موسوعة الادب العربي في خوزستان

TPL_KH_LANG_KH_MOBILE_DESKTOP TPL_KH_LANG_KH_MOBILE_REGISTER TPL_KH_LANG_KH_MOBILE_LOGIN

الشاعر علي الموات الحميداوي

الشاعر علي الموات الحميداويالشاعر علي الموات الحميداوي: شاعر شعبی خوزستاني. نسبه: هو علي بن المرحوم موات بن شابث بن حسن بن عاجل بن کرم بن اسکندر بن عبدالرحمن بن مرداس الحميداوي کنيته: ابو کريم. ولد في عام ۱۳۳۰ هـ.ش - ۱۳۷۲ هـ.ق في قرية تسمي بقرية الحنيري تقع في شرق نهر کارون و هي من توابع  مدينة ملاثاني. ترعرع المترجم له في بيت يکتنفه الدين و حب اهل البيت عليهم السلام. اشتياق الى نظم الشعر لحب اهله للشعر لانهم کانوا من محبي الشعر و کاتبيه و کذلک کان يحضر مجالس الشعراء و الادباء التي کانت تقام بمناسبات دينية و اجتماعية و من اهم المجالس التي اثرت في شاعريته و صيقلت موهبته الشعرية و فتحت قريحته الادبية مجلس يسمى بـ (الگهوة) و کان يدور في القرى و المضايف و يعقد صباحا و يحضره شعراء کبار منهم: ايديم الطبليز الشحيتاوي و اغليم الصالح الخليلاوي فکان شاعرنا يقصد تلک الجلسة الشعرية و يستمع لشعرهم و يستفيد من تجاربهم فعاش في اجواء دينية ادبية فاصبح شاعرا يجيد الشعر الشعبي الاصيل. بدء نظم الشعر بکتابته للهوسة ثم کتب القصايد و الدارمي و الابوذية و نشر شعره في المراسيم الدينية و الاجتماعية. عاصر شاعرنا بعض کبار  شعراء خوزستان منهم: يابر سالم الوهبي و اغلامعلي الحميداوي و عبدالله ابو نجم المياحي و حمد العطيوي الحميداوي. کتب شعر کثير لکنه لم يحفظ لکونه شاعر امي لم يدخل مدرسة لفقد المدارس في القرية.

 

 

نشکر اخ الاديب رحيم المنهل لارساله و اتحاف الموقع بترجمة حياة الشاعر علي الموات الحميداوي فسعوانه لنشر آثار الادباء محمود مشکور و من خير الامور نسئل الباري له ان يوفقه و يحسن عاقبته خيرا.

من شعره:

يوافي العگل شد الخيط بل خيط****اشتگول الناس لو دحلبت بل خيط

اشکثر مکتوب الک وديت بل خيط****استلمه و شوف شنهي الصار بيه

**********

جواد الکون اشدنه و غيره****شغابه اشگد انه ابراسي و غيره

ابطمع ما بدل الصاحب و غيره****اريدنه ذخر  بل  موزميه

**********

يصاحب   لا تلوم الام يولم****و من الحسبات جرح الگلب يولم

ياهو الشاف عنزه و شحل يولم****چثير المال يطبگهم سويه

**********

گلبي لا يحب غيرک و ليراد****و هلک کظو علي مدرک و ليراد

الخشف ما والم العتعت و ليراد****و من   اعروگ   الشجر  ينتاز  ميه

**********

الضعون الحملن و اضعون يارن****و عليهم دم دموع العين يارن

اريدن لي من الطيبين يارين****نشامه و کل وکت  بيهم حميه

**********

و حگ من طوع الکفار و شراک ****حبک صار وسط الگلب و شراک

حسبالي  علي  تبتاع  و  شراک****و  اصيرن   لک  عبد  و  آمر  عليه

**********

يصاحب يوز من طبعک و يهلاک****و اخاف اعلي الشرف يعدم و يهلاک

صداقه عد هلي چانت و يهلاک****امن  اخوننه  شماته  تصير    ليه

**********

ابحنين الناگه احن اعليک و نحط****اشردت مني جداک انجيب و نحط

ابروضه  و نبني  الصيوان  و  نحط****علي الشامت نمر صبح و مسيه

**********

الضعاين سرن و الحادي يهمهن****امنهده و بلگلب ثابت يهمهن

طل ظلمه و علي ضيع يهمهن****و مطلاع الشمس يبعد عليه

**********

ما ينچال هم الگلب و انچل****و تراني امنل مصايب يرت و انچل

همت واهيس ظلام اليل وانچل****عوه الهارف و لم گومه عليه

**********

الشخص لا تبدگ الکبره و سنه****و  گالو  بل بحر کوسي  و  سنه

اشمريد اتعب علي الدارس و سنه****اشموصفنه يضيع الوصف بيه

**********

القلم بيد المنهدس حلو شرکاي****و علي اوليفي تحط الناس شرکاي

الوبلهم تصير اوياي شرکاي****عليک    النوح  و   الونه   عليه

**********

اون چه ما گضه قرضي و حايه****ربع ما نام من ليلي و حايه

يملله اللحد بيه عگرب و حايه****و انا گبل اللحدمرن عليه

**********

ما تنشد عليه ابغيم وصحيت****اشردت مني حبيبي ارجوک وصحيت

بس شفتک نسيت المرض و صحيت****و شگل الناس من يدرون بيه

**********

الغبن سيطر علي الدلال و حشاي****علي کلمن عشرته اوياي وحشاي

عفت جنته و سکنت ابارض وحشاي****الذ و احسن من ال بيهم اذيه

**********

هوسات :

تمنيت ابزماني اتصير فزعت ليل

و يگوم الفشگ يلمع لميع اسهيل

چا حتمن عرفنه الغبر من الزين

(الصد يعزله و يطلع صافيه)

تيرع لل دهر لاتبچي منه ابساع

سبع راح امندينه وبعد عدنه اسباع

ثاري الاخو لا ينشره و لا ينباع

(واتاسف يومک يل هيبه)

و کذلک نشکر الاخ العزيز اسماعيل علي الموات الحميداوي نجل الشاعر على اسناده لنقل ترجمة والده الکريم

کل الحقوق محفوظة لموقع ادبنا

TPL_KH_LANG_MOBILE_TOP TPL_KH_LANG_MOBILE_SWITCH_DESKTOP

مجوز استفاده از قالب خبری ناب نیوز برای این دامنه داده نشده , براي اطلاعات بيشتر درباره مجوز استفاده از این قالب به سايت خليلان رسانه مراجعه کنيد .