضت خميني يا لطعت رب السمه

استر گلب روح ا… بيها بس غيا بک المه****لا يروح ا… لتحزن احنه کلنه ابخدمتک

ظلت اهدافک بدينه او فارگتنه من قصب****يا ابو الاسلام انته او يا شفيق او يا محب

وين ما نار اتو جّر تطفه بس ليها تطب****يا اخو الروح الله مثلک خوته تشبه خوتّک

ما نظير الها نهضتک يا اسد يلماتهاب**** الاجل دين الله او رسوله اتحمليت اشگد عذاب

ابکثر ما عندک حنانه ما تحب يسمع شباب****اتخاف لن ايهيج اکثر من يشاهد حالتک

ما تحب تخبر المله ابنوع تعذيب الشفت**** کلنه ندريها وصيتک في حياتک من گلت

لو متت بس المغسّل ينظر الجسمک ردت****تدري ملتک لو تشاهد متحّمل غصّتک

يا ابو الاسلام قصتک با لگلب ما تنخفي**** الواجب اديته اعلي صوله نهضتک ماتنحمي

سيدي نور الله انتم نورکم ما ينطفي****يتم نور الباري النه غصبن اعلي العادتک

يتم نور الباري النه غصبن اعلي المبغضين****دينکم شاد او تکمل يا نسل طاها الامين

ابعزم الله او روح الله او هل اسود البازلين****ارواحهم و شماتملکه طالقاني القايتک

***************

قصيدة في حق الشهيد المفکر آیة الله الشیخ مرتضي مطهري

مرتضي امهنه او مبارک يا لفزت بالمکرمه****يا اسد انته المجاهد يا لطعت رب السمه

شيّدتو الدين انتم يا جنوود المصطفي****ما تهابون المنايا و العده متحالفه

زاج للمنکر عزمکم و لعدوکم چتفّه****ابموتک اتالم شعبنه او بلاخص العاصمه

بس علي فقدک حزنه موقضيت انکسار****احنه لو واحد فگدنه انزيد اکثر انتصار

العدو لايحسب ابنفعه لازم ايذوق المرار****واحنه بعد احرار صرنه او زحنه ذيج المظلمه

حلوه نهضه او يروح الله او ثبتيتو احچايته **** انتم اعضاه او جنوده او حصل بيکم غايته

حيف عن عينه مشيتو و ذرفيتو دمعته****لاکن الموته سعاده او بيها عزهّ او غانمه

امبارک ابهاي السعاده الحصل بيها اکثر امل****عزهّ نهضه او عزم بيها تعتبر بيها الدول

يا هو ليعاند تندّم شاف بعيونه الاجل****هاذه ليجاهد حقيقي کل نحيس ايحطّمه

مرتضي موتک سعاده و النه صار اکثر عزم****ليش من حيث انتّونس بلشهاده او نبتسم

کل مجاهد موته عزه لو ارويضي يفتهم****طاغي و معادي الرساله خل يجينه انفهمه

خل يجي الزامط خميني اشماله من صوته انخلع ****مثل عدنه الکل تعرفه هسه برويضي طلع

ما طار اطائر ورتفع الا کما طار اوقع****ابوگعته اجناحه تهلسّ توهّ حس بالواهمه

ابوگعته ريشه تهلسّ بعد ما يگدر يطير****طاغي چان او عاصي ربه مادره هيچي يصير

هاذ اليعادي الرساله وين ما يمشي حقير****بعد مادوله تريده او لا تريد امسالمه

مرتضي يومک فجعنه بيه علامه امنلحسين****احسين صابوه ابجبينه ونته هم وسط الجبين

نصر دينه احسين بالدم ونته هم ناصر الدين****يا شهيد الجنه دارک و لعدو للحاطمه

يا شهيد الجنه دارک فوز ويه ابن البتول****چم شهيد الراح گبلک شريد احسب شرد اگول

کلها ابن راضي فناها مادره ابوکته يزول**** هسه روح الله يصيده او بالشوارع يعدمعه

هسه روح الله يجيبه او هم شريف او بختيار****او يذچرّهم بالجرايم ولسبي او قتل الحرار

خل ينجيهم ارويضي شوبگه ايدورّ انصار****بعد ما واحد ينفعه خل يرد انحاکمه

امحاکمه و اعدام بيها لاتحسبّ بس سوال****لو تضن انته اتخلصّ هاي لا تحسب محال

لاتضن سبّاح الک ضل گصته اخوتنه لبطال ****شجره الملعونه انته الاصل و الله حطّمه

حطمک الله او خميني يا زينم ابن الزينم**** وين ما تشرد نجيبک وين من عدته تهيم

بالضلم مشيک اويانه حسبّت يبگه الرژيم****لازم اتعاود علينه او راسک النه اتسلمه

عذبّتنه مرمرتنه لو عتنه يا عنيد****حبس شفنه جور شفنه اشما نذکره اهوه جديد

او بعد الاعظم من هذني اشچم الف اصبح شهيد****اشکثر نحسب يبن راضي اشچم طفل لميتّمه

يتميت اطفال النه او چم عفيفه الرملّت**** اتخاوي امر يکه و لعور ولدولتک خربت

چاخجلت امنملاجانب لو امنلله چا خفت**** امنين اصلک يا ايهودي او عانديت العلمّه

اختم او ادعوا ابختامي ابجاه مولانه الحميد****اليعمي اعيون الاعادي او کل جبار عنيد

او مرتضي سره تقدسه يا الهي او کل شهيد****او يحفظ المله ابجلاله و لخميني ايسلمه

لطمية في حق شيخ محمد تقي الشيخ الشوشتري (ره)

يا من ابفگدک جرحت اجفونها****ابکثر ما هملت عليک اعيونها

يا من الفگدک حزن کل السلام****يا زعيم الدين يا نسل الکرام

حزنت الفقره المصابک وليتام****عگب عينک منهم ايراعونها

ابفگدک اتبدل فرحها بلحزن****و لدموع اتسيل ما سال المزن

حته محرابک بگه الفگدک يحن****و الرساله اخلافک ايعازونها

يا زعيم الدين يا راعي الفضل****اشلون صبره اليعرفک خلفک يظل

اگعد اسمع هلبوا چي و لهضل****جولخوک او اهلک ايسلونها

حيف دين الله انثلم بيک او حزن****او حيف اخوک اعيونه لمصابک بچن

جت عشايرها او بيارغ رفرفن****خلف نعشک سيدّي اينشرونها

ريت عميه اعيوني عن اجنازتک **** حيث ما عندي صبر لمصيبتک

يا عظيم الشان تکلف فرگتک****حيف جثتک يا ولي ايوارونها

يا من ابفگدک بچت کل مسلمين****او حزن لجلک طاها سيد المرسيلن

انعازي ليران او جميع الحاضرين****ابهل مصاب الله او نبيه ايعونها

هوسات في حق الشيخ الشوشتري

يبو محمد علي‌هاي العشاير جت****تلطم امصابک و لگلب منفت

حتي الطفل يلطم لجلک او ينهت****و يصيح امصابک هد حيلي

************

يمحمد تقي امصابک فجع لسلام**** او کل واحد الاجلک يلطم اعلي الهام

اليبچي اعليک طول العمر ما ينلام**** يا شيخ افراگک بچّانه

************

يهد الحيل يومک يا زعيم الدين**** يا عزنه او ذرانه ضنوه الماضين

تعال او شوف هليبچي بهاء الدين**** او خليته لمصابک ينحب خليته

************

کل هاي العشاير عجم و لعربان****اجت اتشرچک بالحزن يا ريسان

تفدي ارواحها الاجلک يراعي الشان****من بعده انشورک يا هيبه

***********

المصدر:

مدونة ملاثاني نيوز و نشکرهم کثير الشکر على اهتمامهم لنشر آثار الادباء جزاهم الله خيرا.

کل الحقوق محفوظة لموقع ادبنا

TPL_KH_LANG_MOBILE_TOP TPL_KH_LANG_MOBILE_SWITCH_DESKTOP

مجوز استفاده از قالب خبری ناب نیوز برای این دامنه داده نشده , براي اطلاعات بيشتر درباره مجوز استفاده از این قالب به سايت خليلان رسانه مراجعه کنيد .